Бугун Бахмал тумани Жум-Жум қишлоғида кучли ёғингарчилик оқибатида сел оқими юзага келди. Айрим дам олувчилар сел хавфи ҳақидаги огоҳлантиришларга эътибор бермагани оқибатида транспорт воситалари сел оқимида оқиб кетди.

Шукурки, ҳодиса оқибатида жабрланганлар йўқ.

❗️ Ҳурматли фуқаролар! Тоғ ва тоғолди ҳудудларида дам олаётганда об-ҳаво бўйича расмий огоҳлантиришларга амал қилинг. Автомобилларни сел йўллари ва сой ўзанларида қолдирманг.

📍 Бахмал тумани, Жум-Жум қишлоғи
🎥 Сел оқими оқибатлари акс этган видеолавҳа

Маълум қилинишича, президент 15-июнда имзолаган қонун билан Солиқ кодексининг 483-моддаси 103-қисм билан тўлдирилди. Унга кўра, ер участкаларидан ҳужжатсиз фойдаланганлик учун уч каррали солиқ ҳисоблаш тартиби жисмоний шахслар учун 2020-йил 1-январдан 2024-йил 1-июнга қадар бекор қилинди.

Аввал амалдаги тартибга кўра, бундай ҳолатларда солиқ юкламаси уч баробар миқдорда ҳисобланиб, бу айрим оилалар учун оғир молиявий босим ва сунъий қарздорликларнинг шаклланишига олиб келар эди. Эндиликда солиқ органлари томонидан юқоридаги муддат учун аввал ҳисобланган солиқлар қайта ҳисоб-китоб қилинади.

Қонун билан Ўзбошимчалик билан эгалланган ерга ҳуқуқни тан олиш тартиби ҳам соддалаштирилди. Фуқаролар солиқ қарздорлиги 12,36 млн сўмгача бўлган ер участкаларини қонунийлаштира олади. Аризаларни кўриб чиқиш муддати уч баравар қисқартирилди.