ZAFAR MUBORAK, AZIZ JIZZAXLIK PAXTAKORLAR!

JIZZAX PAXTAKORLARI ZAFARI 350 MING TONNADAN ORTIQ HOSIL, YUKSAK MEHNAT VA MATONAT NAMUNASIDIR

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi.

Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi.

Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi.

Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart.

—

Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах.

Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений.

Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет.

Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.

🎥 Videoreportaj: Jizzax politexnika institutida xalqaro ilmiy-amaliy konferensiya o‘tkazildi

Jizzax politexnika institutida "Ilg‘or kelajak muhandisligi: aqlli, barqaror va innovatsion yechimlar” mavzusida xalqaro ilmiy-amaliy konferensiya bo‘lib o‘tdi. Unda mahalliy olimlar bilan bir qatorda Vengriya va boshqa xorijiy davlatlarning nufuzli oliy ta’lim muassasalari vakillari, professor-o‘qituvchilar hamda yosh tadqiqotchilar ishtirok etdi.

Konferensiyada yashil energetika, aqlli infratuzilma va sun’iy intellekt texnologiyalarini joriy etish, xalqaro tajriba almashish hamda innovatsion yechimlarni amaliyotga tatbiq qilish masalalari muhokama qilindi. Ishtirokchilar o‘z ilmiy izlanishlari va muhandislik loyihalari yuzasidan ma’ruzalar taqdim etdilar.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Paxtakor tumanida yo‘l harakati xavfsizligi bo‘yicha targ‘ibot tadbiri o‘tkazildi

Paxtakor tumanida yo‘l-transport hodisalarining oldini olish, yo‘llarda harakat xavfsizligini ta’minlash hamda haydovchi, yo‘lovchi va piyodalarning ogohligini oshirish maqsadida targ‘ibot avtokaravani tashkil etildi.

Tadbirda viloyat va tuman mas’ullari ishtirok etib, yo‘l harakati qoidalariga rioya qilish, belgilangan tezlik meyorlarini buzmaslik va harakat vaqtida hushor bo‘lish muhimligini tushuntirdilar. Shuningdek, yo‘llarda barcha ishtirokchilarning mas’uliyati va xavfsizlik qoidalariga amal qilish zarurligi ta’kidlandi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXDA ATOM ENERGETIKASI UCHUN MUHANDISLAR TAYYORLANADI

Jizzaxda atom energetikasi sohasi uchun yuqori malakali muhandislar tayyorlashga qaratilgan xalqaro ta’lim hamkorligi yangi bosqichga ko‘tarilmoqda. Jizzax politexnika instituti (JIZPI) hamda Moskva muhandislik fizikasi instituti Milliy tadqiqot yadro universiteti o‘rtasida energetika muhandisligi yo‘nalishida «2+2» qo‘shma ta’lim dasturini yo‘lga qo‘yish bo‘yicha kelishuvga erishildi.

Mazkur hamkorlik O‘zbekiston Respublikasi Prezidentining 2025-yil 2 dekabr kuni Jizzax viloyatiga tashrifi davomida JIZPIda atom energetikasi sohasida muhandislik maktabini tashkil etish va yetakchi xorijiy ta’lim muassasasi bilan qo‘shma dasturlarni joriy qilish bo‘yicha bergan topshiriqlari ijrosi doirasida amalga oshirilmoqda.

Topshiriqlar ijrosini ta’minlash maqsadida 2026-yil 13 oktabr kuni JIZPI rektori Alisher Usmonqulov Moskva muhandislik fizikasi instituti Milliy tadqiqot yadro universitetining Toshkent filialiga tashrif buyurib, universitetning birinchi prorektori Oleg Nagornov bilan muzokaralar o‘tkazdi. Uchrashuvda Kurchatov instituti direktori o‘rinbosari Viktor Yegorichev hamda Toshkent filiali direktori Shavkat Abdukamilov ham ishtirok etdi.

Tashrif davomida delegatsiya filialning o‘quv va ilmiy laboratoriyalari, moddiy-texnik bazasi bilan tanishdi. Muzokaralarda muhandislik ta’limi sifatini oshirish, ilmiy hamkorlikni kengaytirish va qo‘shma ta’lim dasturlarini amalga oshirish masalalari muhokama qilindi. Yakunda energetika muhandisligi yo‘nalishida «2+2» modeli asosida qo‘shma ta’lim dasturini yo‘lga qo‘yish bo‘yicha hamkorlik shartnomasi imzolandi.

Ushbu ta’lim modeli talabalarga o‘qishning bir qismini Jizzax politexnika institutida, qolgan qismini esa hamkor universitetda davom ettirish imkonini beradi. Bu orqali ularning nazariy bilimlarini chuqurlashtirish, zamonaviy laboratoriyalarda amaliy ko‘nikmalarini rivojlantirish va xalqaro ta’lim tajribasini o‘zlashtirish uchun sharoit yaratiladi.

Zamonaviy energetika sohasi chuqur bilim, yuksak kasbiy mahorat va ilg‘or texnologiyalarni puxta egallagan muhandislarga ehtiyoj sezadi. Shu nuqtayi nazardan, mazkur hamkorlik mamlakat energetika tarmog‘i uchun malakali mutaxassislar tayyorlash, milliy kadrlar salohiyatini oshirish va Jizzaxda atom energetikasi yo‘nalishida muhandislik ta’limini rivojlantirish yo‘lidagi muhim qadamdir.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

OILA MUSTAHKAMLIGI — MAHALLA OSOYISHTALIGI ASOSI

Oiladagi bir og‘iz og‘ir so‘z, o‘zaro tushunmovchilik va ranjishlar ba’zan xonadon tinchligiga putur yetkazishi mumkin. Bunday kelishmovchiliklardan esa, eng avvalo, farzandlar aziyat chekadi. Shu bois oilaviy nizolarning oldini olish, oilaviy qadriyatlarni asrab-avaylash muhim ahamiyatga ega.

Jizzax viloyati Do‘stlik tumanidagi Sanoatchilar mahallasida Oilaviy qadriyatlarni mustahkamlash komissiyasi tomonidan ajrim xavfi ostidagi oilalar bilan muntazam uchrashuvlar tashkil etilmoqda. Ularda muammolar tinglanib, kelishmovchiliklarni bartaraf etish va oilalarni qo‘llab-quvvatlash choralari ko‘rilmoqda.

Navbatdagi uchrashuvda to‘rt oila vakillari bilan ochiq muloqot o‘tkazildi. Suhbatlar davomida o‘zaro hurmat, ishonch va murosa, shuningdek, farzandlar manfaatlarini ustuvor qo‘yish masalalariga e’tibor qaratildi.

Natijada ikki oilaning yarashuviga erishildi. Qolgan ikki oilaning muammolarini chuqurroq o‘rganish va amaliy yordam ko‘rsatish uchun qo‘shimcha muddat belgilandi.

Muloqotda mahallaning nuroniy otaxon va onaxonlari ham ishtirok etib, hayotiy tajribalari bilan o‘rtoqlashdilar. Ular oilada sabr-toqat, kechirimlilik va bir-birini tushunishning ahamiyatini ta’kidladilar.

Oilaviy nizolarning oldini olishda muammolarni barvaqt aniqlash, ularning sabablarini bartaraf etish va zarur hollarda mutaxassislar ko‘magidan foydalanish muhimdir. Eng asosiysi, yarashuvning barqarorligini ta’minlash va farzandlar uchun sog‘lom muhit yaratishdir.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|