SEBEPKER ACADEMY
қауымдастығының аяулы шәкірттері!
Біздің ортақ кеңістігіміз — бұл тек білім ордасы ғана емес, бір-бірімізге деген сенім мен шынайылық мекені. Алайда, WhatsApp және Telegram арналарымызда әртүрлі ниеттегі жандардың да бар екенін ұмытпауымыз керек.
Өкінішке қарай, арамызда таза ниетті бұрмалап, алдау мен арбауды кәсіп еткісі келетін жандар да кездесіп қалады. Олар чаттардан сіздердің телефон нөмірлеріңізді алып, жеке парақшаларыңызға шығып, көмек сұрау арқылы қулыққа баруда. Пайдаланатын айла-тәсілдері де бір тектес: «дәрі-дәрмекке ақша жетпей жатыр» деу немесе «кітап сатамын» деп ақша алып, артынан жоқ болып кету. Бұл — өте өкінішті әрі ұят жағдай.
«Аққа Құдай жақ»дейді дана халқымыз. Харам әрекеттің, өтіріктің арты — бір-ақ тұтам. Алла Тағала мұндай арам пиғылдардың бетін әрқашан ашып, білдіріп отырады.


⚠️ Сіздерден өтініш:
1. Сақ болыңыздар: Жеке хабарламаңызға шығып, түрлі сылтаумен ақша немесе көмек сұраған белгісіз жандарға ешқандай жағдайда сенбеңіздер, қаражат аудармаңыздар.
2. Әкімшілікке хабарлаңыз: Егер сізге осындай күмәнді хабарламалар келсе, дереу академия кураторларына немесе топ әкімшілеріне скриншоттарын жолдаңыздар.

Қатаң ескерту:
Егер алдағы уақытта академия шәкірттерін мазалап, осындай заңсыз әрі адамгершілікке жатпайтын әрекеттерді қайталайтындар анықталса, біз тараптан ең қатаң шаралар қолданылады (арналардан біржола шеттету және құқық қорғау органдарына жолдау).
Бір-бірімізді қорғап, арам пиғылды жандарға арамыздан орын бермейік. Саулықта, тазалықта болайық!

Аллаһуммә инни әс’әлукәл һудәә, уәтТуқоо, уәл”афәәфә уәлғинәә

ИттәқулЛоһә уә соллуу хомсәкум уә суумуу шәһрокум уә ‘әддуу зәкәәтә ‘әмуәәликум уә ‘әтий”уу ‘умәроо’әкум тәдхулуу жәннәтә роббикум

Бірде сахабалар Алла елшісінен (оған Алланың салауаты мен сәлемі болсын): «Уа, Алланың елшісі, қандай іс Аллаға ең ұнамды іс болып саналады?», деп сұрайды. Сонда Пайғамбарымыз  Мұхаммед (оған Алланың салауаты мен сәлемі болсын): «Үнемі және үздіксіз орындалатын нәрсе», деп жауап берген екен (Тирмизи).
 
Тағы бір хадисте, Айша анамыздан (р.а.) келесі хадис риуаят етіледі: «Бірде біреу пайғамбардан (оған Алланың салауаты мен сәлемі болсын): «Аллаға ең ұнамды амал қайсы?», деп сұрағанда, ол: «Аз болса да үздіксіз (тұрақты түрде) орындалатын амал», деп жауап берді»(Бұхари, Мүслім).



Имам Әл-Нәуәуи осы хадиске түсініктеме бере отырып, былай дейді: «Бұл хадис амалдарда тұрақты болуға шақырады, сонымен қатар бұл жерде кішігірім, бірақ тұрақты іс, үлкен, бірақ тұрақты емес істен гөрі абзал екені айтылады. Үнемі жасалынатын кішігірім амал, үлкен әрі тұрақсыз амалға қарағанда әлдеқайда көп пайда әкеледі».