OLTIN VODIY MAHALLASIDA PIYODALAR YO‘LAKCHALARI QURILMOQDA

Arnasoy tumani Oltin vodiy mahallasida aholi uchun qulay va xavfsiz harakatlanish sharoitlarini yaratish maqsadida piyodalar yo‘lakchalarini qurish ishlari davom etmoqda.

Mazkur qurilish ishlari hudud infratuzilmasini yaxshilash, piyodalar harakati uchun qulaylik yaratish hamda fuqarolarning xavfsizligini ta’minlashga qaratilgan.

Ishlar yakunlangach, mahalla aholisi uchun yanada qulay harakatlanish imkoniyati yaratiladi, hududning obodonlashtirish darajasi ham oshadi.

Bunday bunyodkorlik ishlari tumanda infratuzilmani rivojlantirish va aholi uchun munosib yashash sharoitlarini yaratishga xizmat qiladi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

ARNASOY TUMANIDA “KEKSALAR HAFTALIGI” DOIRASIDA EZGU TADBIR O‘TKAZILDI

O‘zbekiston Respublikasi Prezidentining 2022-yil 15-martdagi PQ-167-son va 2023-yil 11-martdagi PQ-92-son qarorlari ijrosini ta’minlash, shuningdek, 1-oktabr — Xalqaro keksalar kuni munosabati bilan mamlakatimizda har yili oktabr oyining birinchi haftasi “Keksalar haftaligi” sifatida keng nishonlanadi.

Mazkur haftalik doirasida Arnasoy tumani “Inson” ijtimoiy xizmatlar markazi, “Nuroniy” jamg‘armasi hamda “Anorxon faol qadam” MCHJ mas’ullari hamkorligida tumanda istiqomat qiluvchi yolg‘iz keksalar, nogironligi bo‘lgan shaxslar va o‘zgalar parvarishiga muhtoj fuqarolarning holidan xabar olindi.

Ular uchun bayram dasturxoni yozilib, samimiy muloqot va mehr-oqibatga yo‘g‘rilgan uchrashuv tashkil etildi. Muloqot davomida keksalarga ehtirom ko‘rsatilib, ularning hol-ahvoli va kundalik ehtiyojlariga alohida e’tibor qaratildi.

Keksalarga mehr va e’tibor ko‘rsatish — milliy qadriyatlarimizning yorqin ifodasidir. Nuroniylarimizga ko‘rsatilgan g‘amxo‘rlik ularga quvonch bag‘ishlab, o‘zaro mehr-oqibat va insoniylik tuyg‘ularini yanada mustahkamladi.

Zero, inson qadrini ulug‘lash, keksalarni e’zozlash va ehtiyojmand fuqarolarni qo‘llab-quvvatlash jamiyatimizning muhim ma’naviy qadriyatlaridan biridir.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

“MA’RIFAT ULASHIB” LOYIHASI DOIRASIDA AVLODLAR UCHRASHUVI TASHKIL ETILDI

Arnasoy tumani Yangiboston mahallasidagi 2-sonli umumta’lim maktabida aholi va yoshlarning ma’naviy-ma’rifiy dunyoqarashini yuksaltirish, ularni milliy qadriyatlar, hayotiy tajriba va ibratli an’analar ruhida tarbiyalash maqsadida “Ma’rifat ulashib” loyihasi doirasida uchrashuv tashkil etildi.

Tadbirga uzoq yillar davomida xalq xizmatida bo‘lgan, yosh avlod tarbiyasi va jamiyat rivojiga munosib hissa qo‘shgan nuroniylar taklif etildi.

Uchrashuv davomida nuroniylar o‘zlarining hayotiy tajribalari, bosib o‘tgan yo‘llari va ibratli xotiralari bilan o‘rtoqlashib, yoshlarga samimiy nasihatlar berdilar. Suhbat jarayonida avlodlar o‘rtasidagi ma’naviy bog‘liqlikni mustahkamlash, yoshlarni vatanparvarlik, mehnatsevarlik, odob-axloq va kattalarga hurmat ruhida tarbiyalash masalalariga alohida e’tibor qaratildi.

Bunday uchrashuvlar yoshlarning ma’naviy kamolotida, milliy qadriyatlarga hurmatini oshirishda hamda hayotda to‘g‘ri yo‘l tanlashida muhim ahamiyat kasb etadi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

ARNASOYDA TADBIRKORLAR BILAN OCHIQ MULOQOT O‘TKAZILDI

Arnasoy tumani Baxtli mahallasida tadbirkorlar hamda tadbirkorlik faoliyatini boshlash istagida bo‘lgan fuqarolar bilan ochiq muloqot tashkil etildi.

Muloqot davomida tadbirkorlarning faoliyatida uchrayotgan muammolar, taklif va murojaatlari tinglanib, ularni hal etish bo‘yicha tegishli choralar belgilandi.

Shuningdek, tadbirkorlikni rivojlantirish uchun yaratilgan imkoniyat va imtiyozlardan samarali foydalanish, yangi loyihalarni amalga oshirish, bo‘sh bino-inshootlar hamda zaxiradagi yer maydonlaridan unumli foydalanish masalalariga e’tibor qaratildi.

Uchrashuv davomida tumanda tadbirkorlik rivojiga munosib hissa qo‘shib kelayotgan faol tadbirkorlarga tuman hokimining tashakkurnomalari topshirildi.

Ochiq muloqot yakunida tadbirkorlik loyihalarini qo‘llab-quvvatlash, yangi ish o‘rinlarini yaratish va mavjud muammolarni bartaraf etish yuzasidan mas’ullarga tegishli vazifalar belgilandi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube