اوعي تسمع كلام الشيطان

.

هو ينفع الراجل يتجوز على مراته فى السر ؟ ومش محتاج يقولها ؟
السؤال دا بحس ان اللى بيسأله غلابة قوى معرفوش يعنى ايه جواز اصلا ..
راجل فى شئ ناقص جواه وبيلهث يدور عليه وهيفضل يلهث عمره كله
وهو البحث عن الكمال اللى بيعمله الجواز
الكمال اللى بنوصله لما نلاقى النص الثانى ،
هو مش لاقيه فى جوازه الاول ولا هيلاقيه فى الثانى ولا الرابع ولا العاشر حتى ..
لانه بالاساس هو مش عارف يتجوز
ويبنى علاقة زوجية مبنية على الود والصحبة والاشياء الصغيرة اللى تبنى رابط روحى وانسانى مع مراته ،
تملى قلبه وحياته
مجربش يقوم يدلع مراته بفطار
معرفش قاعدة بلكونة رايقة على كوباية شاى واللا فنجان قهوة
معرفش يعمل مغامرة زوجية عبيطة
زى ان بعد العيال ما ينامو يزوغو ياكلو سندوتش فى الشارع كانهم طلبة هربانين من اهلهم ويضحكو
علشان اكتشفو ان الخوف من العيال اصعب من الخوف من الاهل ايام ما كنا صغيرين 😁
لكن العكس
عرف الجواز اللى مبنى على هتجيبو ايه فى الجهاز وهنجيب ايه
همضى على قايمة واللا لاء
هتخدم امى واللا تغور
عرف الجواز بتاع ممارسة سلطة خايبة تبنى منظر قدام الناس .. انه راجل حمش
مش ممارسة حب وود وشقاوة واسرار صغيرة ما يعرفهاش غيره هو ومراته
معرفش ان السعادة مش فى حجم الثلاجة واللا المواسم اللى اهل العروسة ملزمين بيها واللا اهل العريس 🤔
علشان كدا متخيل ان اللى مالقهوش مع مراته هيلاقية فى جوازة تانية
وانا جاية لك من المستقبل وبخبرة ٣٥ سنة من الماضى
وبقولك
ولا جوازة عاشرة هتعرفك حلاوة الجواز
اللى يبسطك وانت صغير
ويبنيك وانت بتكبر
ويسندك لما الدنيا تميل
ويونسك لما تسند على عكاز
الجواز فيه الف سر وسر والف متعة ومتعة
غير متعة الجواز السرى ووهم بانك بتتفضل بالجوازة الثانية فى السر علشان تحافظ على الاولى
هو انت بتسمى الاولى واللا الثانية دا جواز اصلا !!
غلبان قوى ومسكين
الجواز اللى بجد نصين بقوا واحد
ما يقبلش القسمة اصلا
وما ينفعش السؤال دا يتسال من بابه

#حكايات_نهاد
#الحواز_الثانى
#الجواز_السرى
أول مرة اتفق معك في كلام علي رغم اعتراضي علي كل ماتقدميه لكن البوست ده بالذات شابوووو

الله.. إيه الجمال ده

اتفق جدا

اللهم 🤲🏻🫶🏻

‏لا حاجة لنا بشخص يستكتر علينا نفسه..
وكأننا لا نملك من البشرية سوى رفقته."..

عارفك كرهني😁🙈

تزوجها فلم يتفقوا ، سألوه : ما السبب ؟
قال لا أتكلم عن عرضي ....
طلقها فسألوه : ما السبب ؟
قال : لا أتكلم عن أعراض الناس.

لما واحد شيعي يقولي:
ربنا يحشرك مع أبو بكر وعمر
أنا:😅😅😅

لأي بنت جاي لها عريس
———————————-

١- لسانه طويل متوافقيش عليه

٢- ضارب موس في حاجبه وبنطلونه مقطه وساقط ولابس خمسين جنزير وصوابعه شبه مملكة الخواتم متوافقيش عليه

٣- مبيقولش طلباته بوضوح وصراحة متوافقيش عليه

٤- مفيش فيه حاجة غلط وزي الفل بس تقيل على قلبك متوافقيش عليه

٥- تارك للصلاة وعنده علاقات متعددة متوافقيش عليه

ياريت الأهل ميضغطوش على البنت علشان هما شايفينه عريس لقطة، لأن هي اللي هتعيش معاه وفي بيته مش حضراتكم.

ولو لقيتم بنتكم بتحب حد وراغبة فيه ولديه الحد المعقول من مقومات القبول فياريت توافقوا علشان لو جوزتوها لحد تاني وعي في دماغها حد معين فخلي بالكم هتبقى عيشيتها جحيم وهترجع لكم تاني وهتكونوا خربتم حياتها.

يسعدني ويشرفني حضوركم لعرض كتابي الثاني "فاتبعوني" بمعرض القاهرة الدولي للكتاب 2026
إن شاء الله هيكون موجودة غدا الخميس 22/1 بالمعرض من الساعه 4وحتى الساعه 6مساءا
بقاعة 2جناح B45

في كل قصص الحب والزواج اللي في الدنيا هنلاقي راجل ضيع من أيده أكتر ست حبته بإخلاص في الدنيا.

راقت لي كثيراً

فعلاً

الحمد لله الذى بنعمته تتم الصالحات
حقيقة الحمدلله بجد مكنتش متخيلة إن الكتاب يخلص من أول يوم الطبعة الأولي اللهم بارك
وشكر خاص لمتابعيني الغاليين واشكركم جميعا علي ثقتكم الغالية في وفي كتابي لدرجة أن كل من يشتريه يأخذ أكثر من نسخة يهديها لمن يحب
فالله أكبر ولله الحمد حمدا يليق بجلاله
والاحلي من كده شعورى بحبكم وتقديركم حقيقة لااقدر اوفيكم حقكم
بحبكم في الله بجد 🫶🏻🤍
✍️الشيماء ربيع

قال سيدنا النبي ﷺ:
الأرواح جنود مجنَّدة ما تعارف
منها ائتلف وما تناكر منها اختلف.

وقال ابن مسعود:
لا تسألنَّ أحدًا عن ودِّه إيَّاك، ولكن انظر مافي نفسكَ له، فإنَّ في نفسه مثل ذلك، إنَّ الأرواحَ جنودٌ مجنَّدة.

تصدق عندك حق🙈😂
الله يرحمك

صح فعلاً