#літ_агляд
55 гадоў таму выйшаў зборнік апавяданняў Міхася Стральцова «Сена на асфальце».

https://telegra.ph/M%D1%96has-Stralco%D1%9E-Sena-na-asfalce-Belarus-1966-g-10-11

​​#ПрэміяГедройця2021

Ужо зусім хутка мы даведаемся, хто ж сёлета атрымае Прэмію Гедройця. А пакуль нагадаю вам, якія кнігі ўвайшлі ў кароткі спіс і будуць змагацца за перамогу.

📕Сяргей Абламейка «Каліноўскі і палітычнае нараджэньне Беларусі» (Радыё Свабодная Эўропа / Радыё Свабода, 2020).
Кніга доктара гістарычных навук і журналіста Радыё Свабода, якая ўжо паспела атрымаць іншыя прэміі: Прэмію імя Францішка Багушэвіча і званне «Кніга года» паводле экспертаў Радыё Свабода ў намінацыі «дакументальная проза».

📕Ева Вежнавец «Па што ідзеш, воўча?» (Пфляўмбаўм/Выдавец Раман Цымбераў, 2020).
Кніга, якая, на маю думку, сёлета мае ўсе шансы на перамогу. «Балотная казка», здольная зацягнуць любога, хто пачне яе чытаць.

📕Сяргей Календа «Акварыум. Гісторыя аднаго юнацтва» (Логвінаў, 2020).
У апошніх кнігах Календа даследуе цялеснае, плоцевае і пачуццёвае. Не баіцца брудных слоў і брудных сцэн, якіх у кнізе шмат, як і думак, пачуццяў і перажыванняў юнакоў.

📕Артур Клінаў «Локісаў» (Логвінаў, 2020).
Трэці за дзесяць гадоў раман аўтара. Атмасфера поўначы Беларусі, містыка і пярэваратні, каларытная фантастычная гісторыя адной рэвалюцыі ў яркіх дэкарацыях беларускай правінцыі.

📕Таня Скарынкіна «Райцэнтр» (Пфляўмбаўм/Выдавец Раман Цымбераў, 2020).
Не ўсім беларускім гарадам шанцуе мець свайго летапісца, які пакіне ўспамін пра яго ў літаратуры і гісторыі. Жыхары Смаргоні і ваколіц набылі бессмяротнасць у кнізе Тані Скарынкінай.

📕Андрэй Федарэнка «Жэтон на метро» (Мастацкая літаратура, 2020).
Новая кніга вядомага беларускага аўтара, у якой гэты выдатны празаік выступіў у нечаканым для сябе амплуа — як аўтар дэтэктыўнага рамана.

💥"Творчыя кухні" вяртаюцца!💥

☕️“Творчая кухня” – сумесны праект “Еўрарадыё” і Беларускага ПЭН-цэнтра. Гэта праграма, дзе літаратары дзеляцца сваёй творчасцю анлайн: чытаюць вершы, прозу, пераклады, спяваюць, расказваюць пра сваё жыццё падчас пандэміі і грамадска-палітычнага крызісу і адказваюць на пытанні гледачоў.

❗️Ужо заўтра 13 кастрычніка а 19.00 адбудзецца творчая кухня з пісьменніцай, шорт-лістаркай прэміі Гедройця Евай Вежнавец. Ева, сапраўднае імя якой Святлана Курс, раскажа пра кнігу "Па што ідзеш, воўча?", распавядзе пра супрацоўніцтва з выдавецтвам "Пфляўмбаўм" і падзеліцца ўражаннямі і чаканнямі ад прэміі Гедройця. Таксама Святлана адкажа на пытанні гледачоў.

📌Далучайцеся да заўтрашняй сустрэчы на youtube-канале ПЭНа па спасылцы ці ў нашых сацсетках, а таксама ў сацсетках @euroradio.

Новы выпуск падкаста Bellit.
Выпуск 47. Беларускія літаратурныя прэміі

Расказваю пра кнігі з кароткіх спісаў трох літаратурных прэмій: Гедройця, Шэрмана, Цёткі.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

💥💥Абвешчаны пераможцы Прэміі Цёткі ў дзвюх намінацыях

🥇🥇У 2021 годзе "Найлепшай кнігай для дзяцей і падлеткаў" стала кніга Вольгі Гапеевай "Адна шкарпэтка і іншыя гісторыі" (Галіяфы). У намінацыі "Найлепшае мастацкае афармленне" перамогу атрымаў Валерый Славук, які аздобіў збор чарадзейных казак "Вядзьмар, які рабіўся ваўком" (Янушкевіч).

👓У складзе літаратурнага журы ў гэтым годзе працавалі Вера Жыбуль (Бурлак), Наста Грышчук, Наталля Мядзвездь, Надзея Кандрусевіч-Шыдлоўская і Ціхан Чарнякевіч.

🎨У мастацкае журы ўваходзілі Кацярына Дубовік, Павел Татарнікаў і Ігар Юхневіч.

Віншуем пераможцаў! 🥳

Болей.

#літ_агляд
Сёлетняя пераможца Прэміі Цёткі ў намінацыі «Найлепшая кніга для дзяцей і падлеткаў».

https://telegra.ph/Volga-Gapeeva-Adna-shkarpehtka-%D1%96-%D1%96nshyya-g%D1%96story%D1%96-Gal%D1%96yafy-2020-10-14

«9/V.1935. <...> У нас літаратуры прыдаецца велізарнейшае значэнне, якога яна ў іншых народаў даўно не мае. Не знаходзячы ў сённяшнім жыцці справядлівасці, народ шукае ў літаратуры адказу на ўсе пытанні, якія яго хвалююць і непакояць. У нас няма розніцы паміж літаратурай і адозвай, літаратурай і забастоўкай, літаратурай і дэманстрацыяй, таму амаль ва ўсіх палітычных працэсах разам з барацьбітамі за сацыяльнае і нацыянальнае вызваленне на лаве падсудных знаходзілася і наша заходнебеларуская літаратура».

(Максім Танк «Лісткі календара».)

«3/IV.1937. Сярод нашых снобаў бытуе тэорыя двух гатункаў мастацтва: адно — для іх, другое, "ніжэйшае", — для іншых. Толькі гэта "для іншых" заўсёды аказвалася чартоўскі жывучым і найбольш даўгавечным».

(Максім Танк «Лісткі календара».)

Новы выпуск падкаста Bellit.
Выпуск 48. Ігуана ў калготах, прыгоды пастара і жыццё на Алясцы.

У сённяшнім выпуску даведаемся, хто атрымаў Прэмію Цёткі, а таксама трошкі павандруем.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Афганскі стэнд на сёлетнім Франкфурцкім кніжным кірмашы.

«Сучасныя юныя чытачы і, праўду кажучы, многія дарослыя людзі, не ведаюць, не ўяўляюць сабе, як цяжка было ў перадрэвалюцыйным часе знайсці якую добрую кніжку для чытання. Вясковыя дзеці бачылі фактычна толькі адны школьныя падручнікі, ды і тых было небагата: кніга для чытання, задачнік і “закон боскі”. Бібліятэк для рабочых і сялян, асабліва ў сельскай мясцовасці, не было нідзе ніводнай. Паны мелі ўласныя вялікія і багатыя бібліятэкі ў сваіх палацах, але туды простых людзей ніхто не дапускаў. Ды і большая частка кніг у панскіх бібліятэках была на замежных, не зразумелых нашаму народу мовах. Адзіныя даступныя кніжкі, якія прадаваліся па капейцы за штуку на ўсіх кірмашах і фэстах, гэта казкі пра Баву Каралевіча, Еруслана Лазаравіча і падобныя да іх. Толькі напярэдадні рэвалюцыі пачалі з'яўляцца іншыя танныя выданні, галоўным чынам, маленькія апавяданні Льва Талстога».
⠀
(Уладзімір Дубоўка, зборнік «Пялёсткі», апавяданне «Няпрошаныя візіцёры».)
⠀
Ну, хто там яшчэ скардзіцца, што яму ў наш час няма чаго чытаць 😁

Набліжаецца юбілейны (№50) выпуск падкаста Bellit, і па-першае, мне ўсё яшчэ не верыцца, што я ўжо запісала столькі выпускаў 🤯, а па-другое, хацелася б зрабіць першы ў гісторыі падкаста паўнавартасны Q&A.

Хачу зрабіць юбілейны выпуск няхай і найменш інфарматыўным з літаратурнага боку, але найбольш жывым. Калі вы маеце пытанні да мяне, хочаце даведацца, напрыклад, якую літаратуру ці музыку я люблю, хто навучыў мяне чытаць, або чаму ў падкаста такая назва, як увогуле з’явілася ідэя яго запісваць, то пакідайце свае пытанні па спасылцы ў гугл-форме. Таксама прымаюцца разнастайныя літаратурныя пытанні. Толькі не кшталту «раскажы пра творчасць Караткевіча» 😁 Такія выпускі будуць выходзіць асобна.

Вітаюцца любыя літаратурныя і калялітаратурныя пытанні да мяне і падкаста.

Калі пытанняў назбіраецца дастаткова (хаця б на невялічкі 20-хвілінны выпуск), то юбілейнаму выпуску быць. Спадзяюся на вашу зваротную сувязь.

https://forms.gle/gnHGZJz1epeKRx8Y8

Новы выпуск падкаста Bellit.
Выпуск 49. Беларусь у літаратуры, частка 1

Тэма выпуску — Беларусь вачыма замежных пісьменнікаў. Цытую згадкі Беларусі ў кнігах аўтараў з іншых краін.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit