Zafarobod tumani elektr tarmoqlari korxonasi tomonidan kuz-qish mavsumini betalofat va barqaror o‘tkazish, iste’molchilarni elektr energiyasi bilan uzluksiz hamda ishonchli ta’minlash maqsadida hududda keng ko‘lamli tayyorgarlik ishlari olib borilmoqda.

Jumladan, tuman hududidagi mavjud elektr tarmoqlari, transformator punktlari va elektr qurilmalarining texnik holati o‘rganilib, aniqlangan kamchiliklarni bartaraf etish, eskirgan va nosoz jihozlarni ta’mirlash, zarur hollarda esa yangilariga almashtirish choralari ko‘rilmoqda.

Shuningdek, elektr uzatish tarmoqlarining sozligi ko‘rikdan o‘tkazilib, tayanch ustunlar, simlar va boshqa elektr qurilmalarining texnik holatiga alohida e’tibor qaratilmoqda.

Aholi xonadonlari, ijtimoiy soha obyektlari hamda ishlab chiqarish korxonalarini mavsum davomida elektr energiyasi bilan barqaror ta’minlash uchun zarur chora-tadbirlar amalga oshirilmoqda.

Mavsumda yuzaga kelishi mumkin bo‘lgan avariya va nosozliklarni tezkor bartaraf etish maqsadida navbatchilik va ta’mirlash brigadalarining shayligi ham ta’minlanmoqda. Zarur texnika, maxsus jihozlar hamda ehtiyot qismlar zaxirasi shakllantirilmoqda.

Kuz-qish mavsumiga puxta tayyorgarlik ko‘rish orqali tuman hududida elektr ta’minoti barqarorligini ta’minlash, iste’molchilarga sifatli xizmat ko‘rsatish va ehtimoliy uzilishlarning oldini olishga alohida e’tibor qaratilmoqda.

O‘zbekiston Respublikasi Prezidentining 2024-yil 23 sentabrdagi "Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida”gi PF-143-son Farmoni hamda "Kambag‘allikdan farovonlik sari” dasturi doirasida Arnasoy tumanida aholi daromadlarini oshirish va oilalar farovonligini ta’minlashga qaratilgan amaliy ishlar izchil davom ettirilmoqda.

Arnasoy tumani hokimi boshchiligida Bobur mahallasiga biriktirilgan "mahalla yettiligi” a’zolari va mas’ullar ishtirokida ijtimoiy reyestrga kiritilgan oilalar xonadonma-xonadon o‘rganildi.

Jarayonda har bir oilaning ijtimoiy-iqtisodiy holati, qiziqishlari, mavjud imkoniyatlari hamda qo‘shimcha daromad olish istaklari atroflicha tahlil qilindi. Oilalar bilan individual suhbatlar o‘tkazilib, ularning imkoniyatlaridan kelib chiqib, bandligini ta’minlash, yangi daromad manbalarini yaratish va turmush farovonligini oshirish bo‘yicha tegishli tavsiya va takliflar berildi.

O‘rganishlar davomida aniqlangan masalalarni hal etish, oilalarning mavjud salohiyatidan samarali foydalanish hamda ularni barqaror daromad manbaiga ega qilish bo‘yicha aniq vazifalar belgilab olindi.

Bunday manzilli yondashuvdan ko‘zlangan asosiy maqsad — ehtiyojmand oilalarni qo‘llab-quvvatlash, ularning iqtisodiy imkoniyatlarini kengaytirish va kambag‘allikdan farovonlik sari chiqishiga amaliy ko‘mak berishdan iborat.