Jizzax viloyati ichki ishlar boshqarmasi boshlig‘i, general-mayor G‘ayrat Qodirov Zomin tumanida bo‘lib, Duoba mahallasida barpo etilayotgan yangi ichki ishlar bo‘linmasi binosidagi qurilish ishlarining borishi bilan tanishdi.

Qurilish maydonida obyektning joriy holati, muhandislik-kommunikatsiya tarmoqlarini barpo etish, hududni obodonlashtirish va infratuzilmani shakllantirish borasida amalga oshirilayotgan ishlar ko‘zdan kechirildi.

Mas’ullar obyektdagi ishlar holati, belgilangan vazifalar va qurilishning keyingi bosqichida amalga oshiriladigan chora-tadbirlar yuzasidan axborot berdi.

Yangi xizmat binosida xodimlarning samarali faoliyat yuritishi uchun zarur sharoitlarni yaratish, fuqarolarni qabul qilish va ularga xizmat ko‘rsatish jarayonlarini qulay tashkil etish nazarda tutilgan. Obyektning foydalanishga topshirilishi Zomin tumanida ichki ishlar organlari faoliyati uchun zarur infratuzilmani yanada takomillashtirishga xizmat qiladi.

Ta’kidlanganidek, bugungi kunda ichki ishlar organlari zimmasida jinoyatlarni fosh etish bilan bir qatorda, huquqbuzarliklarning barvaqt oldini olish, aholi bilan yaqin hamkorlikni yo‘lga qo‘yish, fuqarolarning murojaatlari bilan ishlash hamda jamoat tartibi va osoyishtaligini ta’minlash kabi muhim vazifalar turibdi.

Shu jihatdan, xizmat binolarining zamonaviy, qulay va zarur sharoitlarga ega bo‘lishi xodimlar faoliyati samaradorligini oshirish barobarida, aholi bilan muloqot va xizmat ko‘rsatish sifatini yaxshilashda ham muhim ahamiyat kasb etadi.

Shu kuni Zomin tumani ichki ishlar bo‘limida o‘tkazilgan yig‘ilishda hududda jinoyatchilik va huquqbuzarliklarning oldini olish, jamoat tartibini saqlash hamda aholi osoyishtaligini ta’minlash masalalari muhokama qilindi.

Yig‘ilish yakunida belgilangan vazifalar ijrosini ta’minlash, hududda kriminogen vaziyatni barqaror saqlash va profilaktik ishlarni yanada kuchaytirish yuzasidan mas’ullarga tegishli topshiriqlar berildi.

DEHQON XO‘JALIGIGA MO‘LJALLANGAN YER UCHASTKALARINI IJARAGA OLING!

📍 Arnasoy tumani — 30 ta | Ko‘rish
📍 Baxmal tumani — 14 ta | Ko‘rish
📍 Sh.Rashidov tumani — 53 ta | Ko‘rish
📍 Zarbdor tumani — 20 ta | Ko‘rish
📍 Mirzacho‘l tumani — 159 ta | Ko‘rish
📍 Paxtakor tumani — 41 ta | Ko‘rish
📍 Forish tumani — 80 ta | Ko‘rish
📍 Yangiobod tumani — 60 ta | Ko‘rish
🔎 Barcha 457 ta yer uchastkasini ko‘rish:
👉 e-auksion.uz

📞 Ma’lumot uchun:
📱 +998 99 207 36 08
📱 +998 99 207 26 08

Kurash bo‘yicha U-13 kichik o‘smirlar o‘rtasida O‘zbekiston kubogi musobaqasi yuqori saviyada va qizg‘in bahslarga boy tarzda o‘tkazildi.

Musobaqaning jamoaviy bahslarida munosib ishtirok etgan Jizzax viloyati jamoasi barcha raqiblarini mag‘lub etib, yuksak mahorat va matonat namoyish qildi.

Yakunda viloyatimiz yosh kurashchilari O‘zbekiston kubogi chempioni degan sharafli nomga sazovor bo‘lishdi.

Ushbu natija Jizzaxda kurash sportiga, ayniqsa, yoshlar o‘rtasida iqtidorli sportchilarni tarbiyalashga qaratilayotgan e’tiborning yana bir amaliy samarasidir.
Musobaqa yakuniga ko‘ra:

🥇 1-o‘rin — Jizzax viloyati jamoasi;
🥈 2-o‘rin — Toshkent shahri jamoasi;
🥉 3-o‘rin — Toshkent viloyati jamoasi;
🥉 3-o‘rin — Surxondaryo viloyati jamoasi.

Jizzaxlik yosh polvonlarni ushbu munosib g‘alaba bilan muborakbod etamiz!