مايذبح من الجروح .. إلا صغيّرها
لا ينتداوى - ولا يشكى على غالي

٤-٢-٢٠٢٣م

بسيطه انك حلمي ولا تحققت
الموت من عض الندم بالنواجد

طالبك .. لا عاد اتغيّر مع الوقت
خايف يقللك الزمن ، وانت واااجد

واقعي تحزن عليه .. وخاطري تأسف له
‏صاحبك ياصاحبي ما في حلوله وسطي

‏وده يسولف عليك وودك تسولف له
‏بس انا صاير ماعاد اخذ ولا عاد اعطي

‏يوم يدفعني هوى نفسي ويوم آقف له
‏وان خطيت احلف ماعاد اخطي واعوّد واخطي

‏كنت ادسه عنك واثرك ما انت عنه بغفله
‏همي اللي توّك تشوفه .. معي من مبطي