Arnasoy tumanida o‘zbek tiliga davlat tili maqomi berilganining 37 yilligi munosabati bilan ma’naviy-ma’rifiy tadbir tashkil etildi.

Tadbir davomida iste’dodli yoshlar, san’atkorlar va ijodkorlar tomonidan ijro etilgan kuy-qo‘shiqlar, she’rlar hamda badiiy chiqishlar ishtirokchilarga ko‘tarinki kayfiyat ulashdi. Ijodiy chiqishlarda ona tilimizning betakror jozibasi, boy imkoniyatlari va milliy qadriyatlarimizni ifoda etishdagi beqiyos o‘rni tarannum etildi.

Tadbirda ona tili milliy o‘zligimiz, tarixiy xotiramiz, ma’naviyatimiz va g‘ururimizning mustahkam poydevori ekani alohida ta’kidlandi.

Davlat tiliga bo‘lgan hurmatni yuksaltirish, uning nufuzini oshirish, boy imkoniyatlarini keng targ‘ib etish, ayniqsa, yosh avlod qalbida ona tiliga mehr va sadoqat tuyg‘ularini mustahkamlash muhim ahamiyat kasb etishi qayd etildi.

Shuningdek, ona tilimizni asrab-avaylash, uning sofligini saqlash, rivojlantirish va kelajak avlodlarga munosib tarzda yetkazish har birimizning sharafli burchimiz ekani e’tirof etildi.

1️⃣ Davlat xavfsizlik xizmatining Samarqand viloyati bo‘yicha boshqarmasi xodimlari tomonidan viloyat Bojxona va Ichki ishlar boshqarmalari bilan hamkorlikda o‘tkazilgan tezkor tadbirda mamlakatimizga kontrabanda yo‘li bilan olib kelingan katta miqdordagi giyohvandlik vositasi musodara qilindi.
 
Xususan, olingan tezkor ma’lumot asosida Urgut tumanida istiqomat qiluvchi, 1973 y.t. fuqaroning yashash xonadoni xolislar ishtirokida ko‘zdan kechirildi.
 
Natijada, u hovlisiga sof og‘irligi 4 kg 988 gr bo‘lgan “opiy” moddasini ko‘mib qo‘yganligi aniqlanib, ushbu ta’qiqlangan modda ashyoviy dalil sifatida rasmiylashtirib olindi.

2️⃣ Davlat xavfsizlik xizmatining Xorazm viloyati bo‘yicha boshqarmasi hamda viloyat Bojxona va Ichki ishlar boshqarmalari xodimlari hamkorligida o‘tkazilgan tezkor tadbirda qo‘shni davlatdan olib kelingan giyohvandlik vositasi fosh etildi.
 
Jumladan, “Surxondaryo – Xorazm” yo‘nalishida “Kobalt” rusumli avtomashinada harakatlanayotgan, tezkor xodimlar tomonidan oldindan kuzatuvga olingan Termiz shahrida yashovchi, 1989 y.t. 2 nafar fuqaro “Sarimoy” blok-postida to‘xtatildi.
 
Ularga tegishli uyali aloqa vositalari ko‘zdan kechirilganda A-380 xalqaro avtomobil yo‘lining Buxoro viloyati Romitan tumani hududidan o‘tuvchi qismida giyohvandlik vositasi yashirilganligi ma’lum bo‘ldi va ushbu lokatsiyadan 539 gr “opiy” moddasi olindi.
 
Aniqlanishicha, qonunbuzarlar uni Xorazm viloyatida sotishni rejalashtirishgan.