PAXTAKOR DALALARIDA HOSIL YIG‘IMI QIZG‘IN

Paxtakor tumanida 2026-yil hosili uchun 10 600 gektar maydonda paxta yetishtirilib, 56 310 tonna shartnomaviy reja belgilangan.

Hosilni qisqa muddatda va sifatli yig‘ib olish uchun mavsumga 48 ta paxta terish mashinasi, 420 ta transport vositasi va 14 ta maxsus yuklagich jalb etilgan.

Yetishtirilgan hosilni qabul qilish uchun tumanda 1 ta paxta zavodi va 4 ta qabul maskani faoliyat yuritmoqda.

Asosiy maqsad — belgilangan rejani o‘z vaqtida bajarish, hosilni nes-nobud qilmasdan yig‘ib olish va sifatli yetkazib berishdir.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

SHAROF RASHIDOV TUMANIDA PAXTA YIG‘IM-TERIMI KUNU TUN DAVOM ETMOQDA

Sharof Rashidov tumanidagi “Mamatqul bobo” fermer xo‘jaligida kech bo‘lishiga qaramay, paxta yig‘im-terimi smena asosida jadal davom ettirilmoqda.

Hosilni qisqa muddatlarda, sifatli va nobudgarchiliksiz yig‘ib olish maqsadida zamonaviy paxta terish kombaynlari dalalarda tunu kun samarali faoliyat olib bormoqda.

Mexanizatorlar smena asosida ish olib borib, tungi vaqtlarda ham terim jarayonining uzluksizligini ta’minlamoqda. Barcha imkoniyatlar safarbar etilib, paxta hosilini belgilangan muddatlarda sifatli yig‘ib olishga alohida e’tibor qaratilmoqda.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Mirzacho‘l tumanining Toshkent SIU hududida paxta terimi qizg‘in

Mirzacho‘l tumanining Toshkent SIU hududida joylashgan “Nasiba Muxlisa” fermer xo‘jaligida joriy yilgi paxta hosilini yig‘ib-terib olish ishlari qizg‘in davom etmoqda.

Dalalarda yetishtirilgan hosilni o‘z vaqtida va nobudgarchiliksiz yig‘ib olishga alohida e’tibor qaratilib, terim jarayonlariga zamonaviy texnikalar keng jalb etilmoqda.

Fermer va mexanizatorlarning fidokorona mehnati, zamonaviy texnologiyalardan samarali foydalanish hamda ishlarning uyushqoqlik bilan tashkil etilishi terim sur’atini oshirmoqda.

Dalada mehnat, xirmonda baraka! Mirzacho‘l dalalarida hosilni yig‘ib olish mavsumi tunu kun davom etmoqda.

Tungi sukunatni texnikalar shovqini buzib, dalalarda terim jarayoni davom etmoqda. Har bir yig‘ilgan hosil — fermer va mexanizatorlarning zahmatli mehnati samarasidir.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Prezidentimiz samarali agrar islohotlari uchun FAOning oliy mukofoti — "Agrikola" medaliga sazovor bo‘ldi.
—
За эффективные аграрные реформы Президент нашей страны удостоен высшей награды ФАО — медали «Агрикола».

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Ochiq budjet — fuqarolar ishtirokidagi muhim jarayon

"Yuzma-uz” ko‘rsatuvining navbatdagi sonida budjet mavzusi, xususan, budjetlashtirish jarayonini yanada ochiq va shaffof tashkil etish masalalari muhokama qilindi. Xalqaro tajribada ochiqlik va oshkoralik bilan bir qatorda fuqarolar ishtirokida budjetlashtirish hisobdorlikni rivojlantirishning muhim vositalaridan biri sifatida qaraladi.

Mavzu yuzasidan Jizzax viloyati Iqtisodiyot va moliya boshqarmasi bosh mutaxassisi Salohiddin Bolqibayev bilan suhbat o‘tkazilib, ochiq budjet jarayonlari va ularning ahamiyati yuzasidan fikrlar bildirildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

ARNASOYDA QO‘SHQATOR USULI YUQORI HOSILDORLIKNI TA’MINLAMOQDA

Arnasoy tumanining Mustaqillik SIU hududidagi “Soriyev Jo‘rabek” fermer xo‘jaligida 27 gektar maydonda Xitoy seleksiyasiga mansub “57” navli g‘o‘za qo‘shqator usulida ekilib, mo‘l hosil yetishtirildi.

Fermer xo‘jaligi rahbarining ta’kidlashicha, qo‘shqator usulining afzalligi hosildorlikda yaqqol namoyon bo‘lmoqda. Avvalgi yillarda yakqator usulida ekilgan maydonlardan gektariga 35–40 sentnerdan hosil olingan bo‘lsa, joriy mavsumda bu ko‘rsatkichni 60–65 sentnergacha yetkazish kutilmoqda.

Ayni paytda xo‘jalik dalalarida paxta terimi qizg‘in davom etmoqda. Terim kombaynlari tunu kun dalada bo‘lib, yetishtirilgan hosilni qisqa muddatlarda yig‘ib-terib olish ishlari jadal olib borilmoqda.

Bir qarashda oddiygina ekish usulidagi o‘zgarishdek ko‘ringan qo‘shqator texnologiyasi bu yilgi hosildorlikda sezilarli natija bermoqda.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA ZA’FARON YETISHTIRISH KO‘LAMI KENGAYMOQDA

Baxmal tumanidagi BMB ZA’FARON plantatsiyalarida za’faron yetishtirish ko‘lamini kengaytirishga bag‘ishlangan press-tur o‘tkazildi.

Tadbirda BMB HOLDING Ta’sischilar kengashi raisi Bekzod Mamatqulov, Italiyaning HT HOLDING prezidenti Roberto Tuchchi, OAV va jamoatchilik vakillari ishtirok etdi. Ayni paytda 820 gektar maydonda za’faron yetishtirilmoqda. Yangi maydonlarga mahalliy plantatsiyalarda yetishtirilgan piyozboshlar ekilib, maydonni 900 gektarga yetkazish ko‘zda tutilgan.

Umumiy qiymati 120 mln yevro bo‘lgan loyiha doirasida 91,7 mln yevro investitsiya o‘zlashtirilgan. Qariyb 30 ming nafar aholi mavsumiy, 500 nafardan ziyod fuqaro doimiy ish bilan ta’minlangan.

BMB ZA’FARON brendi ostidagi za’faron va undan tayyorlanayotgan 20 dan ziyod turdagi mahsulot xorijiy davlatlarga eksport qilinmoqda. 2025-yilda eksport hajmi 10,2 mln yevroni tashkil etgan bo‘lsa, 2026-yilda 12 mln yevroga yetkazish rejalashtirilgan.

2027-yilga qadar plantatsiyalarni 2 ming gektargacha kengaytirish va o‘zbek za’faronining xalqaro bozordagi o‘rnini yanada mustahkamlash maqsad qilingan.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|