Хацела купіць у сваю бібліятэчку любімую кнігу дзяцінства па-беларуску. Убачыла «пераклад з рускай». Перахацела 🤦‍♂

#моўная_хвілінка
Ненаціскныя фіналі -эль, -эр у запазычаных словах перадаюцца як -аль, -ар: тэндАР.

(Памылка з кнігі Міколы Адама «Сёстры», Галіяфы, 2020 г.)

Дзякуй ўсім, хто прыняў удзел у галасаванні. З перавагай у 9 галасоў перамог Максім Багдановіч. Таму чакайце выпуск падкаста, прысвечаны яго жыццю і творчасці.

💫Сёлета Міжнародны паэтычны фестываль
“Вершы на асфальце” імя Міхася Стральцова, які ладзяць Саюз беларускіх пісьменнікаў, Беларускі ПЭН-цэнтр і грамадская кампанія Годна, адбудзецца анлайн.

📍12-14 лютага глядзіце трансляцыі імпрэз на youtube-каналах “Саюз Пісьменнікаў” і
“ГОДНА“.

Падрябязная праграма фэсту на сайце ПЭНа ⬇️

https://pen-centre.by/2021/02/10/h-mizhnarodny-paetychny-festyval-vershy-na-asfalcze-imya-mihasya-stralczova.html

#моўная_хвілінка
Калі б у мяне спыталі, якое ж правіла маё любімае, то я б не вагаючыся назвала гэтае 😊
У маім ідэальным свеце ўсе людзі правільна ўжываюць «удвух», «удваіх», «удзвюх»:

⭕ Удвух — калі гаворым пра мужчын.

⭕ Удзвюх — калі гаворым пра жанчын.

⭕ Удваіх — калі гаворым пра асоб рознага полу.

У гэтым прыкладзе хлопец Арцём думае пра сябе і свайго сябра Тараса, таму правільна ўжываць прыслоўе «удвух».

(Памылка з кнігі Міколы Адама «Сёстры», Галіяфы, 2020 г.)

#літ_агляд
Новы раман пісьменніка і мастака Артура Клінава. Атмасфера поўначы Беларусі, містычныя пярэваратні і рэвалюцыя ў невялікім мястэчку.

https://telegra.ph/Artur-Kl%D1%96na%D1%9E-Lok%D1%96sa%D1%9E-Logv%D1%96na%D1%9E-2020-g-02-10

#моўная_хвілінка
Найбольш распаўсюджаная памылка ва ўтварэнні меснага склону назоўнікаў, як мне думаецца, узнікае пад уплывам рускай мовы.

⭕ Фотамайстэрства — ніякі род, аснова заканчваецца на цвёрды зычны "в". У месным склоне слова будзе мець канчатак -е: курс па фотамайстэрстве.

(Памылка з кнігі Міколы Адама «Сёстры», Галіяфы, 2020 г.)

Новы выпуск падкаста Bellit.
Выпуск 24. Cкандынаўскі і медыцынскі дэтэктывы

У новым выпуску расказваю пра дэбютны дэтэктыў шведскай пісьменнніцы, медыцынскі дэтэктыў пра эпідэмію халеры, а таксама дзялюся цікавымі гісторыямі з кнігарні і адказваю на пытанні слухачоў.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Калі ваш дзень быў змрочным ці сумным, проста прачытайце гэтае неверагоднае параўнанне з кнігі Міколы Адама «Сёстры» 😏 Усмешку вам гарантую. А можа нават добры такі рогат.

Адкрыла чэк пакупкі ў інтэрнэт-банкінгу БПС-Сбербанка і знайшла там цытату Максіма Танка.

​​У выдавецтве «Янушкевіч» нарэшце можна заказаць кнігу «(Не)расстраляныя».

Гэта ўнікальнае выданне фармату А4 з гісторыямі 18 пісьменнікаў, іх творамі, фота і ілюстрацыямі. Многія матэрыялы публікуюцца ўпершыню.

Паспяшайцеся, наклад маленькі — 100 асобнікаў, прычым сёння ў продажы будзе ўсяго 30.

Таму заходзьце на https://januskevic.by/catalog/nonfiction/4231/ і рабіце заказ, каб стаць уладальнікам вельмі важнай для гісторыі беларускай літаратуры кнігі.

#моўная_хвілінка
Праспрагаем дзеяслоў «выбрацца» ў множным ліку:
1 ас.: мы выберамся
2 ас.: вы выберацеся
3 ас.: яны выберуцца

Ніякага «выберЫмся» ў першай асобе 😉

(Памылка з кнігі Генадзя Аўласенкі «Як зубраня "Зубраня" наведала», Мастацкая літаратура, 2019 г.)

#літ_агляд
Адна з найгоршых кніг пра Караткевіча, што я чытала.

https://telegra.ph/Vyachasla%D1%9E-Ragojsha-Dzesyac-sag-pra-Karatkev%D1%96cha-Mastackaya-l%D1%96taratura-2020-g-02-16

18 лютага 1946 года Якуб Колас зрабіў такі запіс у дзённіку: 

«Хацелася б запісаць усё, чым жывеш, што думаеш, што збіраешся зрабіць. Але гэта марны замах. Усяго не запішаш. Можа, было б добра мець стэнаграфіста, які адзначыў бы ўсе думкі, усе пачуцці і рухі душы... У тлуме ўсіх гэтых разважанняў першае месца займае старасць. Як ты ні "хорохорься", а ты адчытаны чалавек. Стой, брат, падумай: а можа, гэта і не так, можа, ты яшчэ здолен на нешта патрэбнае людзям <...> Покі носяць цябе ногі, ты нешта рабі, рабі тое, што трэба людзям...».

128 гадоў таму нарадзіўся Максім Гарэцкі.
Можаце паслухаць адзін з выпускаў падкаста Bellit, прысвечаны яму.

Новы выпуск падкаста Bellit. Выпуск 7. Цыкл «Асобы». Максім Гарэцкі. Частка 1.

Сёмы выпуск літаратурнага падкаста Bellit, у якім я распачынаю цыкл «Асобы». Кожны выпуск гэтага цыкла будзе прысвечаны жыццю і творчасці аднаго беларускага пісьменніка.

Герой сённяшняга выпуска — Максім Гарэцкі.

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

🎲 Quiz 'Тэст ад Рыгора Барадуліна'
21 лютага — Дзень роднай мовы. Сёння хачу прапанаваць вам тэст паводле лексікі Рыгора Барадуліна, з яго роднай Вушаччыны. Паспрабуйце зразумець значэнні слоў.
🖊 7 questions · ⏱ 45 sec

Адзін з найлепшых сучасных беларускіх паэтаў цяпер і ў тэлеграме! Далучайцеся да канала Андрэя Хадановіча:

@akhadanovich