O‘ZBEK TILI — BARCHAMIZNI BIRLASHTIRADI!

21-oktabr — O‘zbek tili bayrami kuni munosabati bilan Arnasoy tumanidagi umumta’lim maktabida o‘qituvchi va o‘quvchilar o‘rtasida insholar tanlovi o‘tkazildi.

Tanlovdan ko‘zlangan asosiy maqsad ona tilimizga bo‘lgan hurmat va ehtiromni yanada oshirish, o‘zbek tilining boyligi va jozibasini keng targ‘ib etish, shuningdek, ishtirokchilarning ijodiy qobiliyati va yozma nutqini rivojlantirishdan iborat.

Tanlov ishtirokchilari o‘z insholarida ona tilining milliy o‘zligimiz, ma’naviyatimiz va madaniyatimizni ifoda etishdagi o‘rni, uning tarixiy ahamiyati hamda bugungi kundagi nufuzi haqida o‘z fikr-mulohazalarini bayon etdilar. Ijodiy ishlar orqali ona tiliga bo‘lgan mehr-muhabbat, milliy qadriyatlarga hurmat va uni asrab-avaylashga bo‘lgan intilish namoyon bo‘ldi.

Bunday ma’rifiy tadbirlar o‘qituvchi va o‘quvchilar o‘rtasida ijodiy hamkorlikni mustahkamlash, ona tilimizga bo‘lgan e’tiborni oshirish hamda yosh avlodni milliy qadriyatlar ruhida tarbiyalashga xizmat qiladi.

Zero, ona tilimiz — milliy o‘zligimiz va ma’naviy boyligimiz timsolidir. Uni asrab-avaylash, rivojlantirish va kelgusi avlodlarga yetkazish barchamizning sharafli burchimizdir.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube

#haftalik_ish_reja_ijrosi

🇺🇿XALQ DEPUTATLARI ARNASOY TUMANI KENGASHINING NAVBATDAGI SESSIYASI BO‘LIB O‘TDI

🦅Bugun Xalq deputatlari Arnasoy tumani Kengashining yettinchi chaqiriq navbatdagi yigirma to‘rtinchi sessiyasi bo‘lib o‘tdi.

🗯Sessiya ishida quyidagi masalalar muhokama etildi :

1. Tuman hududida kriminogen vaziyatni yaxshilash, huquqbuzarliklar profilaktikasini ta’minlash, jinoyat sodir etilishiga sabab bo‘luvchi omillarni bartaraf etish va korrupsiyaning oldini olish borasida 2026-yilning to‘qqiz oyi davomida amalga oshirilgan ishlar to‘g‘risida.
2. O‘zbekiston Respublikasi Prezidentining 2024-yil 31-dekabrdagi «Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida»gi PQ-468-sonli qarorining 2026-yil sentyabr oyidagi ijrosi to‘g‘risida.
3. Tumanda kuz-qish mavsumiga tayyorgarlik holati, isitish tizimlari, ayniqsa, ijtimoiy soha obyektlari — maktabgacha ta’lim tashkilotlari, maktablar va tibbiyot muassasalarida amalga oshirilayotgan ishlar holati to‘g‘risida.
4. Tumanda xotin-qizlarni qo‘llab-quvvatlash, ularga tadbirkorlik faoliyatini amalga oshirishda ko‘maklashish, shuningdek, xotin-qizlarning huquqlari va qonuniy manfaatlarini himoya qilish borasida amalga oshirilayotgan ishlar to‘g‘risida.
5. Tuman mahalliy byudjetining qo‘shimcha manbalarini sarflash to‘g‘risida.
6. Tumanda aholi salomatligini asrash, kasalliklarning oldini olish va profilaktika qilishning amaldagi holati, sog‘lom turmush tarzini targ‘ib qilish hamda ushbu yo‘nalishdagi faoliyatni yaxshilash borasida amalga oshirilayotgan ishlar to‘g‘risida.
7. Tuman mahalliy byudjeti daromadlarining bajarilishi holati, qo‘shimcha rezervlarni aniqlash bo‘yicha amalga oshirilgan ishlar, soliqlar va boshqa majburiy to‘lovlar kesimida byudjetga hisoblangan hamda amalda to‘langan mablag‘lar, shuningdek, ular bo‘yicha shakllangan soliq qarzdorligini undirish borasida amalga oshirilgan ishlar to‘g‘risida.
8. Davlat organlari va tashkilotlarda aholi murojaatlari bilan ishlash holati yuzasidan 2026 yilning to‘qqiz oyi davomida amalga oshirilgan ishlar to‘g‘risida.

📝Kun tartibidagi masalalar yuzasidan tegishli mas’ullarning axborot va hisobotlari tinglandi va tuman kengashining qarorlari qabul qilindi.

❗️Qabul qilingan qarorlar ijrosini ta’minlash bo‘yicha mas’ul tashkilotlar, tuman hokimligi bo‘limlari va mutasaddilarga aniq vazifalar yuklatildi va ijrosi nazoratga olindi.

🗣Sessiya ishi tuman Kengashining "YOUTUBE" ijtimoiy tarmog‘i orqali to‘g‘ridan-to‘g‘ri jonli efirga uzatildi.

🌐 Ijtimoiy tarmoqdagi rasmiy sahifalarimiz⭕️
💬Veb-sayt🚀Telegram📷Instagram🔵Facebook🎬You tube