‏ماقد شعرت إن عمر الإنسان منصوف
‏إلا بعد بدّل نسيمه - بـ عصفه

‏على حساب أيامنا : ياخذ الخوف
‏نصفه ، ويترك للمقادير نصفه ..

‏والله إن طيبي على كثر السواقي
‏مانضب ماه .. وتعكر سلسبيله

‏لا يردك شي ، عن ليلة فراقي
‏كان لك قلبٍ تبي تشفي غليله

‏خذ معك خوفي وصبري وأشتياقي
‏وإترك عيوني تشيل اللي تشيله

‏ولا تدور مثل قلبي .. ما أنت لاقي
" ‏القلوب اللي مثل قلبي .. قليله "

ياكثر مابيني ، وبيني القديم أختلاف
‏مراحل العمر .. ماصرت أتحمس لها

‏ماعاد أدور رضا المقفي ولا عاد أخاف
‏إلا من إقفاية الدنيا .. على رسلها

لجل الغلا الأولي - وأحساسه الباقي
كل الأماكن معك، تستاهل العنوه

لا زلت بأعماق .. من بمحبتك باقي
ولا زال قدرك "عزيز وشوفتك منوه"

يقولون ياليت السحايب .. تبّل الجوف
‏وانا أقول لا شفتوا سنا البرق : نادوني

‏عسى وقفتي تحت المطر ياحبيس الشوف
‏تهوّن على نفسي .. مطيحك من عيوني

لاتنبش اللي من ورى حدب الأقواس
لي عام أشيل بخاطري منك وأحط

والحين حتى كلمتي لأقرب الناس
من بعدها نقطه ومن تحتها خط

- يانديم أغلا محطاتي .. ورفيقها

‏حاول تحب بكل شي إلا الضمير
‏إنشد عيون اللي مشاعره أذته

‏بكره تبي تفقد من الحب الكثير
‏ماراح تذكر منه .. إلا لذته

- سيّد مرحلة

عليك السلام .. ورحمة الله على الباقين
‏وعلي الرضا ، لا ميّل الشوق خفاقي

‏ياوجهٍ ماندري وش ترك للبشر من زين
‏خذا نصف زين الناس وأعطاهم الباقي

‏متى مانعس لك طرف نامي قريرة عين
‏على راحتك مايتعب إلا قدم ساقي

‏ترا الليله اللي ماتغيّرك - عشر سنين
‏ماهي ليلة وصالي .. ولا ليلة فراقي

11:40pm

- مثل ما أنت عارف