​​​​Прэміі Дэбют 10 гадоў! Пра што красамоўна сведчыць надпіс на гэтым памятным кубачку.

Няпроста паверыць, бо здаецца, што толькі ўчора трымала ў руках навінку — дэбютны зборнік вершаў Віталя Рыжкова «Дзьверы, замкнёныя на ключы». Мой любімы зборнік у сучаснай беларускай паэзіі. Кніга выйшла ў 2010 годзе, а 21 сакавіка 2011, у Сусветны дзень паэзіі, Віталь стаў першым лаўрэатам прэміі Дэбют у намінацыі «паэзія».

У той жа дзень вызначыліся лаўрэаты іншых намінацый: у «прозе» — Наталка Харытанюк за кнігу «Трынаццаць гісторый пра мёртвага катА», у намінацыі «мастацкі пераклад» — Наста Лабада за пераклад са шведскай кнігі Тувэ Янсан «Маленькія тролі і вялікая паводка» і Вольга Цвірка за пераклад са шведскай кнігі Мікаэля Ніэмі «Папулярная музыка зь Вітулы».

А сёння прэмія ўрачыста святкуе сваё 10-годдзе. 16 кастрычніка ў рамках фестывалю «Pradmova» пройдзе святочная імпрэза з гэтай нагоды. Таксама на мерапрыемстве будзе ўручаны «Дэбют дзесяцігоддзя» – аднаму з лаўрэатаў мінулых гадоў.

Завітвайце на мерапрыемства — і ад саміх лаўрэатаў пачуеце парады пра тое, як удала дэбютаваць у літаратуры. А таксама зможаце сфатаграфавацца ў такой цікавай фотазоне побач з Максімам Багдановічам, у гонар якога і названая прэмія Дэбют.

16 кастрычніка, Палац мастацтва, ZAL#2, 20.30.

(Папярэдняя рэгістрацыя па кнопцы ніжэй, колькасць месц абмежаваная).

Напісала трошкі пра новы раман Віктара Марціновіча
https://people.onliner.by/2020/10/16/viktar-marcinovich-vydaў-novy-raman-revalyucyya-knizhny-aglyad-onliner

І пра вынікі Прэміі Гедройца напісала
https://people.onliner.by/2020/10/16/nazvali-najlepshuyu-belaruskuyu-knigu-goda-yae-aўtar-atrymae-15-000-rublyoў

Абвешчаныя намінанты Прэміі імя Карласа Шэрмана для перакладчыкаў.

Пераможца ў намінацыі «пераклад прозы» — Кацярына Маціеўская, пераклад з польскай мовы кнігі Анджэя Сапкоўскага «Вядзьмар. Апошняе жаданне».

Пераможца ў намінацыі «пераклад паэзіі» — Ігар Кулікоў, за пераклад са стараангельскай, зборнік «Стараангельская паэзія».

Пераможца ў намінацыі «пераклад дзіцячай кнігі» — Сяргей Матырка, пераклад з нямецкай мовы кнігі Эрвіна Мозэра «Неверагодныя гісторыі на дабранач».

Апошняя прэмія, якая сёлета ўручалася ў рамках фестывалю інтэлектуальнай кнігі «Прадмова» — гэта Прэмія імя Міхала Анемпадыстава за найлепшую вокладку да беларускай кнігі. Гэта самая маладая з прэмій, якая ўручалася ўсяго другі раз.

І сёлета яе лаўрэаткай стала Кацярына Пікірэня, дызайнерка вокладкі кнігі Джэрома Клапкі Джэрома «Трое ў чоўне і пёс з імі».

Прэмію за Кацярыну атрымаў выдавец Ігар Логвінаў.

Янка Брыль

З успамінаў Артура Вольскага пра пісьменніцкі Дом Творчасці ў Падблоні:

"Патэфон быў. Раяль быў. Вельмi хораша сьпявала Эдзi Агняцьвет. Там такiя вечары наладжвалiся. Нехта чытаў вершы. Мы, дзецi, «пiрамiды» рабiлi (тады гэта модна было) такiя спартыўныя. Бiльярдны стол вялiзны быў. Я страшэнна ганарыўся, што аднойчы выйграў у Крапiвы. У вялiкi сапраўдны бiльярд. Крапіва вельмi добра гуляў. У яго вока было. Я памятаю — прыкладзецца так. Ён сам высокi...

Алесь Дудар там праводзiў сваё апошняе лета перад апошнiм арыштам. Сумны быў такi, гуляў трохi ў валейбол. Але адчуваў, што вось-вось яго зноў пацягнуць. Старэйшыя гаварылi, я чуў, ён спадзяваўся ў
«Падблоні» адседзецца. Але забiралi адтуль непасрэдна".

(з кнігі Зміцера Бартосіка "Клініка кітайскага дантыста")

Падблонь - гэта цяпер у Мар'інай Горцы. Чамусьці абсалютна забытае месца. Старадаўняя сядзіба міністра ўнутраных спраў Расіі, пабудаваная ў 1870-ых гадах, на беразе ракі Цітаўка. Месца, дзе ў 1930-ых гадах адпачывалі і ўяўна хаваліся ад жахаў, якія адбываліся ў Мінску, пісьменнікі Дудар, Крапіва, Колас, Лынькоў, Харык, Александровіч і шмат хто яшчэ.

І надзіва нават вершы там пісаліся. Такое сабе месца з прысмакам "Балявання пад час чумы". Цудоўнае калі-небудзь будзе месца (музей/фонд/арт-прастора?), каб перажываць геній і драму беларускай даваеннай літаратуры.

А цяпер у сядзібе бальніца, але на тэрыторыю пускаюць. Дом Пісьменніка будзе адным з пунктаў нашай экскурсіі ў гэту суботу: "Падарожжа да цэнтра Беларусі"

🔥Розыгрыш!

Сёлета прэміі Дэбют споўнілася 10 гадоў. Нядаўна я ўжо паказвала вам такія памятныя кубкі да гэтай падзеі. Арганізатары прэміі падзяліліся адным з іх, каб у вас таксама была магчымасць піць гарбату і глядзець на Максіма Багдановіча 😏 Ад мяне ў дадатак да кубка пераможца атрымае нататнік, каб запісваць свае геніяльныя ідэі. Магчыма, некаторыя з іх прывядуць кагосьці да прэміі Дэбют 😏

Што зрабіць, каб атрымаць кубак і нататнік:
1. Быць падпісаным на гэты канал.
2. У каментах да гэтага запісу паставіць +, каб я ў адказ дала вам парадкавы нумар.
3. Чакаць 26 кастрычніка (панядзелак), калі пры дапамозе рандома я вызначу пераможцу.

Усім поспехаў!

Крыніца фота: https://m.facebook.com/photo.php?fbid=778098659424499&id=100016731157686&set=a.107170896517282&source=48

Марыя Міцкевіч, унучка Янкі Маўра і Якуба Коласа на плошчы Якуба Коласа.

Вынікі розыгрышу кубка ад прэміі Дэбют і нататніка.

Віншую з перамогай №68 — Nadzeya. Звяжуся з вамі, каб паведаміць, як атрымаць падарунак.

Дзякуй усім за ўдзел!

Ночы расстраляных паэтаў мы прысвячаем цыкл лекцый Ганны Севярынец пра беларускую літаратуру дваццатых і трыццатых.

Пра каго з лінгвістаў і паэтаў можна здымаць першы беларускі блакбастар? Лічыцца навучэнцам якой установы было небяспечна і ганарова? Чаму першы пераклад Анегіна праляжаў 80 гадоў у забыцці? Навошта перакладаць Пушкіна на беларускую і прычым тут Купала?

Усе лекцыі знойдзеце па спасылцы: https://wir.by/be/topic/times/tag/1930s

У ноч з 29 на 30 кастрычніка 1937 года іх гісторыя мусіла скончыцца. Яна працягваецца, пакуль ёсць мы.
Распавядзіце пра гэтыя лекцыі сябрам, каб больш людзей даведалася пра гэты цьмяны перыяд беларускай гісторыі.

Сёння ўжо традыцыйна а 20.00 у Курапатах адбудзецца «Ноч расстраляных паэтаў». Паэты, празаікі, музыкі, грамадскія дзеячы будуць чытаць творы загінулых літаратараў.

Эх, нам бы зараз усім па талерцы дранічкаў.
(Леанід Галубовіч «Зацемкі зь левай кішэні»).