﮼آشْــــواقٌ ☁️💜

السلام عليكم ورحمة الله وبركاته 💙💎
سامحوني امس صليت القيام ورقدت 🥺
خلوني توا نقولكم كيف تصلوا القيام بالتفصيل زي ماوعدتكم 💙

قيامُ الليل هو العصا السحرية لاستجابة الدعاء وتحقيق الامنيات 💎💙

طبعاً هو يكون من ركعة إلى 13 ركعة ولكن لا يحسب بعدد الركعات بقدر مايحسب بعدد الايات يعني الاكثار من قراءة القرآن يكون افضل من اكثار الركعات 💙

تصلوا كل ركعتين بروحهم مثنى مثنى مثنى وتكون الركعة الاخيرة فردية اللي هي ركعة الوتر 💙

باهي لما بنصلي شن بنقرا ؟
تقروا ماتيسر من القرآن لو حافظين او تقدروا تقروا من المصحف مافيهاش باس💙🦋
يحبذ ديما الركعات الـ3 الاخيرات يكونوا الشفع والوتر ويكونوا ركعتين وبعدين ركعة بروحها الركعتين تقروا فيهم سورة الاعلى والكافرون اما الركعة الفردية الاخيرة تقروا فيها الاخلاص 💙

نتكلموا توا على الركعة الاخيرة اللي هي قولنا الوترية بعد مانقروا فيها سورة الاخلاص ونركعوا سبحان ربي العظيم 3 مرات حنرفعوا من الركوع ونرفعوا يدينا وندعوا دُعاء القنوات حتلقوه في الصورة مكتوب لو حسيتوه طويل شويا تقدروا تاخدو جزئية منه تحفظوها وحدة وحدة وتقدروا تدعوا شن تبو من غير الدعاء المكتوب في الصورة..
قولنا بعد ماتكملوا الدعاء تدعوا لنفسكم ولغيركم واهم شي تدعوا بكل إلحاح ربي يحب العبد اللحوح
واخيراً تقولوا سبحان الملك القدوس 3 مرات واسجدوا السجدتين واطلقوا السلام وخلاص 💙💙

صدقوني كمية راحة اللي حتحسوها غريبة وحيتعبى قلبكم طمأنينة لما تتعودوا عليه ممكن في البداية تحسوه صعب بس بعد ماتلتزموا بيه كل ليلة معاش حتقدروا اتفوتوا ولا ليلة بدونه لانه حتلقوا راحتكم فيه حتستجاب كل دعواتكم فيه زي السحر 💙🦋

حيبدالكم المنفذ والملجئ الاول 💙
حتلقوا نفسكم تلقائياً تستنوا في الليل امتى يجي بش تحكوا لربي كل شي صار معاكم في يومكم 💙
تلقائيا بعد فترة لما تتجسد دعواتكم اللي كانت مستحيلة وفجاءة اصبحت حقيقة حتلقوا نفسكم كل ليلة تزيدوا تجتهدوا اكثر وتقربوا من ربي اكثر 💙

ختاماً ان شاء الله كل شي واضح لو فيه اي استفسار حنرد عليكم بعون الله 💙

ملاحظة : صلاة القيام تبدا بعد صلاة العشاء بس يحبذ ديما لو تصلوا في الثلث الاخير من الليل واللي يبدا من الساعة 1 💙💙

مش طالبة منكم شي الا تدعولي بـ هالدعوة
"اللهم قر عين حنين بإستجابة دعوتها واجعلها تسجد لك باكيةً شاكرة "💙
#عفةُ 💙
#سـَــيـَسـتَـجـِـيـبْ 💙🔐

79 viewsなわら, 00:20