ARNASOY TUMAN MARKAZIDAGI JAMOAT PARKIDA QURILISH ISHLARI DAVOM ETMOQDA

Arnasoy tumani markazida joylashgan jamoat parkida hududni obodonlashtirish va zamonaviy qiyofa kasb ettirishga qaratilgan qurilish ishlari davom etmoqda.

Mazkur ishlar aholi, ayniqsa, yoshlar va oilalarning mazmunli hordiq chiqarishi uchun qulay sharoitlar yaratish, hududning tashqi ko‘rinishini yanada yaxshilash hamda yashil maskanlarni kengaytirishga xizmat qiladi.

Qurilish ishlari yakunlangach, jamoat parki tuman aholisi uchun yanada ko‘rkam va fayzli dam olish maskaniga aylanishi kutilmoqda.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

ARNASOYDA XALQARO QISHLOQ AYOLLARI KUNI MUNOSABATI BILAN BAYRAM TADBIRI O‘TKAZILDI

15-oktabr — Xalqaro qishloq ayollari kuni munosabati bilan Arnasoy tumanida xotin-qizlarni e’zozlash, ularning jamiyat hayotidagi o‘rni va mehnatini qadrlashga qaratilgan bayram tadbiri tashkil etildi.

Tadbirda Arnasoy tumani Oila va xotin-qizlar bo‘limi boshlig‘i Dilrabo Begimova ishtirok etib, qishloq ayollarining oila farovonligi, farzandlar tarbiyasi, mahallalar obodligi hamda hududlar taraqqiyotidagi muhim o‘rni alohida ta’kidlandi.

Ta’kidlanganidek, qishloq ayollari o‘zlarining fidokorona mehnati, tashabbuskorligi va intilishi bilan jamiyat hayotining turli jabhalarida faol ishtirok etib kelmoqda. Ularning mehnatini qadrlash, ijtimoiy faolligini oshirish, bandligini ta’minlash va tashabbuslarini qo‘llab-quvvatlashga alohida e’tibor qaratilmoqda.

Bayram tadbiri davomida ayollarga samimiy tilaklar bildirilib, ularga esdalik sovg‘alari topshirildi. Ushbu e’tibor va ehtirom ayollarga bo‘lgan hurmatning, ularning mashaqqatli mehnati va jamiyat rivojiga qo‘shayotgan hissasiga berilgan munosib bahoning ifodasi bo‘ldi.

Xalqaro qishloq ayollari kuni munosabati bilan tashkil etilgan mazkur tadbir ayollarni qadrlash, ularni har tomonlama qo‘llab-quvvatlash hamda jamiyatda xotin-qizlarga bo‘lgan e’tibor va g‘amxo‘rlikni yanada mustahkamlashga qaratildi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

VILOYATIMIZ FAOLLARI ARNASOYDA PAXTA YETISHTIRISHNING YANGI INNOVATSIYALARI BILAN TANISHDI

Arnasoy tumani hokimi Odil Musanov hamrohligida viloyatimiz faollari tumanda paxta yetishtirishda qo‘llanilayotgan zamonaviy texnologiyalar va innovatsion usullar bilan tanishdilar.

Tashrif davomida paxtachilikda ilg‘or tajribalarni joriy etish, hosildorlikni oshirish hamda qishloq xo‘jaligi samaradorligini yuksaltirish borasida amalga oshirilayotgan ishlar haqida ma’lumot berildi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube