OLTIN VODIY MFYDA GAZ TARMOQLARINING KUZ-QISH MAVSUMIGA TAYYORGARLIK HOLATI O‘RGANILDI

🏛 Xalq deputatlari Arnasoy tuman Kengashi deputati Sh. Xudoyqulov hamda Kengash kotibiyati mudiri O. Usmonov tomonidan Oltin Vodiy mahalla fuqarolar yig‘inida kuz-qish mavsumiga tayyorgarlik ishlari joyiga chiqqan holda o‘rganildi.

🔎 O‘rganish davomida aholini kuz-qish mavsumida sifatli va uzluksiz tabiiy gaz bilan ta’minlash maqsadida tuman gaz ta’minoti bo‘limi tomonidan amalga oshirilayotgan ishlar, xususan, gaz quvurlarini rekonstruksiya qilish hamda avariya xavfi mavjud bo‘lgan hududlardagi tarmoqlarni ta’mirlash jarayonlariga alohida e’tibor qaratildi.

🛠 Mutasaddi tashkilotlar tomonidan gaz ta’minoti tizimining barqaror ishlashini ta’minlash, mavjud kamchiliklarni bartaraf etish va gaz quvurlarining texnik holatini yaxshilashga qaratilgan ishlar ko‘zdan kechirildi.

📌 Shuningdek, kuz-qish mavsumida aholini tabiiy gaz bilan uzluksiz ta’minlash, gaz tarmoqlarida yuzaga kelishi mumkin bo‘lgan nosozliklarning oldini olish hamda ta’mirlash va rekonstruksiya ishlarini o‘z vaqtida amalga oshirish muhimligi ta’kidlandi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

Yoshlarni oilaviy hayotga tayyorlash va nizolarning oldini olishga qaratilgan o‘quv kursi o‘tkazildi

Arnasoy tumanida joylashgan Oila maskanida yoshlarni oilaviy hayotga tayyorlash, ularda oilaviy munosabatlar bo‘yicha zarur bilim va ko‘nikmalarni shakllantirish hamda kelgusida yuzaga kelishi mumkin bo‘lgan oilaviy nizolarning oldini olishga qaratilgan o‘quv kursi tashkil etildi, unda tuman imom hatibi, oila va xotin-qizlar bo'limi ma'sul hodimlari, psixolig va yurislar ishtirok etishdi.

Mashg‘ulotlar davomida yoshlar o‘rtasida o‘zaro hurmat, ishonch va mas’uliyat tamoyillariga asoslangan sog‘lom oilaviy muhitni shakllantirish masalalariga alohida e’tibor qaratildi. Shuningdek, er-xotin o‘rtasidagi kelishmovchiliklarni tinch yo‘l bilan hal etish, muammoli vaziyatlarda to‘g‘ri muloqot qilish va oiladagi mas’uliyatni to‘g‘ri taqsimlash yuzasidan tushuntirishlar berildi.

O‘quv kursida yoshlarning oilaviy hayotga puxta tayyorgarligi kelgusida oilalarda barqaror muhitni ta’minlash, ajrim va nizolarning oldini olish hamda farzandlar tarbiyasi uchun sog‘lom muhit yaratishda muhim omil ekani ta’kidlandi.

Bunday targ‘ibot va o‘quv mashg‘ulotlarini tizimli davom ettirish orqali yoshlarning oilaviy hayotga mas’uliyatli yondashuvini kuchaytirish ko‘zda tutilmoqda.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

AHOLI UCHUN QULAYLIK: ARNASOYDA PROPAN GAZ QUYISH SHOXOBCHASI TEZ KUNLARDA FOYDALANISHGA TOPSHIRILADI

Arnasoy tumanida aholi uchun qulaylik yaratish maqsadida barpo etilayotgan suyultirilgan (propan) gaz quyish shoxobchasida qurilish ishlari yakuniy bosqichga yaqinlashmoqda.

Hozirgi kunga qadar Arnasoy aholisi propan gazidan foydalanish uchun 30 kilometr uzoqlikdagi Paxtakor tumani, 35 kilometr masofadagi Mirzacho‘l tumani hamda 60 kilometr uzoqlikdagi Jizzax shahrida joylashgan shoxobchalarga borishga majbur bo‘layotgan edi.

Yangi shoxobchaning foydalanishga topshirilishi bilan fuqarolar uchun tumanning o‘zida suyultirilgan gazdan foydalanish imkoniyati yaratiladi. Bu esa uzoq masofaga qatnash bilan bog‘liq ortiqcha vaqt va xarajatlarni kamaytirishga xizmat qiladi.

Shuningdek, Arnasoy tumanining turizm salohiyati ortib borayotganini hisobga olganda, mazkur obyekt hududga tashrif buyuruvchi mehmonlar uchun ham qo‘shimcha qulaylik yaratadi.

Ayni paytda qurilish ishlari jadal olib borilmoqda. Yangi shoxobchani yaqin kunlarda foydalanishga topshirish rejalashtirilgan.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

OLTIN VODIY MAHALLASIDA PIYODALAR YO‘LAKCHALARI QURILMOQDA

Arnasoy tumani Oltin vodiy mahallasida aholi uchun qulay va xavfsiz harakatlanish sharoitlarini yaratish maqsadida piyodalar yo‘lakchalarini qurish ishlari davom etmoqda.

Mazkur qurilish ishlari hudud infratuzilmasini yaxshilash, piyodalar harakati uchun qulaylik yaratish hamda fuqarolarning xavfsizligini ta’minlashga qaratilgan.

Ishlar yakunlangach, mahalla aholisi uchun yanada qulay harakatlanish imkoniyati yaratiladi, hududning obodonlashtirish darajasi ham oshadi.

Bunday bunyodkorlik ishlari tumanda infratuzilmani rivojlantirish va aholi uchun munosib yashash sharoitlarini yaratishga xizmat qiladi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

ARNASOY TUMANIDA “KEKSALAR HAFTALIGI” DOIRASIDA EZGU TADBIR O‘TKAZILDI

O‘zbekiston Respublikasi Prezidentining 2022-yil 15-martdagi PQ-167-son va 2023-yil 11-martdagi PQ-92-son qarorlari ijrosini ta’minlash, shuningdek, 1-oktabr — Xalqaro keksalar kuni munosabati bilan mamlakatimizda har yili oktabr oyining birinchi haftasi “Keksalar haftaligi” sifatida keng nishonlanadi.

Mazkur haftalik doirasida Arnasoy tumani “Inson” ijtimoiy xizmatlar markazi, “Nuroniy” jamg‘armasi hamda “Anorxon faol qadam” MCHJ mas’ullari hamkorligida tumanda istiqomat qiluvchi yolg‘iz keksalar, nogironligi bo‘lgan shaxslar va o‘zgalar parvarishiga muhtoj fuqarolarning holidan xabar olindi.

Ular uchun bayram dasturxoni yozilib, samimiy muloqot va mehr-oqibatga yo‘g‘rilgan uchrashuv tashkil etildi. Muloqot davomida keksalarga ehtirom ko‘rsatilib, ularning hol-ahvoli va kundalik ehtiyojlariga alohida e’tibor qaratildi.

Keksalarga mehr va e’tibor ko‘rsatish — milliy qadriyatlarimizning yorqin ifodasidir. Nuroniylarimizga ko‘rsatilgan g‘amxo‘rlik ularga quvonch bag‘ishlab, o‘zaro mehr-oqibat va insoniylik tuyg‘ularini yanada mustahkamladi.

Zero, inson qadrini ulug‘lash, keksalarni e’zozlash va ehtiyojmand fuqarolarni qo‘llab-quvvatlash jamiyatimizning muhim ma’naviy qadriyatlaridan biridir.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube