Нарэшце я саспела да таго, каб завесці для канала і падкаста Patreon:
https://www.patreon.com/bellit

Калі хто не ведае, Patreon — гэта платформа, якая дазваляе дзяліцца сваім кантэнтам з патронамі і атрымліваць ад іх фінансавую падтрымку.

Што я магу прапанаваць сваім падпісантам на Patreon? Вы будзеце атрымліваць дадатковыя тэкставыя матэрыялы і спецыяльныя выпускі падкаста. Таксама сярод усіх патронаў будуць праводзіцца розыгрышы кніг. А яшчэ вы атрымаеце магчымасць першымі слухаць выпускі падкаста і чытаць кніжныя агляды.

Не хачу, каб Patreon стаў проста закрытым клубам, бо мая мэта — прасоўванне беларускай літаратуры. Таму хочацца, каб кантэнт быў даступным для ўсіх.

Але буду вельмі ўдзячная за вашу фінансавую падтрымку, якая пойдзе на развіццё праектаў. Напрыклад, каб выпускаць падкаст, трэба штомесяц аплачваць падпіску на SoundCloud (€11).

Хачу рабіць больш для беларускай літаратуры, а гэта магчыма толькі з вашай дапамогай.

Нечаканыя прыемныя дробязі ад медыцынскага цэнтра «ЛОДЭ».

Больш за 100 гадоў таму Якуб Колас прадказаў тое, што робіцца ў нас цяпер:

«— Дурны, дурны Дзед. Не воля аднаго, а воля ўсіх толькі і можа мець сілу і права».

https://knihi.com/Jakub_Kolas/Suprac_vady_kazki_zyccia.html

Новы выпуск падкаста Bellit.
Выпуск 22. Цыкл «Асобы». Уладзімір Дубоўка. Частка 1.

Беларускі паэт Уладзімір Дубоўка зведаў у жыцці шмат гора. Амаль 30 гадоў высылак і лагераў, немагчымасць займацца літаратурнай дзейнасцю, падарванае здароўе. У першай частцы новага выпуска з цыкла «Асобы» пагаворым пра тое, як складвалася яго жыццё да 1937 года.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

2 лютага спаўняецца 183 гады з дня нараджэння Кастуся Каліноўскага. Асобы, якая не раз натхняла навукоўцаў і літаратараў. Яго рабілі героем як навуковых манаграфій і публіцыстычных артыкулаў, так і мастацкай прозы, драматургіі і паэзіі.

#літ_агляд

Найлепшая дакументальная кніга 2020 года (паводле экспертаў Радыё Свабода).
https://telegra.ph/Syargej-Ablamejka-Kal%D1%96no%D1%9Esk%D1%96-%D1%96-pal%D1%96tychnae-naradzhehnne-Belarus%D1%96-Radyyo-Svabodnaya-EH%D1%9Eropa--Radyyo-Svaboda-2020-g-01-13

Узяла ў бібліятэцы «Казкі жыцця» Коласа, а тут нейкі «вумнік» вырашыў парэдагаваць класіка аловачкам 😁

Новы выпуск падкаста Bellit.
Выпуск 23. Цыкл «Асобы». Уладзімір Дубоўка. Частка 2.

У новым выпуску з цыкла «Асобы» працягваем гутарку пра Уладзіміра Дубоўку. Даведаемся, што адбылося ў ягоным жыцці пасля 1937 года.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Калі дзяржава не спраўляецца, за справу бяруцца пісьменнікі. Дапаможам Андрэю Горвату ў аднаўленні помніка архітэктуры — палаца ў Нароўлі.

У гэтым годзе па-руску з'явілася ўжо 9 (!) перавыданняў рамана Джорджа Оруэла «1984». І рыхтуецца яшчэ 2.
Хочацца апісаць гэтую сітуацыю назвай іншай культавай антыўтопіі: «О дивный новый мир».

Апошняя магчымасць прагаласаваць, заўтра я закрыю галасаванне і пачну рыхтаваць новы выпуск.