🇦🇿 Oktyabrın 13-də Azərbaycan Respublikasının Prezidenti İlham Əliyevin Laos Xalq Demokratik Respublikasının Prezidenti Thonqlun Sisulitlə geniş tərkibdə görüşü olub.

‼️İlham Əliyev:

● Laosla siyasi əlaqələr uzun illərdir uğurla inkişaf edir.

● Otuz ildən çoxdur ki, aramızda diplomatik əlaqələr qurulmuşdur və bu illər ərzində bir çox beynəlxalq təşkilatlar çərçivəsində biz hər zaman həmrəylik göstəririk, qarşılıqlı dəstək göstəririk.

● Bu, bu gün də belədir və əminəm ki, bundan sonra da belə olacaq.

⚡️Binə qəsəbəsi “Südçülük Sovxozu”nda yerləşən 136 saylı məktəbə hücum olub.

● Məktəb binasının içərisinə pəncərədən daş atılıb, nəticədə, iki şagird xəsarət alıb.

● Əməli törədən şəxslər saxlanılıb

🇦🇿 Prezident İlham Əliyev: Bizi Laosla mina problemi də birləşdirir

• Laos Azərbaycan üçün dost ölkədir

• Azərbaycan-Laos münasibətləri ənənələrə sadiqdir.

🇦🇿 Bakıda Azərbaycan-Laos biznes-forumu keçiriləcək

"Müvafiq göstərişlər verildi ki, iqtisadi sahədə, o cümlədən ticarət dövriyyəsi sahəsində əməkdaşlıq intensivləşsin".

Bu sözləri Prezident İlham Əliyev Laos Prezidenti Thonqlun Sisulitlə mətbuata bəyanatında deyib.
Dövlətimizin başçısı, həmçinin bildirib: "Ümid edirəm ki, Bakıda keçiriləcək Azərbaycan-Laos biznes-forumu bu istiqamətdə önəmli addım olacaq".

‼️Laos Prezidenti: Ölkəmizlə yaxşı münasibətləri davam etdirdiyinə görə İlham Əliyevə minnətdaram.

❗Laos Prezidenti 44 il əvvəl olduğu Bakını çətinliklə tanıdığını bəyan edib

Bunu Prezident Thonqlun Sisulit Bakıda Azərbaycan Prezidenti İlham Əliyevlə birgə bəyanatla çıxış edərkən bildirib.

"Azərbaycandakı sürətli inkişafı görmək sevindiricidir, mən Bakını çətinliklə tanıdım, 44 il əvvəl burada olmuşdum".

‼️ "Azərbaycanın xarici ölkələrə sərmayə qoyuluşu ildən-ilə genişlənir".

Bu sözləri Prezident İlham Əliyev Laos Prezidenti Thonqlun Sisulitlə mətbuata bəyanatında söyləyib.

Sərmayələrimizin coğrafiyasının da genişləndiyini qeyd edən dövlətimizin başçısı deyib ki, milyardlarla dollar səviyyəsində olan sərmayələr bizim həm imkanlarımızı göstərir, eyni zamanda, qarşı tərəf üçün də çox böyük fayda verir.

‼️"Ümid edirəm ki, gələcəkdə Azərbaycan investorları tərəfindən Laosa daha çox investisiya yatırılacaq".

Bu sözləri Laos Prezidenti Thonqlun Sisulit Prezident İlham Əliyevlə mətbuata bəyanatında deyib.

O deyib ki, daha çox ticarət olacaq, daha çox turistlər səfər edəcək və mədəniyyət sahəsində mübadilələr həyata keçiriləcək.

❗Azərbaycan və Laos arasında xidməti pasport sahibləri viza tələbindən azad edilir

Bununla bağlı oktyabrın 13-də Bakıda Azərbaycan Prezident İlham Əliyevin və Prezident Thonqlun Sisulitin iştirakı ilə sənədlər mübadilə olunub.

Belə ki, "Azərbaycan Respublikası Hökuməti ilə Laos Xalq Demokratik Respublikası Hökuməti arasında xidməti pasport sahiblərinin vizadan qarşılıqlı azad edilməsi haqqında Saziş"i Azərbaycanın xarici işlər naziri Ceyhun Bayramov ilə Laosun Baş nazirinin müavini və xarici işlər naziri Tonqsavan Fomfihan mübadilə ediblər.