Биз хаққымызда!
Көрсетиўдиң толық санын таяр болған соң нәзериңизге усынамыз(сизлерди де айтып өттим)😉🫂

Атырау…!

Азат аға Мустафаевқа өзимниң атымнан хәмде бәрше каналымыздағы китап ыхласбентлери атынан шексиз алғысымды билдиремен!!!


И.ЮСУПОВ

ЖАҚСЫ АДАМЛАР

Жақсы адамларға жолыққан күни,
Уйқың пүтин болар, ўақтың хош болар,
Кеўлиң көтериңки илҳам-йош болар,
Жақсы адамларға жолыққан күни.

Сәлемлесип, басқыласып аларсаң,
Дүньяның кемлигин тез умытарсаң.
Өмирди соншелли сүйип қаларсаң,
Жақсы адамларға жолыққан күни.

Жақсы адамлар—бул дүньяның тиреги,
Ҳасла сен олардан бурма жүзиңди.
Ҳақ нийет, ҳадаллық толы жүреги,
Сен оларға қарап дүзе өзиңди.

Оларға ҳәр күни жолықсаң пайда,
Олар көп, ушырассаң кеўлиң питеди.
Жумыста, я жолда, қуўаныш-қайғыда
Мүшкил ислериңди аңсат етеди.