🚩ред флагтың көкесін айтайын, қыздар:
1. тиктоктағы стримде түр жасап, қатайып, ел алдында боқтасатындар балақайлар. әбу бандит деуші ме еді. бос мақтан, домбыт. жігіттің күшіне емес, бітірген ісіне қарау лазым. ортасына да деп қосушы едім. сайда саны, құмда ізі жоқ адамнан қашу керек. оны білу үшін немен шұғылданатына қарайсың. адамның қалай күлгеніне қарап оның әдебін, неге күлгеніне қарап оның ой өресін аңғарасың. тағы бірдеңе қосайын – ақшасын неге жұмсайды көбіне. ол да айна. адамды тануға болады.
2. алғашқы кездесулерде-ақ қыздың құлағына гүл өсіріп, болашақ туралы мөшек-мөшек әңгіме айтып, үйлену, отбасы болу туралы жылы-жылы сөйлеп, әй-шай жоқ жоспар құратын балақайлар. ойлану керек.
3. ауызашардан шығып түнімен көше қаңғырып, талтаңдап дала кезіп, тікелей эфирде сәресіне дейін ұйықтамай, таңға дейін бос әңгіме айтатын балақайлар. ифтарлатқан соң тиктокқа шығып “қыздар, адрес жазыңдар алып кетеміз, шай ішеміз” деп отыратын балақайлар бар екен. әкесінің мәшінесінен түспейтіндер бар ғой. өзің білесің. солар.
4. “жақсы ит өлгенін көрсетпейді” деуші ме еді. соған орай өтірік-шыны аралас бір мақал айтайын – “жақсы жігіт намаз оқып жатқанын көрсетпейді”. телефон тіреп қойып дұға ететіндер бар тағы. оның жайнамазы, неше түрлі “ситаталарды” бұрқырататыны, иектегі сақалы ешнәрсені білдірмейді.
ешкіде де бар сақал. жігіт сақалы салмақтылықты аңғартса керек. жалпы үндемейтін кісінің жанында даналық бар.
5. кітап оқымайтындар – қызыл жалауды қос қолдап тұрып сонадайдан желбіретіп тұр🏌️