احس بنضرتك ياترف خافاي
عتب ....

اياد

غده طشار دمعي ،،، مالوالي
على الگطعي الحسبته ،، مالوالي
شگل لل گلي وجهك ،، مالوالي
غياري ابذمت المجفين بيه

ابطبر وبغير رحمه ،،، وصلتني
ابزعل وبغيض حچيك ،، وصلتني
الصبح حد باب بيتي ،، وصلتني
العصر وتحزمتلي ابغير نيه

مشيت وشوف ماباگي،،، لياره
الخذوك اولانفس طاوع،،، لياره
داريتك مثل حيدر،،، لياره
اليتيم، اوشح رغيفي اوخنت بيه

تهنه اويل مشيت وياه ،،، مبريك
ابعشرتك حسبت ممشاي ،، مبريك
اعله گطعك هذه والعباس ،،، مبريك
الذمه اولا يلوحك شوگ بيه

هلا بالنمت يمه وندهني
وكال ستاحشت سولف عليه..

#أياد

الحمد الله تم صدور ديوان
الأبوذيات بإشراف الأستاذ علي عامر مقدمة الحبيب علي وجيه
قريباً في مكاتب العراق ومن اللّٰه التوفيق شكراً الكل كلمه طيبه سمعتها من خلالكم أحبتي