Ulamolarimiz aytadilar: “Bilmagan narsasini, bilmayman, deyish ilmni yarmiga teng”

Abu Dardo roziallohu anhu dedi: Bir masalani o’rganmog’im, kechasi turib ibodat qilmog’imdan afzaldir.

Ilm dengizdir kimdir undan kosada oladi, kimdir esa chelakda.
Kishi o’zini hech narsa bilmasligini anglab yetishi uchun ham anchagina ilm olishi lozim bo’ladi. Inson ilm olgani sari bilmagan narsasi juda ham ko’pligini anglab boraveradi. Demak gunoh va savobni farqlash uchun batariqa a’lo ilm lozimdir.

🤎Tahanoviy rahimahulloh: “Gunohlarning eng kattasi benamozlikdir “ - deydi
Chunki “La ilaha illalloh” deb, musulmonlikni da’vo qilgan kishining eng avvalgi qilishi lozim bo’lgan amali bu namoz o’qimog’idir. “La ilaha illaloh” deyishlik, shu kalimani ostidagi barcha amr - buyuruqlarni bajaraman deb va’da berishlikdir. Har bir inson Alloh taoloning son- sanoqsiz ne’matlari ostida yashaydi, shu sababli gunoh sodir etishlik, U Zotning bergan ne’matlariga noshukurlikdir.


#kitobdan (Jannat sog’inchi )
Benimle

Gohi g’am ortiqcha, shodlik ziyoda,
Ko’zlarim ashkidan yayrar bog’ unib,
Hamma ish jonimga tegdi dunyoda,
Faqat charchamadim seni sog’inib.

Madinam… 💚

Xayrulla Hamidov
Benimle

Bu o’qiyotgan kitoblari Imom Busiriyning Qasidai Burda kitoblari

Muallif va kitobning yozilish tarixi

Imom Busuriy hijriy 608 (milodiy 1212 yilda) tavallud topganlar Asl ismlari Muhammad ibn Sayyid ibn Hammod bo’lib, onalari Misrning Busir qishlog’ida bo’lganlari uchun u kishiga Busuriy nisbati berilgan Imom Busiriy aql - zakovatlari, ilm fasohatlari bilan o’z zamondoshlaridan ajralib turar edilar

Imom Busuriy taqdiri ilohiy bilan shol kasalligiga chalinib a’zolari yarmi falaj bo’lib qoladi. Ana shunday betob kunlarining birida Alloh taologa vasila qilish va uning sababidan dardlariga shifo so’rash maqsadida Rosululloh 🩷 bag’ishlangan yana bir qasidani yozib tugatadilar imom Busuriy shu kecha tushlarida Rosululloh 🩷ni sahobalar qurshovida ko’radilar. Qasidani o’qib berish uchun izn so’raydilar, ruxsat bo’lgach qasidani boshdan oxir o’qib beradilar. Ma’lum baytga yetganlarida Rosululloh 🩷 boshlarini qimirlatib, ma’qullar, muborak qo’llari bilan Xazrati imomning yelkalarini silab qo’ygan ekanlar. Uyg’onganlarida falajlikdan asar ham qolmagan ekan.

Bu qasida mo’min musulmonlarning yaralariga malham, dardlariga shifo va har qanday yaxshi maqsadlariga hojat baroligi bilan mashhur bo’lgan. Ulamolarimiz uni o’qishda tartib qoidaga rioya qilish lozimligini uqtiradilar.
🤎Tahoratli bo’lmoq
🤎Qiblaga yuzlanmoq
🤎lavz va e’roblariga e’tibor bermoq
🤎ma’nolarini bilmoq
🤎har baytdan keyin salovat aytmoq

Imom G’aznaviy tushlarida Rosululloh 🩷ni ko’rish uchun har kecha ushbu qasidani o’qir ammo maqsadlari hosil bo’lmas ekan. U kishi shayxning huzuriga borib bu haqida so’raganlaroda Shayx:
Shartlariga rioya qilmagan bo’lsangiz kerak debdilar. Bir oz tafakkurdan so’ng shayx siz Imom Busriyning salovatlarini aytmas ekansiz har baytdan so’ng “Mavlaya solli va sallim daiman abadan a’la habibika xoyri xolqi kullihimi ni ayting, debdilar

Qisqacha qilib ma’lumot berib o’tishga harakat qildim, ma’lumotlarni Qasidai Burda ta’riful habib kitobidan oldim uni har qanday kitob do’konlaridan topishingiz mumkin. Albatta kitob din ishlari bo’yicha qo’mita tasdig’idan o’tgan.

18.08.24
Bintu Islomiddin

Yaxshi insonlarning davrasida ko’p bo’lish maslahat beriladi bu uchun nima qilish kerak deyilsa bu uchun ularga o’xshashga harakat qilish, ular kabi mashaqqat chekish kerak agar harakatsiz bir joyda turaversang turgan joyingda qolib ketasan ular ildamlab ketadilar oradagi masofalar uzoqlashgan sari seni qo’linga bog’lab olib tortishga harakat qilayotgan iplari uzilib ketadi natijada bekorchilar davrasida qolib ketasan

Ibn Javziy rahimahulloh shunday der ekanlar “Bekorchilarni suhbatidan Allohdan panoh so’rayman!. Ba’zi insonlar bor meni oldimga kelib bekorchi gaplarni gapirib o’tirishadi, ichida g’iybat ham qilishadi so’rasangiz ustozni hizmatidamiz deb qo’yishadi. Aslida ilm talab qilish ko’p mutolaa va vaqtni g’animat bilish bilan bo’ladi deb qattiq ta’kidlagan ekanlar

Ibn Javziy “Men yigirma ming mujallad yo’ki undan ko’proq kitob o’qidim” deb aytganlar Ibn Javziyni siyratidan ta’sirlangan Alloma Ali Solih Al-Azhariyning Onalari shayx Ali Solih uchun ishlab topgan pullariga kitob olib berardikanlar va kechalari yeg’lab duo qilar ekanlar natijada shayx Ali Solih Azhariy 60 000 dan ziyod kitob o’qishga muvoffaq bo’lgan ekanlar

Alloma Ali Solih Azhariy hozirgi zamonamizning ulamolaridan hisoblanadi 1944-yilda tavallud topganlar

Himmatimizni oliy qilib ularga o’xshashga harakat qilaylik shoyadki Alloh taolo bizlarni ham ularning qatoriga qo’shsa 🤲🏻😢

Shoir she’rida shunday deydi “Karamlilar bilan birga bo’l sen ham ulardan hisoblanasan”


12.06.24
Benimle

🟣Oxirat bozorida bir mo'minning qalbini hursand qilishdan ko'ra qimmatli tovar yo'q.

🟣Gunohlariga tavba qilgan valiydir. Unga e'tibor bermagan insondir. Undan xursand bo'lgan shaytondir.

🟣Kim moddiy dunyoga safar qilsa qadamlariga jarohat yetadi va kim ruhoniy dunyoga safar qilsa qalbiga g’am tashvish yetadi

Ya’ni insonlar bilan kim o’zarga o’taman deb badanini charchatadi holdan toyadi, kim oxirat g’amida bo’ladigan bo’lsa xato kamchiliklarini ko’rib qalbiga g’am yetadi bu g’am esa o’zini isloh qilishiga ko’plab yaxshiliklar qilishiga sabab bo’ladi

🟣Dunyo talab qiluvchi huddi dengizdan suv ichuvchiga o’xshaydi ichgani sari chanqog’i oshadi

Nafs hech qachon talab qilishdan to’xtamaydi bo’ldi manashuni qilsam unga xotirjamlik yetadi deganimiz sari yangi istaklari chiqib kelaveradi

🟣Dunyo haqiqatida kumush varoqlar bilan o’rab qo’yilgan axlatga o’xshaydi yoki chiroyli kiyim kiyg’izilgan kampirdek

Qanchalik ko’zimizni maftun qilmasin unga yetishganimiz bilan haqiqiy rohatni topa olmaymiz.

🟣Insonlar dunyo ahlini ulug’layotganini ko’rsang ajablanma ko’rmaysanmi ular ilon va chayon uchun ham sakrab turadi

🟣Agar qalb Allohdan o’zgasidan holi bo’ladigan bo’lsa, qorin haromdan saqlangan bo’lsa hamma ism Ismi A’zamdir.

Ismi A’zam qaysi ekan deya izlanishinga hojat qolmaydi

🟣Agar qalb ko’zi ko’r bo’lsa, ko’zning o’tkir bo’lishini zarra miqdor foydasi yo’q. Haqiqatlarni anglamay qolaveradi…

🟣Namozda hotirjamlik yo’qligini sababi gunohlardir. Bu teri oshlovchining attorni do’koniga kirib yuragi siqilganiga o’xshaydi. Yomon hidlarga o’rgangan burin yaxshi hidlarning tarovatini qanday ham sezsin.

🟣Bu dunyoda lazzat bermayotgan ibodatni oxiratda mukofoti bor deb o’ylaysanmi…

🟣Bir namozdan so’ng ikkinchi namozga masjidga borishing birinchisi qabul bo’lganing alomatidir

Ulashganlaring seniki

15.01.25
#kendimenot
Benimle

Sizlarga qanchalik foydali bo’ladi bilmayman…

💞Miya va xotira: Miya har doim o’zgaruvchan va yangilanadigan organ. Har bir yangi tajriba yoki ma’lumot miya neyronlarining o’zgarishiga olib keladi. Bu jarayon “plastiklik” deb ataladi. Miya plastikligi nafaqat yoshligimizda, balki kattalarcha ham davom etadi, bu esa o’qish va o’rganish jarayonlarini yanada samarali qiladi. Ma’lumotlarni saqlash va eslab qolish uchun, ko’proq takrorlash va faol ishtirok etish muhimdir. Shu bilan birga, sport yoki jismoniy faollik miya faoliyatini yaxshilaydi, chunki u qon aylanishini va oksigenni yetkazib berishni oshiradi. Ba’zi tadqiqotlar shuni ko’rsatadiki, jismoniy mashqlar miyaning yangi neyronlarni yaratishga yordam beradi, bu esa xotira va diqqatni oshiradi.

💞Insonning uyqusi va uning ahamiyati: Uyqu inson hayotida ajralmas qism hisoblanadi, va bu nafaqat dam olish uchun, balki jismoniy va ruhiy sog’likni saqlash uchun ham muhimdir. Uyquda, miyamiz kun davomida yig’ilgan axborotni qayta ishlaydi, yangi ma’lumotlarni o’zlashtiradi, immun tizimi kuchayadi, va yomon holatlarda yuzaga kelgan hujayra shikastlanishlarini tuzatadi. Uyqusizlik esa qon bosimini oshiradi, stressni ko’paytiradi va aqliy faoliyatni pasaytiradi. Yaxshi uyqu uchun, har kuni bir xil vaqtda yotish va turish, elektron qurilmalardan uzoqroq bo’lish va yotoqxona muhitini xotirjam qilish zarur.

💞Energiyani boshqarish: Energiya boshqaruvi insonning kunlik samaradorligi va umumiy farovonligi uchun muhimdir. Katta miqdordagi ishni bajarishda yoki biror ishni tezda yakunlashda, odamlar ko’pincha yuqori darajada e’tiborli va faollikni talab qiladigan holatga kirishadi. Ammo bu holat uzoq davom etmaydi, chunki tana va miya charchaydi. Shu sababli, kun davomida tez-tez qisqa tanaffuslar qilish, chuqur nafas olish mashqlari yoki qisqa yurishlar qilish yordam beradi. Tanaffuslar miyada stressni kamaytiradi va energiya darajasini tiklashga yordam beradi.

💞Hozirgi zamon texnologiyalarining ta’siri: Texnologiya kundalik hayotimizning ajralmas qismiga aylangan, ammo bu uning salbiy ta’sirini kamaytirish uchun ehtiyotkorlikni talab qiladi. Masalan, uzoq vaqt davomida telefon, kompyuter yoki televizor ekraniga qarash ko’zlarni charchatadi va uyqusizlikka olib kelishi mumkin. “Ko’zning qurishi” (digital eye strain) degan holat, ko’zlarning qurib qolishi va og’rig’iga olib keladi. Bunday holatdan qochish uchun, 20-20-20 qoidasini bajarish foydali: har 20 daqiqada, ekrandan 20 fut (6 metr) masofaga qarab, 20 soniya davomida dam olish.

💞Sog’lom ovqatlanish va ongli tanavvul: Yaxshi ovqatlanish nafaqat jismoniy sog’likni ta’minlaydi, balki aqliy holatga ham ta’sir qiladi. Boshqa tomondan, noto’g’ri ovqatlanish stressni oshiradi, yomon kayfiyatga olib keladi va umumiy farovonlikni pasaytiradi. Yaxshi ovqatlanish uchun, ko’proq meva va sabzavotlar, oqsil va yog’larni o’z ichiga olgan ratsionga e’tibor berish kerak. Shuningdek, ongli tanavvul (mindful eating) tavsiya etiladi, ya’ni har bir ovqatni yaxshi cheklangan miqdorda, sevinch bilan va to’liq e’tibor bilan yeyish. Bu yondashuv tana va aql uchun foydalidir, chunki u to’liq ovqatlanish va hazm jarayonlarini yaxshilashga yordam beradi.


#kendimenot
Benimle