Рубрыка «Пра нас пішуць».
У апошнім нумары часопіса «Бярозка» ў рубрыцы «Кантэнт па-беларуску» напісалі пра «Белліт».

Толькі хочацца заўважыць, што ў канала ўсё ж такі адна аўтарка, а не каманда 😏 Як Людовік XIV казаў «Дзяржава — гэта я», так жа канал «Белліт» — гэта я і мой чытацкі дзённік.

Але дзякуй вялікі рэдакцыі часопіса за згадку.

У эфіры сяброўская рэкамендацыя.
Ружовая купіна — канал пра кінематограф і ўсё, што з ім звязана. Тут вас чакаюць навіны, рэцэнзіі, падкасты, мемы, віктарыны і многае іншае выключна на роднай мове!

Далучайся!
t.me/kupinaruzh

Алесь Аркуш пра першую сустрэчу з Анатолем Сысом.

(Аляксандр Тамковіч, «Мазаіка жыцця»)

У нас выйшаў новы агляд на Onliner — зноў разглядаем згадкі Беларусі ў творах замежных аўтараў:
https://people.onliner.by/2021/08/28/izvestnye-pisateli-pro-belarus

Раю пачытаць, там ёсць ад чаго і смяяцца, і абурацца.

Новы выпуск падкаста Bellit.
Выпуск 43. Лета, містыка, міфалогія

У сённяшнім выпуску вас чакаюць кнігі пра дзяцей і падлеткаў, іх летнія і не толькі прыгоды. Містыка, магічны рэалізм, беларуская міфалогія.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Сёння Дзень ведаў, таму трымайце гісторыю ад Адама Глобуса пра настаўніцу беларускай мовы.

(Аляксандр Тамковіч «Мазаіка жыцця»)

Літаратура забівае. Культуролаг Максім Жбанкоў пра вайсковы вопыт.

(З кнігі А. Тамковіча «Мазаіка жыцця»)

Навінка ў кніжнай серыі GRADUS!

У другой кнізе серыі пад адной вокладкай сабраныя тры эпічныя творы Янкі Купалы ў рэдакцыі 1928 г.: «Адвечная песьня» (1910), «Сон на кургане» (1912) і «Безназоўнае» (1924).

Афармленне серыі — Сяргей Шаматульскі.
Укладальніца кнігі — Марына Казлоўская.

Каб дапамагчы спрагназаваць попыт і зрабіць заказ — запоўніце форму:
https://forms.gle/V5nWfU6ab39cqzdh6

Калі кніга выйдзе, з вамі скантактуюцца наконт набыцця.

Таксама кніжная серыя шукае спонсараў. Даць згоду на спонсарства можна там жа па спасылцы.

Нагадаю, што першую кнігу серыі — «Адвечным шляхам» Ігната Канчэўскага — можна купіць тут: https://tn.by/product/kanceuski-adviecnym-sliacham-ese-viersy/

Тыя, што зьнічкамі ў жніўні гарэлі ахвярна,
кажуць: нічога ня марна, нічога ня марна, –
змроку, што сонцу насуперак слаўся бяздарна,
кажуць: нічога ня марна, нічога ня марна.

Побач з ільвом пакладзецца рахманая сарна,
скажа: нічога ня марна, нічога ня марна, –
хіжай гіене, што шчэрыла пашчу бяскарна,
скажа: нічога ня марна, нічога ня марна.

Толькі калючка і вышка, муры і турма
кажуць табе: ўсё дарма, чалавеча, дарма.
Ды над пагаслым пажарам астылая сажа
болей нічога ня скажа, нічога ня скажа.

То праз пажары і пашчы, калючку й муры –
зьнічкаю, сарнай ці сажай, але гавары.

@Akhadanovich.

Вызначаны доўгі спіс Прэміі Гедройця 2021!

У ім 12 кніг:

1. Сяргей Абламейка «Каліноўскі і палітычнае нараджэньне Беларусі» (Радыё Свабодная Эўропа / Радыё Свабода).
2. Сяргей Астраўцоў «Спадар Свабода» (Радыё Свабодная Эўропа / Радыё Свабода).
3. Сяргей Балахонаў «Бог кахання Марс» (Янушкевіч).
4. Ева Вайтоўская «Гарэзлівы пацалунак» (Янушкевіч).
5. Ева Вежнавец «Па што ідзеш, воўча?» (Пфляўмбаўм/Выдавец Раман Цымбераў).
6. Валеры Гапееў «І хай ніхто не пойдзе пакрыўджаным, або Грак і Монця Хрысцік» (Электронная кнігарня).
7. Сяргей Календа «Акварыум. Гісторыя аднаго юнацтва» (Логвінаў).
8. Артур Клінаў «Локісаў» (Логвінаў).
9. Алесь Паплаўскі «Гульні з нулявымі сумамі» (Галіяфы).
10. Юльяна Пятрэнка «Харунжы. Verbera Ventorum» (Кнігазбор).
11. Таня Скарынкіна «Райцэнтр» (Пфляўмбаўм/Выдавец Раман Цымбераў).
12. Андрэй Федарэнка «Жэтон на метро» (Мастацкая літаратура).

#літ_агляд
Сёлета спаўняецца 95 гадоў з выхаду аповесці Міхася Зарэцкага «Голы зьвер».

https://telegra.ph/M%D1%96has-Zarehck%D1%96-Goly-zver-Dzyarzha%D1%9Enae-vydavectva-Belarus%D1%96-1926-g-09-10

Прыйшла дадому — а тут сюрпрыз ад выдавецтва «Папуры».

«Людзі на балоце» ў новай вокладцы — прыгажосць.
Цудоўная нагода перачытаць.

У эфіры сяброўская рэкамендацыя.

Кукумба — невялікая каманда, якая стварае беларускамоўны кантэнт: анімэ, фільмы і серыялы з беларускамоўнай агучкай і субцітрамі.

Падпісвайцеся на канал: https://t.me/kykymba_by

#літ_агляд
«Мяне выклікаюць. На дзесяць нуль-нуль у чацвер».

Такімі словамі пачынаецца раман, галоўная гераіня якога ходзіць на допыты румынскіх спецслужбаў.

Упершыню па-беларуску — Нобелеўская лаўрэатка, нямецкая пісьменніца Герта Мюлер.

https://telegra.ph/Gerta-Myuler-Syonnya-ya-b-ne-hacela-z-saboj-sustrakacca-YAnushkev%D1%96ch-2021-09-12

Лему — 100!

100 гадоў таму нарадзіўся польскі фантаст Станіслаў Лем.

Ужо сёлета ў выдавецтве «Янушкевіч» @januskevicbooks плануецца выхад беларускага перакладу кнігі «Зорныя дзённікі».

А ўжо цяпер па-беларуску вы можаце прачытаць легендарны «Салярыс» (Мастацкая літаратура, 1994), зборнік «Непераможны» (Звязда, 2011), у які ўвайшлі аднайменны раман і некалькі апавяданняў, зборнік апавяданняў «Прыгоды Піркса» (Мастацкая літаратура, 1992) і асобныя апавяданні.

(цудоўны плакат знайшла ў бібліятэцы Польскага інстытута ў Мінску)

💥Журы прэміі Шэрмана абвясціла доўгі спіс

📚Журы будзе абіраць трох пераможцаў у трох намінацыях: пераклад прозы, пераклад паэзіі і пераклад дзіцячай кнігі. "Пераклад прозы" і "Пераклад дзіцячай кнігі" прадстаўленыя шасцю намінантамі, "Пераклад паэзіі" - пяццю.

👉Знаёмцеся з вылучанымі кандыдатамі на сайце ПЭНа па спасылцы.