صباح الحب يا أحباب : 💙

‏مستلذ بخلوتي من ضغوطات الحياه
‏في نفـودٍ سقفه انجـوم وترابـه حرير .

‏يالله بـصـبرٍ يدعـمه قــوة إيمـان
‏مع مُجمل ظروف الحياة يتماشى .

‏أحتري صـبحٍ ليّا طل من خلـف اللثام
‏أنطلق شوفي وعوّد ب روحي لجسدي .

‏من الدنيا العريضه مابقى لي في الحياة أحلام
‏سوى توبة قلوب أهل الصلاح و موتة الساجد .

‏مارجيت من البشر لا كثير ولا قليل
‏في رجا اللي من رجا رحمته ماخيّبه .

‏الله يصـبّح وجهي بـ صبحٍ دروبـه ما تضـيق
‏من وين ماوجهت به جتني الدروب موسّعه.

‏أنا لي في الله حسن ظن ورجاء وآمال
‏كأني أشـوف أقـداره البيـض قدامـي .

‏منتظر من بيض الأيام مايرضي الشفوف
‏دام كل إنـسان يُـجزى على حسب عمله .

‏تفـرّدت فـي ذاتـي و علّـيت مبـداها
‏دروب الشبه ماهي أبد من محطاتي .

‏لاخانك الظن وتخمين البشر والشعور
‏ما يخونك اللطف و التعويض عند الله .

‏أقدّر من يقدّرني وأفارق من وجب فرقاه
‏و أجلّس كل نفسٍ فالمكان اللي يناسّبها .

‏كل صبح يقدّمك للمجد خطوة
‏كبّـر أحـلامك على كيفك وكافح .

‏ما دام غبت بساعة أم المعارك
‏ما لي ليا زال الخطر حاجةٍ فيك .

‏كم تعبنا نحسب الجهد يثمر و مخلوف
‏وكلّ ما غرسها على قوز ينطـحها صـفاه .

‏يازين السعه والبعد عن قوم قال وقيل
‏و عن اللي لسانه يمنع النـاس من قربه .

‏ماعاد الأعمال بالنيّات بين البشر
‏النـاس تـاخذ نـوايانا عـلى كيفـها .

‏جعلني لاعشت عايش على ستر وغناه
‏مكتـفي مالي ورى الناس شيٍ مرتجيه .

‏يا كثر ما تلزم الصّمت وعيونك تنوب
‏لحظـة فيها لـسانك رهـين الإعـتقال .

‏عطيتك لين استحى مني العطـى
‏ولا استحى وجهك ولا قدر عطاي .