🚨 إشعار مهم

نواجه حاليًا مشكلة تقنية أدت إلى تعذر الوصول إلى موقع Bac Feljib.

نعمل على حل المشكلة في أسرع وقت ممكن بالتواصل مع الجهات المعنية، وسنوافيكم بأي مستجدات فور توفرها.

نشكر لكم صبركم وتفهمكم. ❤️

كشف النقاط الخاص بي ☺️ !؟

الذكاء الإصطناعي في الباك في الجيب ؟ 🤔🤔🤔

قصة مشوقة دك شوية ☺️ و ممكن تكون ملهمة للبعض

جماعة الباك معكم الأدمن 👋
من باب الشفافية، حبيت نعرّفكم بنفسي بشكل صريح.
كنت تلميذ مجتهد، معدلاتي في المتوسط كانت فوق 16 باستمرار. لكن في الثانوية هبط مستواي إلى 13، مش لأني كسلت، بل لأني كنت منشغل بتعلم أمور أخرى خارج المنهج.
جوزت البكالوريا 2020 شعبة علوم تجريبية، وكان عام استثنائي بكل المقاييس.
الفصل الأول كان كارثة حقيقية 👇
هدفي كان 18، وكنت متحمس بزاف. لكن اكتشفت بكري أن بعض أساتذة الليكور ما كانوش على المستوى.
النتيجة؟
رياضيات: 6
فيزياء: 4
علوم: 0.5
مش لأني ما درستش، بل لأني ما كنتش نعرف حاجة اسمها المنهجية.
الفصل الثاني: بدأت نبني من جديد
غيّرت الأستاذ، شريت الكتب الخارجية المعروفة في ذاك الوقت، وبديت نتحسن شوية بشوية حتى وليت نطلع في المعدل في أغلب المواد.
وفجأة... جاء الفيروس.

كورونا والحجر الصحي: الضربة اللي ما توقعهاش حد
الأغلبية فرحت: مكاش قراية! 😂
أما حنا صحاب الباك، تطروشنا.
هل نكملو نقراو؟ هل البكالوريا تتأجل؟ هل تكون سنة بيضاء؟
ما كان حتى جواب واضح.
قررت نتوكل على ربي ونكمل وحدي في الدار.
وضعت برنامج، وليت نوض الصباح نحفظ شريعة، نراجع تاريخ، نحل تمارين، ونحاول نلحق على كل شيء فاتني.
آخر شهر قبل الباك
هنا بدأ الخوف الحقيقي.
هل كملت البرنامج؟
هل الجيولوجيا راح تطيح؟
واش ندير في الفلسفة؟
وفي آخر أسبوعين... اكتشفت بلي نسيت العربية بالكامل 😭
ما قعدتش نبكي عليها. عاودت كل شيء من الصفر، حليت بكالوريات قديمة، وخليت الفلسفة للدقيقة الأخيرة وركزت فيها على المنهجية.
وفي النهاية، كانت هذه هي النتيجة

ومن هنا بدأت قصة الباك في الجيب ❤️
بعد البكالوريا، بقيت حاجة واحدة عالقة في بالي:
لو كان عندي وقتها مكان واحد نلقى فيه كل ما أحتاجه بسهولة، ربما كان مشواري يكون أسهل بكثير.
كنت نضيع وقت في البحث عن درس، تمرين، بكالوريا قديمة، ملخص أو ملف PDF.
ومن هنا جاتني الفكرة:
علاش ما نديرش أنا هذا المكان؟
مكان يجمع للطالب الملفات التعليمية اللي يحتاجها، ويخليه يوصل للمعلومة بسرعة، بدل ما يضيع ساعات في البحث عنها.
وهكذا بدأت الباك في الجيب.
ما بدأتش بفريق كبير، ولا بميزانية ضخمة، ولا بخطة Business خارقة.
بدأت من تجربة تلميذ عاش نفس المشاكل اللي يعيشوها اليوم آلاف الطلبة.
واليوم، كل مرة نضيف درس، موضوع بكالوريا، تمرين أو ملف جديد، نتذكر علاش بدأت أصلًا.
الهدف ما تبدلش: نخلي طريق الطالب أسهل من الطريق اللي مشيت فيه أنا. ❤️
ولو رجع بيا الوقت وجزت الباك من جديد؟
أكيد نقدر نجيب 18 😂
لكن الأهم أني اليوم نقدر نساعد تلميذ آخر يوصل لها.
وهذا هو السبب الحقيقي وراء الباك في الجيب. 🇩🇿💙
قولولي في التعليقات:
لو كان عندكم اليوم مكان واحد يجمع كل شيء تحتاجوه للبكالوريا، واش هي أول حاجة تحبو تلقاوها فيه؟ 👇

لم يتم استرجاع الموقع بعد يرجى التحلي ببعض الصبر .... و لا حول و لا قوة الا بالله ، دعواتكم ❤️

و ما تخافوش حتى و لو ما رجعتوش راهي عندي نسخة إحتياطية نحطهالكم 😁❤️ باش ما يطيحلكمش المورال

90% ❤️

نقطة نظام 📌
جماعة الباك، حبيت نوضحلكم الوضع الحالي بكل شفافية.
موقع الباك في الجيب يواجه حاليًا مشكلة مع Blogger، وقد تم إرسال طلب إعادة نظر للمرة الثانية، وننتظر رد Google لحل المشكلة.
لحسن الحظ، عندنا نسخة احتياطية من الموقع، لكن واجهتنا بعض المشاكل التقنية في تضمينها وإعادة تشغيلها بالشكل الصحيح.
الأهم أن العمل لم يتوقف.
وبمجرد توفير المبلغ المطلوب، سيتم نقل الموقع من خدمات Google إلى منصة مستقلة وأكثر استقرارًا، حتى لا نبقى مرتبطين بهذه المشاكل مستقبلًا.
إلى ذلك الحين، سيكون النشر والدعم متواصلين هنا وعلى باقي وسائل التواصل الاجتماعي.
شكرًا لكل واحد واقف مع الباك في الجيب ❤️
وإن شاء الله نرجعوا الموقع في أقرب وقت.

وبخصوص التطبيق 📱
نحب نوضح نقطة مهمة: التطبيق لن يعتمد على موقع الباك في الجيب، وبالتالي المشكلة الحالية مع Blogger لن تؤثر على عمل التطبيق.
التحديث الجديد للتطبيق يتم تطويره بشكل مستقل، والهدف أن يكون التطبيق ومنظومته منفصلين تمامًا عن الموقع.
أما الموقع، فسيتم نقله لاحقًا إلى منصة مستقلة بمجرد توفير المبلغ المطلوب، لتفادي تكرار مثل هذه المشاكل مستقبلًا.

وما راح نحسبس 💙
المشكل اللي صرا مع الموقع ما يعنيش أن الباك في الجيب راح يتوقف.
بالعكس، العمل مستمر، والتحديث الجديد للتطبيق قيد العمل، والتطبيق لن يكون معتمدًا على الموقع أصلًا.
حتى لو طال حل مشكلة الموقع، سنواصل النشر، تطوير التطبيق، تقديم المحتوى والدعم عبر مختلف وسائل التواصل الاجتماعي.

الباك في الجيب مشروع مستمر، والمشكل الحالي مجرد عثرة، ماشي النهاية. 💙

تسريب جزء من تطبيق الباك في الجيب ( الإصدار التجريبي لهذه الأداة )
لم يتم اطلاق النسخة بعد

هذه هي الواجهة اللي رايحين تشوفوها إن شاء الله خلال الموسم الدراسي في تطبيق الباك في الجيب ❤️ العمل مستمر

آخر الأخبار و المستجدات الخاصة بالباك في الجيب 👇🏻 بعد قليل ...

و شكرت لكل شخص سمع ل فوكال ❤️

كل طالب بكالوريا 2027 اغلبكم رايح يتلاقا بأستاذ يقولوا نتا ما جيبش الباك.
And Guess What????
نتا رايح جيب الباك و تروح تقابلو و تقلو راني جبت الباك 😁