#Ҳадис

КИМГАКИ ЯХШИЛИК ҚИЛИНСА

Усома ибн Зайд розияллоҳу анҳудан ривоят қилинади: "Расулуллоҳ соллаллоҳу алайҳи васаллам: "Кимга яхшилик қилинса, қилувчи кишига "Жазокаллоҳу хойрон", яъни "Аллоҳ сизни яхшиликлар ила мукофотласин", деб айтса, ҳақиқатда мақтовнинг энг етугини қилибди", - дедилар.
(Имом Термизий ривояти).

https://t.me/AZAN_UZZ

#кун_ояти

وَالَّذِينَ آمَنُوا وَعَمِلُوا الصَّالِحَاتِ سَنُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا ۖ وَعْدَ اللَّهِ حَقًّا ۚ وَمَنْ أَصْدَقُ مِنَ اللَّهِ قِيلًا

"Иймон келтириб, яхши амалларни қилганларни остидан анҳорлар оқиб турган жаннатларга киритамиз. Унда абадий–бардавом қолурлар. Аллоҳнинг ваъдаси ҳақдир. Аллоҳдан ростгўйроқ зот борми?".
(Нисо сураси, 122-оят).

Тафсир: Банданинг жаннатга кириши учун иймон ва яхши амаллар бўлиши шарт. Иймонсиз ҳолда қилинган ҳар қанча яхши амалларнинг фойдаси бўлмайди. Иймони бўлиб туриб яхши амалларни қилган бандалар фақат жаннатга кириш билан кифояланиб қолмайдилар. Балки жаннатда абадий–бардавом қоладилар. Бу эса, шайтоннинг дўстлари дўзахда абадий–бардавом қолишларининг муқобилигадир.

•┈┈•┈┈•⊰✿🍃🌸🍃✿⊱•┈┈•┈┈•

https://t.me/AZAN_UZZ

Сенга ўхшагани бўлмаса керак.
Инсондаги яхши хислатлар ҳақида бирор нарса ўқисанг, гап мен ҳақимда, дейсан. Агар гап ёмон хислатлар ҳақида кетса, у иллоки фалончига тегишли. Сенга бегона.
Ҳа, буларни очиқ айтмайсан, ёзмайсан. Аммо изоҳларинг мазмунидан шу маъно уфуриб туради.
Салафи солиҳларга ҳавас қилиш билангина уларга ўхшаб бўлмайди.
Улар ер юзида битта ёмон одам бўлса, ўша менман, дейишар эди. Улар кўп солиҳ амалларини оз, озгина гуноҳларини эса кўп санардилар. Одамлар ичидаги иззатни, ҳурмат-эҳтиромни қилган солиҳ амалларидан эмас, Аллоҳнинг сатторлигидан кўришарди. Айнан мана шу туйғу уларни тарбиялади ва буюк мавқеъларга кўтарди. Сен эса уларнинг акси. Натижада, на бировнинг ҳурматини жойига қўйдинг, на ўзинг иззат топдинг. Ёки мен яхши, ёки ҳеч ким, қабилида иш тутдинг ва тутмоқдасан.
Мунча ноинсофсан, эй нафсим!


https://t.me/AZAN_UZZ

#Ислом_ахлоқи

Аллоҳнинг номидан ҳукм чиқариш (тааллий)дан огоҳлантириш

Жундуб розияллоҳу анҳудан ривоят қилинади:

Расулуллоҳ соллаллоҳу алайҳи васаллам шундай ривоят қилдилар:

«Бир киши: „Аллоҳга қасамки, Аллоҳ фалончини мағфират қилмайди (гуноҳини кечирмайди)!“ деди. Шунда Аллоҳ таоло: „Фалончини кечирмаслигим ҳақида Менинг номимдан қасам ичувчи ким ўзи?! Мен ўша фалончини мағфират қилдим, сенинг амалингни эса беҳуда (ҳабата) қилдим!“ деб марҳамат қилди».
(Имом Муслим ривояти)

Ҳадисдан олинадиган муҳим хулоса:
Ушбу ҳадиси шарифда инсон ўз тилини тийиши, уни назорат қилиши нақадар зарурлиги ҳамда Аллоҳ жалла жалалуҳунинг номидан «ундай бўлади, бундай бўлади» деб ҳукм чиқариш (тааллий)дан қаттиқ эҳтиёт бўлиш лозимлиги баён қилинмоқда.

Чунки бундай қилиш — Раббилик (рубубият) ишларига аралашиш ва Аллоҳ таолонинг шаънига илмсиз равишда гапириш ҳисобланади. Бу эса банда томонидан қилинадиган жуда катта ҳаддан ошишлик ва журъатдир. Бундан Аллоҳнинг Ўзидан паноҳ сураймиз

https://t.me/AZAN_UZZ

Ҳудуд: Юнусобод тумани (Тошкент шаҳри) UZ
Сана: 2026 йил 22-октябрь, пайшанба
Ҳижрий: 1448 йил 11-жумадул аввал
Услуб: Ҳанафий (Карачи)
Вақт минтақаси: (Asia/Tashkent)

Субҳ: (эҳтиётини инобатга олиб белгиланган) 05:08
Бомдод: 05:26
Қуёш: 06:42
       
Ишроқ: 06:57*
Зуҳо: 09:17*
       
Пешин: 12:07
       
Аср: 15:50
       
Шом: 17:36
Аввобийн: Шом намозидан кейин*

Хуфтон: 19:04
       
Таҳажжуд: 01:16*

—
*Нафл намозлари – ҳадисларда келган афзал вақтлар инобатга олинган ҳолда белгиланган.
       

https://t.me/AZAN_UZZ

Ассалому алайкум ва раҳматуллоҳи ва баракотуҳ!

Аллоҳ таоло бошлаган янги кунимизни хайрли ва баракали қилсин.

Аллоҳим!

✨ Кўзларимизга нур, ақлимизга теран басират,
🌹 Қалбимизга мустаҳкам иймон ва хотиржамлик,
🌿 Амалларимизга фақат Сенинг розилигингни кўзлайдиган ихлос,
✨ Нафсимизга поклик ва гўзал хулқ,
🌼 Ризқимизга кенглик, ҳалоллик ва барака,
🌸 Тан-жонимизга соғлик-саломатлик бергин!
🌼 Бизга инъом этган барча неъматларинг учун Сенга чексиз шукроналар бўлсин!

🌟 Хайрли тонг, азизлар!

#АЗОН 👆👆
ҚАЛБЛАРНИ ЛАРЗАГА СОЛГУВЧИ ЭНГ ГЎЗАЛ ОҲАНГ😪😪

Ассалому алайкум ва рохматуллохи ва барокатуҳ ! Саломатмисиз аҳли қадрдонларим. Қаранг яна тонг отди. Ишқилиб бомдод намозидан қолиб кетмадингизми🤔🤔. Дуолар оламида мазза қилдингизми😊😊. Илоҳим жониз тинч бўлсин😊😊. Бугунги тонгингиз муборак бўлиб дуоларингиз ижжобат бўлсин🤲🤲🤲🤲
👇👇👇👇
@AZAN_UZZ

Сахийлик ва бахиллик

Абдуллоҳ ибн Аббосдан ривоят қилинади, Расулуллоҳ соллаллоҳу алайҳи ва саллам шундай дедилар: «(Одамлардаги) сахийлик Оллоҳ таолонинг сахийлигидан бир қисмдир. Саховат қилинглар, Оллоҳ сизларга саховат қилади. Огоҳ бўлингизким, улуғ ва қудратли Оллоҳ сахийликни яратди, кейин уни инсон сувратига киргизиб, бошини (жаннатдаги) Тубо дарахтининг илдизи узра мустаҳкамлади ва новдаларини «Сидратул мунтаҳо», яъни жаннат четидаги Нилуфар шохлари билан боғлади. Саховат дарахтининг баъзи шохлари дунё оламида осилиб туради. Кимки бу шохни маҳкам тутса, шу шох уни жаннатга элтади. Огоҳ бўлингизким, сахийлик иймоннинг белгиси, иймон эса жаннатдадир. Оллоҳ таоло бахилликни Ўз ғазабидан яратди ва унинг бошини (жаҳаннамдаги) Заққум дарахтининг илдизи узра мустаҳкамлади. Бахиллик дарахтининг айрим шохлари дунё оламида осилиб туради. Кимки шу шохга ёпишса, бу шох уни дўзахга олиб киради. Огоҳ бўлингизким, бахиллик куфрдан, куфр эса жаҳаннамдадир».

Ибн Аббосдан ривоят қилинган ҳадис.

https://t.me/AZAN_UZZ

Жаннатдаги “ҳамд уйи”

Ким фарзандининг ўлимига сабр қилиб, Аллоҳ таолодан савоб умид қилса, унга жаннатда “Ҳамд уйи” бунёд этилади. Абу Мусо розийаллоҳу анҳудан ривоят қилинади: "Расулуллоҳ соллаллоҳу алайҳи васаллам айтдилар: “Агар банданинг боласи вафот этса, Аллоҳ таоло фаришталарига: “Бандамнинг боласи жонини олдиларингми?” дейди. Улар: "Ҳа", дейдилар. У Зот: “Унинг қалби меваси жонини қабз қилдиларингми?” дейди. Улар айтишади: “У сенга ҳамд айтди ва истиржоъ айтди”. Шунда Аллоҳ таоло: “Бандам учун жаннатда бир уй қуринглар ва уни “ҳамд уйи” деб номланглар", дейди" (Имом Термизий ривояти).

Аллоҳ таолонинг раҳмати шу қадар кенгки, мўмин банданинг бирор яқини, дўстими, қариндошими вафот этса, унга сабр қилиб, савоб умид килса, Аллоҳнинг раҳмати ила жаннат мукофот қилиб берилади. Кўпчилик якинларининг вафотига сабр қила олмайди, Аллоҳдан савоб умид қилмайди, ўлимнинг сабабини Парвардигор қадари эмас, балки бошқа сабабларга боғлайди. Қуйидаги ҳадисни диққат билан ўқинг: Абу Ҳурайра розийаллоҳу анҳудан ривоят қилинади: "Расулуллоҳ соллаллоҳу алайҳи васаллам дедилар: “Аллоҳ таоло айтади: “Мўмин бандам учун унинг дунё аҳлидан яхши кўрганини қабз қилсам, сўнг ундан савоб умид қилса (сабр этса) Менинг ҳузуримда фақат жаннат мукофоти бор” (Имом Бухорий ривояти)”.

«Фазилатли амаллар» китобидан.

https://t.me/AZAN_UZZ

ФИТНАЛАР ДАВРИДАГИ ЭНГ АФЗАЛ АМАЛ

Бугунги шиддатли, турли маънавий хавф-хатарлар ва синовлар кўпайган замонда мўмин киши учун энг тўғри йўл – ибодат ва солиҳ амалларни кўпайтиришдир.

Расулуллоҳ соллаллоҳу алайҳи васаллам айтдилар:
«Туннинг зулматли парчалари каби келадиган фитналар бошланишидан аввал солиҳ амалларни қилишга шошилинг! У пайтда киши мўмин бўлиб тонг оттиради ва кофир бўлиб кун боттиради, ёки мўмин бўлиб кун боттиради ва кофир бўлиб тонг оттиради – дунёнинг арзимас матоҳи эвазига ўз динини сотиб юборади».

(Имом Муслим ривояти)

•┈┈┈┈┈┈┈┈┈┈┈┈┈┈┈•
Яқинларингизга ҳам улашинг


https://t.me/AZAN_UZZ

“ШАФОАТИМ УММАТИМДАН КАБИРА ГУНОҲ ҚИЛГАНЛАР УЧУНДИР”, ДЕГАН ҲАДИС ҲАҚИДА
#ҳадис

2268-САВОЛ: “Шафоатим умматимдан гуноҳи каби қилганлар учундир”, деган ҳадис хусусида бир масала чалкаш бўлиб қолди. Бу ҳадис саҳиҳми? Агар саҳиҳ бўлса, унда гуноҳи кабира қилган одам: “Расулуллоҳ соллаллоҳу алайҳи ва олиҳи васаллам мени шафоат қиладилар”, деб гуноҳда давом этаверадику?

💬 ЖАВОБ: Бисмиллаҳир Роҳманир Роҳийм. “Менинг шафоатим умматимдан гуноҳи кабира гуноҳ қилганлар учундир”, деган ҳадисни Имом Абу Довуд ва Имом Термизий саҳиҳ иснод билан ривоят қилганлар. Имом Бухорий ва Имом Муслимнинг “Саҳиҳ”ларида уни қўллаб-қувватлайдиган далиллар мавжуд. Жумладан, Абу Ҳурайра розияллоҳу анҳудан ривоят қилган ҳадисда Набий соллаллоҳу алайҳи васаллам: “Ҳар бир пайғамбарнинг ижобат бўладиган бир дуоси бордир, у ўша билан дуо қилади. Мен эса дуойимни охиратда умматимга шафоат қилиш учун сақлаб қўйишни хоҳладим”, деганлар (Муттафақун алайҳ).
Расулуллоҳ соллаллоҳу алайҳи васалламнинг ўз умматларидан бўлган осий ва гуноҳкорларга шафоат қилишлари маъносида келган нарсалар ҳам саҳиҳ ва собитдир. Аммо Набий соллаллоҳу алайҳи васалламнинг шафоатлари собит бўлганига ва Аллоҳ таолонинг авфи, фазли ва марҳамати кенглигига таяниб, бу ҳадисдан катта гуноҳлар эшиги очиб қўйилган ёки уларга беписанд бўлиб, истаган гуноҳини қилиш мумкин экан, деб тушуниш катта хатодир. Уламолар огоҳлантирадики, бу ҳадис гуноҳ қилишга рухсат эмас. Шафоат Аллоҳнинг изни ва шартлари билан бўлади. Гуноҳкорга тавба қилиш вожиб бўлиб қолаверади. Аллоҳ таоло мағфират қилувчи ва раҳмли бўлгани каби, ҳисоби тез ва азоби шиддатлидир.
Мусулмон киши ҳамиша ўзини гуноҳлардан сақламоғи лозим. Охиратдаги мукофотлар, мислсиз ва абадий неъматлар ҳақидаги оят ва ҳадисларга таяниб, Аллоҳ таолонинг шиддатли азоби ва иқоби ҳақидаги таълимотларни унутиб қўймаслиги лозим. Токи бундай бепарволик уни Аллоҳ ҳаром қилган амалларни қилишига ва Унинг жазосидан хотиржам бўлиб қолишига сабаб бўлмасин. Зеро, Аллоҳ таоло: “Аллоҳнинг макридан фақат зиён кўрувчи қавмгина хотиржам бўлур” (Аъроф сураси, 99-оят). Валлоҳу аълам.

Ўзбекистон мусулмонлари идораси
Фатво маркази.

https://t.me/AZAN_UZZ