Анатоль Грачанікаў

Ва ўкраінскай Вялікай Севярынцы адкрылі мемарыяльную дошку Васілю Быкаву

Менавіта ў баях за гэту вёску на Кіраваградчыне будучы пісьменнік быў цяжка паранены і нават лічыўся загінулым.

У Вялікай Севярынцы ёсць вуліца імя Васіля Быкава, музей яго імя ў агульнаадукацыйнай школе, куток Васіля Быкава ў сельскай бібліятэцы. А цяпер з’явілася мемарыяльная дошка.

Ідэя: Аксана Бязлепкіна.
Выкананне: https://twitter.com/_Tinwore/status/1316279330717216770?s=19

Ужо заўтра, 15 кастрычніка, у сталічным Палацы мастацтва стартуе фестываль інтэлектуальнай кнігі Pradmova.

У рамках фестывалю запланавана мноства цікавых мерапрыемстваў, прэзентацый кніг, сустрэч з аўтарамі, уручэнняў прэмій. Да таго ж усіх наведвальнікаў чакае кніжны кірмаш, дзе можна будзе купіць кнігі беларускіх выдавецтваў.

Праграма фестывалю тут: http://pradmova.by/festyval-pradmova-abvyashchae-pragramu-minskaj-imprezy-15-18-kastrychnika/

Толькі што на фестывалі Прадмова былі абвешчаныя вынікі сёлетняй Прэміі Гедройца.

3 месца — Зараслава Камінская «Калядны стол».

2 месца — Андрэй Адамовіч «Песня пра Цімура».

(гэта персанальна мая радасць☺️)

1 месца — Сяргей Дубавец «Тантамарэскі».

​​​​Прэміі Дэбют 10 гадоў! Пра што красамоўна сведчыць надпіс на гэтым памятным кубачку.

Няпроста паверыць, бо здаецца, што толькі ўчора трымала ў руках навінку — дэбютны зборнік вершаў Віталя Рыжкова «Дзьверы, замкнёныя на ключы». Мой любімы зборнік у сучаснай беларускай паэзіі. Кніга выйшла ў 2010 годзе, а 21 сакавіка 2011, у Сусветны дзень паэзіі, Віталь стаў першым лаўрэатам прэміі Дэбют у намінацыі «паэзія».

У той жа дзень вызначыліся лаўрэаты іншых намінацый: у «прозе» — Наталка Харытанюк за кнігу «Трынаццаць гісторый пра мёртвага катА», у намінацыі «мастацкі пераклад» — Наста Лабада за пераклад са шведскай кнігі Тувэ Янсан «Маленькія тролі і вялікая паводка» і Вольга Цвірка за пераклад са шведскай кнігі Мікаэля Ніэмі «Папулярная музыка зь Вітулы».

А сёння прэмія ўрачыста святкуе сваё 10-годдзе. 16 кастрычніка ў рамках фестывалю «Pradmova» пройдзе святочная імпрэза з гэтай нагоды. Таксама на мерапрыемстве будзе ўручаны «Дэбют дзесяцігоддзя» – аднаму з лаўрэатаў мінулых гадоў.

Завітвайце на мерапрыемства — і ад саміх лаўрэатаў пачуеце парады пра тое, як удала дэбютаваць у літаратуры. А таксама зможаце сфатаграфавацца ў такой цікавай фотазоне побач з Максімам Багдановічам, у гонар якога і названая прэмія Дэбют.

16 кастрычніка, Палац мастацтва, ZAL#2, 20.30.

(Папярэдняя рэгістрацыя па кнопцы ніжэй, колькасць месц абмежаваная).

Напісала трошкі пра новы раман Віктара Марціновіча
https://people.onliner.by/2020/10/16/viktar-marcinovich-vydaў-novy-raman-revalyucyya-knizhny-aglyad-onliner

І пра вынікі Прэміі Гедройца напісала
https://people.onliner.by/2020/10/16/nazvali-najlepshuyu-belaruskuyu-knigu-goda-yae-aўtar-atrymae-15-000-rublyoў

Абвешчаныя намінанты Прэміі імя Карласа Шэрмана для перакладчыкаў.

Пераможца ў намінацыі «пераклад прозы» — Кацярына Маціеўская, пераклад з польскай мовы кнігі Анджэя Сапкоўскага «Вядзьмар. Апошняе жаданне».

Пераможца ў намінацыі «пераклад паэзіі» — Ігар Кулікоў, за пераклад са стараангельскай, зборнік «Стараангельская паэзія».