⚡️ABŞ ilə İsrailin hücumları nəticəsində İranın yüksək vəzifəli itkiləri açıqlanıb:

● İranın Ali lideri Əli Xamenei

● SEPAH baş komandanı general-mayor Məhəmməd Pakpur

● Ali dini liderin müşaviri Əli Şamxani

● İran müdafiə naziri Əmir Nəsirzadə

● İran Silahlı Qüvvələrinin Baş Qərargah rəisi general-mayor Əbdülrəhim Musəvi.

Məlumatı İran tərəfi təsdiq edib.

❗️ABŞ İran əməliyyatından yeni görüntüləri paylaşdı.

❗️Xameneinin intiqamı alınana qədər hərbi əməliyyatları davam etdirəcək.

Bunu İran Məsləhət Şurasının üzvü, Ali İqtisadi Koordinasiya Şurasının katibi Möhsün Rzayi bildirib.

❗️Trampın sözlərinə görə, onun İranın lideri kimi görmək istədiyi şəxs barədə müəyyən təsəvvürü var

Jurnalistlərin “Xameneinin ölümündən sonra kim qərar verəcək?” sualına Tramp belə cavab verib: «Mən dəqiq bilirəm kimdir, amma sizə deyə bilmərəm».

⚡️İordaniyanın İrandakı səfirliyinin 4 əməkdaşı Azərbaycana təxliyə olunub.

❗️ İran Hörmüz boğazını açıb

Boğaza ancaq İran və Çinin donanması buraxılır.

Bu barədə məlumat İranın İslam İnqilabı Keşikçiləri Korpusunun (SEPAH) teleqram kanalında yayılıb.

Bundan başqa, Fars körfəzinə ABŞ gəmilərinin girişinə qadağa qoyulduğu qeyd olunub.

❗️İranın yeni ali lideri seçilənə qədər Ayətullah Arafi bu vəzifəni müvəqqəti icra edəcək.

⚡️Putin Xameneinin ölümünə görə İrana başsağlığı verib.

❗️Putin bildirib ki, Xameneinin ölümü bütün insani-mənəvi dəyərlərin və beynəlxalq hüquq normalarının kobud şəkildə pozulmasıdır.

❗️Əcnəbi vətəndaşlar və diplomatlar Azərbaycana təxliyə olunublar.

28 fevral saat 08:00-dan 1 mart 14:00-dək Azərbaycanın 53 vətəndaşı İrandan təxliyə edilib

Həmçinin 18 Səudiyyə Ərəbistanı vətəndaşı, Tacikistanın 5, İordaniyanın 4, Qətərin 3, İtaliyanın isə 1 vətəndaşının təhlükəsiz keçidi təmin olunub.

Məlumat üçün bildirək ki, İrandan Azərbaycana 10 nəfərdən çox Çin vətəndaşının da təxliyəsi gözlənilir. Onlardan üçünün keçidi artıq həyata keçirilib.

❗️İranın tanınmış ayətullahı Məkarim Şirazi ABŞ və İsrailə qarşı cihad elan edib.

Bu barədə “Mehr” agentliyi məlumat yayıb.

❗️İsrailin Müdafiə Ordusu Tehranda İran güc strukturlarının yeddi yüksək vəzifəli rəhbərinin və 40 böyük komandirin məhv olunduğunu bəyan edib

Bu barədə İsrailin Müdafiə Ordusunun "X" sosial şəbəkəsindəki məlumatında deyilir.

❗️İlham Əliyev Məsud Pezeşkiana başsağlığı verib

Ayətullah Seyid Əli Xameneinin faciəvi vəfatı xəbəri bizi dərindən kədərləndirdi.

Bu ağır itki ilə əlaqədar Sizə, mərhumun ailəsinə və dost İran xalqına dərin hüznlə başsağlığımızı ifadə edir, səbir və dözüm arzulayırıq.

⚡️⚡️Naxçıvan şəhərindəki hərbi hissələrin birində yanğın baş verib.

Hadisə hərbi hissənin çörək sexində qeydə alınıb.

Muxtar respublikanın Fövqəladə Hallar Nazirliyinin yanğınsöndürən dəstələri və polis əməkdaşları hadisə yerinə cəlb olunub.

Hazırda yanğının söndürülməsi istiqamətində tədbirlər davam etdirilir.