Azərbaycan bölgədəki gərginliyin aradan qaldırılmasına töhfə verməyə hazırdır.

Bunu Azərbaycan Prezidenti İlham Əliyev iranlı həmkarı Məsud Pezeşkianla telefon danışığı zamanı bildirib.

Dövlət başçısı bölgədə yaranmış vəziyyətin narahatlıq doğurduğunu ifadə edərək, Azərbaycanın bu kimi məsələlərin danışıqlar və qarşılıqlı anlaşma yolu ilə həllinin tərəfdarı olduğunu vurğulayıb.

Prezident Məsud Pezeşkian öz tərəfindən Prezident İlham Əliyevə təşəkkürünü bildirib.

❗️Ucarda buğda ilə yüklənmiş yük maşını ilə minik maşını toqquşub

Nəticədə magistraldan çıxan hər iki maşına ciddi ziyan dəyib.

Kəngərlidə "Mercedes" markalı avtomobilin aşması nəticəsində 4 nəfər xəsarət alıb

Xəsarət alanlar - 1961-ci təvəllüdlü Zabitə Qasımova, 1998-ci il təvəllüdlü Nurşən Qasımova, 2020-ci il təvəllüdlü Banu Qasımova və 2023-cü il təvəllüdlü Azər Qasımov Naxçıvan Muxtar Respublika Xəstəxanasının Təcili tibbi yardım şöbəsinə yerləşdiriliblər.

İran XİN rəhbəri Abbas Əraqçi: Müharibə başlasa, bu, hər kəs üçün fəlakət olar.

“Əvvəlki mərhələdə İran–İsrail qarşıdurmasının miqyasını məhdud saxlamaq üçün ciddi səylər göstərdik. Lakin bu dəfə İran–ABŞ münaqişəsi baş verərsə, ABŞ bazalarının bölgə boyunca yerləşməsi səbəbindən qarşıdurma qaçılmaz olaraq regionun geniş hissəsini əhatə edəcək”

‼️ "Biz cəmiyyəti İranda baş verən mümkün proseslərə necə hazırlayırıq? Bütün dünya İranda baş verəcək proseslərə hazırlıqlı şəkildə girmək istəyir".

"Biz medianı, cəmiyyəti baş verə biləcək hər hansı mümkün proqnozlara alışdırmalıyıq. Hansısa qaçqın və başqa axınların qarşısında necə davrana biləcəyimizi cəmiyyətə müvafiq dövlət qurumlar vasitəsilə izah etməliyik. Vəziyyət olduqca ciddidir. Orada baş verən proseslərin Azərbaycan dövləti üçün ciddi təhlükə yaratması istisna olunmur" - Fazil Mustafa

⚡️⚡️Prezident İlham Əliyev Birləşmiş Ərəb Əmirliklərinə səfərə gəlib

⚡️ BƏƏ-də Şeyx Zayed Fondunun 2026-cı il üçün “Zayed İnsan Qardaşlığı Mükafatı”nın təqdimetmə mərasimi keçiriləcək.

Mərasim 4 fevral 2026-cı il tarixində baş tutacaq.
Mərasimdə Azərbaycan Prezidenti İlham Əliyev və Ermənistan Baş naziri Nikol Paşinyanın da iştirakı gözlənilir.

Bakı və Əbu-Dabi şəhərləri qardaşlaşa bilər.

Bu məsələ Prezident İlham Əliyevin Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyanla görüşündə müzakirə olunub.

Bildirilib ki, söhbət zamanı Bakı ilə Əbu-Dabi arasında qardaşlaşma münasibətlərinin yaradılması məsələləri də qeyd edilib.

⚡️“TikTok” platformasında qeyd edilən qanunsuz əməllərə yol verən “Velizarofficial” adlı səhifəni idarə edən Salman Məmmədov saxlanılıb.

Onun barəsində İnzibati Xətalar Məcəlləsinin internet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi maddəsi ilə protokol tərtib edilib.

Müvafiq qərarla S.Məmmədov inzibati qaydada həbs edilib.

❄️ Hazırda Bakıya qar yağır

❗️3 ildir təhvil verilən MİDA binası küləyə tab gətirmədi

Yasamal rayonu, MİDA Yaşayış Kompleksində təhlükəli vəziyyət yaranıb.

Sfera.аz xəbər verir ki, artıq 3 ildir istismara verilmiş binada ciddi təhlükəsizlik problemi qeydə alınıb. Belə ki, MİDA-2 Yaşayış Kompleksinin 19-cu binasının fasad örtüyü güclü küləyin təsiri nəticəsində qoparaq əraziyə səpələnib.

⚡️Prezident İlham Əliyev Əbu-Dabidə “Zayed İnsan Qardaşlığı Mükafatı“nın təqdimolunma mərasiminə gəlib

🤝 "Zayed İnsan Qardaşlığı" mükafatının təqdimetmə mərasimindən görüntülər

İlham Əliyev Paşinyanla birgə səhnəyə çıxarkən:

"Biz indi razılaşmalıyıq ki, birinci kim danışacaq".

⚡İlham Əliyev: Biz nəinki Azərbaycan ərazisindən Ermənistana nəqliyyat və daşımalarla bağlı məhdudiyyətləri aradan qaldırdıq, eyni zamanda, digər sahələrdə işbirliyini genişləndirdik.

Bu altı ay ərzində biz əməkdaşlığa başladıq. Hazırda biz ticari münasibətlərimizi artırırıq və ermənistanlı həmkarımla görüşümüz zamanı irəliyə doğru necə getməli olduğumuzu müzakirə etdik.

🇦🇿İlham Əliyev Donald Trampa təşəkkür edib

Vaşinqtonda Sammitdən sonra, ABŞ Prezidenti Donald Tramp tərəfindən təşkil olunmuş görüşdən etibarən biz (Azərbaycan və Ermənistan – red.) artıq əməkdaşlığı qururuq və uzunmüddətli münaqişəyə son qoyuruq.

“Mən, həmçinin Amerika Birləşmiş Ştatlarının Prezidenti Donald Trampa Azərbaycanla Ermənistan arasında sülhə verdiyi töhfəyə görə təşəkkürümü bildirmək istəyirəm”, - deyə dövlət başçısı əlavə edib.