#Bayram_tadbiri

Ona tilimiz – millatimiz ko‘zgusi

😎 Bugun Ta’lim va ilm-fan vazirligi huzuridagi Bilim va malakalarni baholash agentligida O‘zbek tili bayrami munosabati bilan “Ona tilimiz – millatimiz ko‘zgusi” shiori ostida ma’naviy-ma’rifiy tadbir tashkil etildi.
 
🚩 Tadbirda pedagogika fanlari doktori, professor Yuldasheva Nilufar Abdullayevna ishtirok etib, “O‘zbek tili – milliy davlatchiligimiz timsoli” mavzusida ma’ruza qildi. Chiqish davomida o‘zbek tilining xalqimiz tarixi, milliy qadriyatlari va davlatchiligimiz bilan chambarchas bog‘liqligi, ona tilimizni asrab-avaylash hamda uning nufuzini oshirish har birimizning muhim vazifamiz ekani, shuningdek, ona tilimizga bo‘lgan hurmat va e’tiborni yanada oshirish, uning milliy o‘zligimiz va ma’naviyatimizdagi o‘rnini keng targ‘ib qilish, shuningdek, o‘zbek tilining boyligi va imkoniyatlarini chuqurroq anglash haqida so‘z yuritildi.
 
📄 Uchrashuv til – shunchaki muloqot vositasi emas, balki xalqning tarixi, madaniyati, ma’naviyati va o‘zligini aks ettiruvchi bebaho boylik ekani, ona tilimizga bo‘lgan hurmat, avvalo, uni to‘g‘ri qo‘llash, ravon so‘zlash va kelajak avlodga sof holda yetkazishga bo‘lgan e’tiborda namoyon bo‘lishi haqida qiziqarli suhbat va savol-javob muhitida o‘tdi.
 
🏆 Tadbir yakunida O‘zbek tili bayrami munosabati bilan agentlik xodimlari o‘rtasida tashkil etilgan “Insholar tanlovi” g‘oliblari munosib taqdirlandilar. G‘oliblarning ijodiy ishlari orqali ona tilimizga bo‘lgan mehr-muhabbat, milliy qadriyatlarga hurmat va o‘zbek tilining beqiyos imkoniyatlari o‘z ifodasini topganligi ta’kidlab o‘tildi.

✅ Agentlikning rasmiy sahifalari:
Telegram | Facebook | Instagram | YouTube

Ziroat Mirziyoyeva xalqaro nufuzli mukofotga loyiq ko‘rildi

“Bolalar farovonligiga investitsiyalar: kelajak avlodlar uchun barqaror va adolatli taraqqiyot yo‘lida” xalqaro sammiti hamda Bolalar onkologiyasi va gematologiyasi bo‘yicha II xalqaro kongress doirasida Jahon sog‘liqni saqlash tashkiloti (JSST) Bosh direktori O‘zbekiston Birinchi xonimi Ziroat Mirziyoyevaga onkologik kasalliklarga chalingan bolalarga tibbiy yordam ko‘rsatish tizimini rivojlantirishdagi yetakchiligi va har bir bolaning sog‘lom hayot kechirish huquqini global miqyosda ilgari surgani uchun nufuzli xalqaro mukofotni topshirdi.

Mazkur mukofot 2019-yilda ta’sis etilgan bo‘lib, aholi salomatligini muhofaza qilish sohasida aniq natijalar bergan alohida yetakchilik va yuksak yutuqlar uchun beriladi.

✅ Agentlikning rasmiy sahifalari:
Telegram | Facebook | Instagram | YouTube

#Sayyor_qabul #Yoshlar_kuni

Farg‘onada Agentlik direktorining sayyor qabuli bo‘lib o‘tdi

😎 Bugun, 22-oktyabr kuni Farg‘ona viloyatida Agentlik direktori Madjit Malikovich Karimov hamda fuqarolar, yoshlar, o‘quvchilar va pedagoglar ishtirokida murojaatlarni joyida ko‘rib chiqish, rahbar bilan yoshlarning ochiq muloqoti tashkil etildi.

👥 Uchrashuv davomida ishtirokchilarni qiziqtirayotgan masalalar, xususan, ta’lim tizimi va jarayonlariga oid yangi me’yoriy-huquqiy hujjatlar, bilim va malakalarni baholash, sertifikatlash, imtihonlarni tashkil etish hamda test sinovlari bilan bog‘liq savollar muhokama qilindi. Ularning murojaatlari tinglanib, taklif va fikr-mulohazalariga alohida e’tibor qaratildi. Ishtirokchilar o‘zlarini qiziqtirgan savollar yuzasidan batafsil ma’lumot va tushuntirish oldilar.

📚 Shuningdek, rahbarning yoshlar bilan tashkil etilgan ochiq muloqotida ta’lim olish, bilim va ko‘nikmalarni rivojlantirish, imtihon jarayonlari, IT va sunʼiy intellektni rivojlantirish, kreativ iqtisodiyot, raqamli industriya kabi kelajak kasblarini egallash borasida fikrlar almashildi.

👥 Mazkur sayyor qabul hamda rahbar va yoshlar uchrashuvi ochiq, samimiy va konstruktiv ruhda o‘tdi.

✅ Agentlikning rasmiy sahifalari:
Telegram | Facebook | Instagram | YouTube