Bebbo
2.65K subscribers
1.61K photos
489 videos
6 files
791 links
Xush kelibsiz, hurmatli ota-onalar! Bebboni kashf eting - unda farzandingiz rivojlanishiga ota-ona sifatida yordam berishingiz uchun hamma narsa bor
Bu link orqali malumot

ADMIN Doktir Degani emas!!!
Download Telegram
To‘g‘ri oyoq kiyim:

Barmoqlar bemalol harakatlanishi uchun keng burun qismiga ega bo‘lishi;
Oyoq shakliga mos, yetarli uzunlikda bo‘lishi;
Yengil va egiluvchan taglikka ega bo‘lishi;
Oyoqni siqmasligi va tabiiy harakatni cheklamasligi kerak.

— Nega bu muhim?

Chunki bolalikda oyoq suyaklari, mushaklari va harakat ko‘nikmalari hali rivojlanishda bo‘ladi. Noqulay, tor yoki qattiq oyoq kiyim yurish mexanikasiga xalaqit berishi mumkin.
❤2
mahsulot

​Pekan yong‘og‘i haqida bilasizmi?

​Pekan — yong‘oqdoshlar oilasiga mansub daraxt mevasi bo‘lib, tashqi ko‘rinishi va tuzilishi jihatidan bizning oddiy yong‘og‘imizga (grek yong‘og‘iga) juda o‘xshab ketadi. Faqat uning po‘sti silliqroq, shakli uzunchoqroq (tuxumsimon) va ichidagi mag‘zi biroz yumshoqroq bo‘ladi. Ta'mi esa biroz shirinroq va yog‘liroq bo‘lib, achchiqligi deyarli bo‘lmaydi.

​Foydali xususiyatlarga boy

​ Sog‘lom yog‘lar va yurak uchun foyda: Tarkibida to‘yinmagan yog‘ kislotalari juda ko‘p bo‘lib, yurak-qon tomir tizimini qo‘llab-quvvatlaydi va qondagi "yomon" xolesterinni kamaytirishga yordam beradi.

​Antioksidantlarga boy: Quruq mevalar va yong‘oqlar orasida antioksidantlar miqdori bo‘yicha oldingi o‘rinlardan birini egallaydi. Bu organizm hujayralarini qarishdan va zararlanishdan saqlaydi.

​Vitamin va minerallar koni: Tarkibida A, B, C, E vitaminlari, shuningdek, temir, magniy, kalsiy, fosfor, kaliy va rux (sink) kabi muhim mikroelementlar mavjud.

​Quvvat manbai: Yuqori kaloriyali mahsulot bo‘lgani uchun tezda quvvat beradi va to‘qlik hissini uzoq saqlaydi.

Bu ma'lumotlar siz uchun yangilik boʻldimi, yoki bilar edingizmi?
👍2
​Pekan yongʻogʻini bolalarga qanday beramiz?

​Pekan yongʻogʻi ham xuddi grek yongʻo& kabi bolalar uchun yuqori boʻgʻilish xavfini tugʻdiradi. Shuning uchun yosh boʻyicha quyidagi qoidalarga amal qilamiz:
​
6 oylikdan boshlab:
Butun yoki toʻgʻralgan pekan qat'iyan taqiqlanadi. Uni blender yoki hovanchada mayda un holatiga kelguncha maydalab, iliq boʻtqalar, kashalar yoki pyurelarga sepib beriladi. Yoki 100% tabiiy pekan pastasini ona suti, suv yoki yogurt bilan suyultirib, juda yupqa qilib surtib berish mumkin. 

​12 oylikdan boshlab:
Maydalangan kukunni yogurtlar, boʻtqalar va uy pishiriqlariga qoʻshib berishda davom etiladi. 

​ 4 yoshgacha:
Butun yongʻoq va uning boʻlaklari 4 yoshgacha qat'iyan berilmaydi.

Postni 4 yoshgacha farzandi bor onalarga yuborish esingizdan chiqmasin!
❤1
Muhim xavfsizlik va saqlash qoidalari:

Pekan — allergenlar sirasiga kiradi. Shuningdek, u grek yongʻogʻiga juda oʻxshash boʻlib, pekanga allergiyasi bor bolalarning 95% dan ortigʻida grek yongʻogʻiga ham allergiya kuzatiladi. Ilk bor berayotganda pichoq uchida juda oz miqdorda sinab koʻring va reaksiyani kuzating. 

​Tarkibidagi foydali yogʻlar hisobiga pekan tez achib qolishi mumkin. Uni tozalangan holda muzlatgichda 9 oygacha, muzlatish kamerasida (morozilnikda) esa naq 2 yilgacha yangi holatda saqlash mumkin.

Siz farzandingizga pekan yongʻogʻini taklif qilganmisiz?
❤1
Yotoqxona – chang kanalarining sevimli makoni

Chang kanalarining eng sevimli maskani bu — yotoqxona, aniqrog‘i yostiq, ko‘rpa va matraslardir. Oddiygina yostiq bir necha yil ichida o‘z og‘irligining katta qismini chang kanalar va ularning chiqindilariga to’ldirishi mumkin. Bu esa astma va atopik dermatitga moyil bolalar uchun katta xavf.

Ularni qanday parvarish qilish kerak?

Pat va jun yostiqlardan voz keching: Eski yostiqlar chang kanasi uchun ideal muhit. Imkon qadar zamonaviy, sintetik yostiqlardan foydalaning.

Yuqori haroratda yuvish: Choyshab va jildlarni har haftada kamida 60°C haroratda yuvib, dazmollang. Past harorat kanalarni yo‘q qilmaydi!

Farzandingiz qanday yostiqda uxlaydi? Patlimi yoki sintetik?
❤2
Gilamlar va yumshoq o‘yinchoqlar – chang to‘plovchilar

Bolalar yumshoq o‘yinchoqlarni quchoqlab uxlashni yaxshi ko‘rishadi. Lekin o‘yinchoqning ichi to‘la chang va kana bo‘lsa-chi?

Qalin gilamlar polni isitgani bilan, uy changini o‘ziga “yutib”, har safar ustidan yurilganda uni havoga ko‘tarib turadi.

Bolaning sevimli o‘yinchoqlarini har 2 haftada bir polietilen paketga solib, muzlatgichning muzxonasiga 24 soatga qo‘ying. Sovuq chang kanalarini o‘ldiradi. Shundan so‘ng ularni iliq suvda yuvib tashlang.

Allergiyasi bor bolalar yashaydigan xonada qalin, tukli gilamlardan imkon qadar voz kechgan ma’qul. Agar gilam bo‘lsa, changyutgichda haftasiga kamida 2 marta tozalash shart.

Uyingizda yumshoq o‘yinchoqlar ko‘pmi yoki ularni tozalashning boshqa usulini bilasizmi?
Qalin pardalar va devordagi xavf: gulqog‘ozlarga e’tibor bering!

Ko‘pchilik faqat gilam va yostiqlarni o‘ylaydi, lekin xonadagi qalin, ko‘p qavatli pardalar ham eng ko‘p chang yig‘uvchilardir.

Va yana bir muhim mavzu — gulqog‘ozlar (oboylar): Vaqt o‘tishi bilan ularning orqasida yoki qatlamlarida namlik yig‘ilib, mog’or zamburug‘lari ko‘payishi mumkin. Zamburug‘ sporalari allergik reaksiyalar va bronxial astmaning kuchayishiga sabab bo‘ladi.

Bolalar xonasi uchun namlikka chidamli va vinil/flizelin asosli gulqog‘ozlarni tanlang. Pardalarni esa og‘ir, qalin matolardan emas, yengil va tez-tez yuvib turish mumkin bo‘lgan materiallardan tanlagan ma’qul.
Uyimizni allergiya xavfidan xoli qilamiz: Oltin qoidalar

Havo namligi: Uyning namligi 40–50% dan oshmasligi kerak. Kanalar va zamburug‘lar quruq havoda yashay olmaydi.

Nam tozalash: Har safar uy changyutgich bilan tozalangandandan keyin nam latta bilan changni artish kerak (suvga ozgina sirka tomizish ham yordam beradi).

Tozalash jarayonida bolalar xonada bo‘lmagani ma’qul.

Eski, kerakmas buyumlar, eski kitoblar va chang yig‘uvchi qutilarni saqlamang.

Toza havo va sog‘lom muhit — sog‘lom terining va allergiyasiz tongning garovidir!
Chaqaloq ko‘p yig‘lasa, bu har doim och degani emas.

Yangi tug‘ilgan chaqaloqlar ko‘pincha ich kelishidan oldin, peshob qilishidan oldin, gaz yig‘ilganda, ortiqcha charchaganda yoki shunchaki bag‘ir va taskin istaganda ham bezovta bo‘lishadi.

Sun’iy aralashma yoki kasha berishga shoshilishdan oldin quyidagilarga e’tibor bering:

emishni qanday olayotgani

kun davomida peshob soni (odatda yetarli ovqat olayotgan chaqaloqda peshob 5-6martadan ko'p)

vazn qo‘shishi

yig‘i aynan qachon boshlanayotgani


Ba’zi chaqaloqlarda ich kelishi yoki peshobdan 30–40 daqiqa oldin bezovtalik boshlanishi mumkin. Bu ko‘pincha ochlik emas.

Agar bola ko‘krakni faol emsa, peshobi yetarli bo‘lsa va vazn qo‘shayotgan bo‘lsa, faqat yig‘lagani uchun qo‘shimcha ovqat berish shart emas.

Birinchi navbatda bolani kuzating, taskin bering, holatini tushunishga harakat qiling. Ko‘pincha chaqaloqqa kerak bo‘ladigani ovqat emas — ona bag‘ri, tinchlantirish va biroz vaqt bo‘ladi.
❤3
#билиб_олинг

Температурани тушириш учун боланинг терига спирт ёки сирка суртиш анъанавий усуллардан бири сифатида қаралса-да, бу усул тиббий жиҳатдан тавсия этилмайди. Қуйида унинг фойдали ва зарарли жиҳатлари ҳақида маълумот берилган:

Фойдали деб ҳисобланган томонлари:

Спирт ёки сирка теридан тез буғланади, бунинг натижасида организм совуши мумкин.
Қисқа муддатли совуқлик ҳиссини бериш мумкин.

Хавфлари ва ёмон томонлари:

Спиртнинг терига кириши:
• Спирт теридан организмга сўрилиши мумкин ва бу асаб тизимига токсик таъсир кўрсатиши эҳтимоли бор.
• Болаларда алкоҳол интоксикацияси хавфи юзага келиши мумкин.
Ҳаддан ташқари совитиш:
• Спирт ёки сирка терини тез совутиш орқали ички органларнинг совиш реакциясини ёмонлаштириши мумкин. Бу айниқса чақалоқлар ва кичик болалар учун хавфлидир.
Эффектив эмаслиги:
• Иситмани тушириш учун бундай усуллар ўрнига тиббий маслаҳатга кўра парацетамол ёки ибупрофен каби даволаш самаралироқ ҳисобланади.

Тавсиялар:

Температурани тушириш учун болани совуқ сув билан енгил ювиш ёки нам мато билан артиш тавсия этилади.
Шифокор маслаҳатисиз спирт ёки сиркадан фойдаланманг.
Иситмани даволашда энг асосийси, унинг сабабини аниқлашдир. Бунинг учун шифокорга мурожаат қилиш муҳим.

Боланинг иситмаси бўлганда терига спирт ёки сирка суртиш хавфли бўлиши мумкин ва тиббий жиҳатдан тавсия этилмайди. Температурани туширишнинг хавфсиз усуллари учун шифокор маслаҳатига амал қилиш зарур.
👍1
#Сақлаб_қўйинг

КАЛГЕЛ!!!

Таркиби: Лидокаин гидрохлориди , сетилпиридин хлориди, 70% сорбитол,ксилитол,этанол,глисерин,макрогол,левомен

Фармакотерапевтик гуруҳи: Маҳаллий оғриқ қолдирувчи ва антисептик восита

Қўлланилиши:
Калгел асосан тиш чиқаётган вақтда қўлланилади.Стоматитда оғриқ қолдирувчи сифатида ҳам ишлатса бўлади

Қўллаш усули ва дозалари:
Шиллиқ қаватга ва милкни яллиғланган қисмига оз миқдорда тоза бармоққа сиқиб суртилади.Бир кунда максимал 6 марта суртилади

Ножўя таъсирлари: енгил тошма, нафас қисиши

Қўллаш мумкин бўлмаган ҳолатлар: Таркибидаги моддаларга юқори сезувчанликда,хомиладорликда
❤1
❓Nega bir xil tarbiya ikki bolaga ikki xil ta’sir qiladi?

Bir oilada ulg‘aygan, bir xil sharoitda tarbiya topayotgan bolalar nega bunchalik farq qiladi?

Biri serharakat, gapdon va tez kirishimli. Ikkinchisi esa vazmin, kuzatuvchan, yangi muhitga ko‘nikishi uchun ko‘proq vaqt talab qiladi.

🌿 Buning sabablaridan biri - bolalarning individual mizaji, ya’ni tug‘ma xulq-atvor xususiyatlaridagi farqlardir.

Mizaj bolaning:
✅ hissiyotlarni qanday ifodalashi;
✅ yangi vaziyatlarga qanday moslashishi;
✅ qanchalik faol bo‘lishi;
✅ tovush, yorug‘lik va boshqa ta’sirlarga qanday munosabat bildirishida namoyon bo‘lishi mumkin.

💡 Bolani o‘zimiz xohlagan xarakterga moslashtirishga urinishdan oldin, uning qanday bola ekanini tushunishga harakat qilish juda muhim.

Keyingi postda bolalarda uchraydigan asosiy mizaj xususiyatlarini ko‘rib chiqamiz.
Farzandingiz qaysi mizajga yaqin? 👩‍👦‍👦
Bolalar bir xil emas. Biri tinib-tinchimaydi, ikkinchisi vazmin, yana biri esa hamma narsani ko‘ngliga yaqin oladi. Farzandingizning xatti-harakatlarini kuzatib, uning o‘ziga xos tomonlarini yaxshiroq tushunishga harakat qiling.
🩸 QON mizaji - sangvinik
✅ Serharakat, quvnoq, ko‘p kuladi.
✅ Boshqa bolalar bilan tez chiqishib ketadi.
✅ Yangi o‘yinchoq yoki mashg‘ulotga tez qiziqadi.
✅ Bir mashg‘ulotdan boshqasiga tez o‘tishi mumkin.
🔥SAFRO mizaji - xolerik
✅ Juda faol, shoshqaloq, hamma ishni o‘zi qilishni xohlaydi.
✅ Istagi bajarilmasa, qattiq norozilik bildirishi mumkin.
✅ O‘yinda boshchilik qilishga intiladi.
✅ Hissiyotlarini tez va kuchli namoyon qiladi.
💧 BALG‘AM mizaji - flegmatik
✅ Vazmin, harakatlari shoshilmaydi.
✅ Tanish o‘yinlarni takrorlashni yoqtiradi.
✅ Yangi muhit va odamlarga ko‘nikishi uchun vaqt kerak bo‘lishi mumkin.
✅ O‘yinini tez-tez o‘zgartirmaydi, bir mashg‘ulot bilan uzoq shug‘ullanishi mumkin.
🌿 SAVDO mizaji - melanxolik
✅ Kuzatuvchan, mayda tafsilotlarga e’tiborli.
✅ Notanish muhitda avval kuzatib, keyin qo‘shilishi mumkin.
✅ Tanbeh yoki keskin gaplardan ta’sirlanishi mumkin.
✅ Ba’zan yolg‘iz yoki sokin o‘ynashni afzal ko‘radi.
💡Bola doim ham faqat bitta mizajga tegishli bo‘lavermaydi. Unda bir nechta mizajga xos xususiyatlar birgalikda namoyon bo‘lishi mumkin. Bundan tashqari, bolaning yoshi, tarbiyasi, muhiti va hissiy holati ham uning xatti-harakatlariga ta’sir qiladi.
☘ Shuning uchun bu tavsiflardan bolaga qat’iy yorliq qo‘yish uchun emas, balki uni yaxshiroq tushunish uchun foydalaning.
❤1
❓Farzandingiz mizajiga mos mashg‘ulotlarni qanday tanlash mumkin?

💙 Uyda ta’limni tashkil etishda bolaning qiziqishi va individual xususiyatlarini hisobga olish mashg‘ulotlarni yanada maroqli qiladi.

🩸 QON MIZAJ - sangvinik bolalar
yangilikka qiziquvchan, kirishimli bolalar rang-barang va muloqotga boy mashg‘ulotlarni yoqtirishi mumkin:

🔵 Rolli o‘yinlar va qo‘g‘irchoq teatri

🔵 Musiqa va raqs

🔵 Jamoaviy o‘yinlar

🔵 Rasmlar asosida hikoya tuzish

🔵 Ertaklarni sahnalashtirish

🔥 SAFRO MIZAJ - xolerik bolalar faol, tashabbuskor bolalarga harakat qilish va mustaqil yechim topish imkonini beradigan mashg‘ulotlar qiziqarli bo‘lishi mumkin:

🔵 Harakatli o‘yinlar va to‘siqli yo‘lakchalar

🔵 Konstruktorlardan inshootlar yasash

🔵 Sodda tajribalar o‘tkazish

🔵 Muammoli vaziyatlarga yechim topish

🔵 Mustaqil ijodiy loyihalar

💧 BALG‘AM MIZAJ - flegmatik bolalar vazmin, o‘z sur’atida ishlashni yoqtiradigan bolalarga diqqat va izchillik talab qiladigan mashg‘ulotlar mos kelishi mumkin:

🔵 Pazllar va mozaikalar

🔵 Saralash va guruhlash o‘yinlari

🔵 Ketma-ketlikni aniqlash

🔵 Kitob ko‘rish va ertak tinglash

🔵 Konstruktorlar bilan ishlash

🌿 SAVDO MIZAJ - melanxolik bolalar kuzatuvchan, sezgir bolalar sokin muhitda, shoshilmasdan bajariladigan mashg‘ulotlardan zavqlanishi mumkin:

🔵 Tabiatni kuzatish

🔵 Rasm chizish va loy bilan ishlash

🔵 O‘simliklarni parvarish qilish

🔵 Kitoblar asosida hikoya tuzish

🔵 Qo‘g‘irchoqlar bilan rolli o‘yinlar

😊Ammo, bu tavsiyalar qat’iy qoida emas. Mizaj bolaning qobiliyati yoki nimalarni o‘zlashtira olishini belgilab bermaydi. Farzandingizga turli mashg‘ulotlarni taklif qiling, uning qiziqishlarini kuzating va o'ziga tanlash imkonini bering. Axir, uyda ta’limning maqsadi bolani bir qolipga solish emas, balki uning imkoniyatlarini ochishga ko‘maklashishdir.
❤1
❤1
#билиб_олинг

Чақалоқнинг бош суяги чоклари қачон шаклланади?

Кўплаб ота-оналар янги туғилган чақалоқнинг бош шакли учун хавотирланишади. Ва бу нормал ҳолат.

Лиқилдоқ очиқ экан, бош суяги суяклари эгилувчан бўлиб қолади. Айнан шунинг учун ҳаётнинг биринчи ойларида чақалоқни тўғри ётқизиш ва мутахассиснинг ўз вақтида берган тавсиялари симметрик бош шаклини шакллантиришга ёрдам бериши мумкин.

✔️Ушбу эслатмада кўрсатилган:
➡️туғилгандан 2 ёшгача бош суяги чоклари қандай ўзгариши;
➡️лиқилдоқ қачон аста-секин ёпилиши;
➡️нега ҳаётнинг биринчи ойлари айниқса муҳимлиги.


Муҳим: бош шаклидаги кичик ўзига хосликлар тез-тез учрайди, лекин агар сизни бирор нарса ташвишга солса, чақалоқни педиатр ёки болалар мутахассисига кўрсатганингиз маъқул.
Please open Telegram to view this post
VIEW IN TELEGRAM