💞 Taqvo qiyomat kuni seni bo’yningdan hech kim olmasligidir

Nurli qalb unda insonlar men haqimda nima deydi ekan degan mulohaza bo’lmagan qalbdir, nursiz qalb esa unda go’zal xulq mavjud bo’lmagan qalbdir.

Abu Hurayra ▫️ dan rivoyat qilinadi Rosululloh ▫️dan insonlarni jannatga kirishiga eng ko’p sabab bo’ladigan narsalar borasida so’rashganda “Allohga taqvo va husni xulq” deb javob berdilar va do’zaxga kirishga sabab bo’ladigan narsalar nima deyishganda “Og’iz va farj” dedilar.

Go’zal xulq quydagi narsalarda namoyon bo’ladi:

🪽Insonlarga ochiq chehrada bo’lishlik

Imkon qadar biror kimsaga ozor bermangki kasalliklarning eng yamoni qalb kasalligidir, qalb kasalliklarining eng og’iri esa qalb og’rig’idir.

Abul Hasan Xorqoniy aytadilar:
Kim bir kecha kunduzini insonlarga ozor bermay o’tqazsa, huddi kunini Nabiy ▫️ bilan o’tqizgandek bo’ladi.

🪽Insonlarga hamdard bolishlik

Ibn Umar ▫️ dan rivoyat qilinadi Rosululloh ▫️ Musulmon musulmonning birodaridir unga zulm qilmasin uni taslim qilishga ham urinmasin kim birodarini hojatida bo’lsa Alloh uning hojatlarini ravo qiladi kim musulmonning g’amini aritsa Alloh qiyomat kuni uni g’amlaridan bir g’amni aritadi, kim birodarini aybini yashirsa Alloh uning aybini qiyomat kuni yashiradi

Buxoriy, Abu Dovud rivoyati

🪽Faqirlarga yordam berish

🪽Yaxshi ishlarda insonlarga muxolif bo’lmaslik

Asroriddin ustoz ko’p aytar edilar xayrli ishlarda sizdan taklif chiqmasin, qolganlarning taklifiga yuringki boysunish shakllansin

🪽O’zini aybi bilan mashg’ul bo’lishlik

Alloh taolo Ra’d surasining 11-oyatida quydagicha marhamat qiladi

Albatta, to bir qavm o’zlarini o’zgarturmagunlaricha, Alloh ularni holini o’zgartirmas

🪽Biror kishi malomat qilsa go’zal ta’vil qilishlik

Sandal daraxtini ko’rmaysizmi uni hayotini tugatish uchun kelgan boltaniki og’zida o’zining tarovatli hidini qoldirib ketadi

🪽Mo’tadillik

🪽O’ziga keraksiz bo’lmagan narsadan chetlanish

Allohim o’zi bizlarni ham go’zal xulqlar bilan ziynatlanuvchilardan qilsin Amiyn 🤲🏻

25.02.25
Benimle

💞 Go’zal hikmat 💞

Alloh taolo shunday deydi: Mo’min bandalarimdan shunday kimsalar borki ularning iymonlari faqat boylik bilan isloh bo’ladi, agar men uni faqir qilib qo’ysam u iymonini faqirlik bilan fasod qiladi, mo’min bandalarimdan yana shunday kimsalar borki ularning iymoning islohi faqatgina faqirlik bilan bo’ladi agar men uni boy qilib qo’ysam uni o’sha narsa ya’ni boylik bilan fasod qilib yuboradi, mo’min bandalarimdan yana shundaylari borki ularning iymoni faqatgina sog’liq bilan salomat qoladi agar men uni kasal qilib qo’ysam kasallik bilan iymonini yo’q qilib yuboradi, yana bandalarimdan shundaylari borki uning iymonining salomat bo’lishi faqatgina kasallik bilan bo’ladi agar men uni sog’lom qilib qo’ysam usha narsa bilan uni fasod qiladi, men bandalarimni ishlarini ularning qalblari (qanday holdaligini bilganim sababidan shunga ko’ra idora, tadbir qilaman. Men o’ta biluvchi va Xabardorman.

Abul Faroj Hanbaliy Jame’ul ulum val hikam kitobida taxrij qilgan. Tafsiru Ruhul bayon Isro surasi 30-oyatining sharhida keltirilgan.

Subhanalloh Allohim senga ixtiyor qilgan narsalar qanchalar xayrli ekanini bilganingda edi dardingni ham seva boshlarding degan so’zning hikmatini endi tushunib yetyapman chunki bu dunyoda yashashimiz, qilayotgan ishlarimizning ham asl maqsadi - iymon. Nimayki qilsak, nimayki o’rgansankan shu iymonni saqlab qolish, shu iymon bilan vafot etish uchun qilamiz.

Ishlarning tadbirini qiluvchi, barcha narsalarni hikmatini biluvchi Alloh bizlarni shu qadar sevganidan o’zi bu yo’lni oson qilib qo’ygan.

Bizni musulmon qilishi eng katta va buyuk ne’matlardandir, o’z holimizga tashlab qo’ymasligi undan ham buyuk ne’matdir. Alloh asrasin kofirlar kabi o’z holimizga tashlab qo’yilganimizda nima bo’lar edi.

Bu dunyoni imtihon qilib yaratdi hayot joriy bo’lishi uchun ham hammani boy yo’ki hammani kambag’al qilib qo’ymadi. Insonlar bir-biri bilan aloqada bo’lib turishlari Robbilarini unitib qo’ymasliklari uchun.

Agar bandalarga hamma ne’matlar cheksiz qilib berilganda o’zlarini Allohdan behojat deb o’ylab qolishlari mumkin edi.
نعوذ بالله من ذلك

Har bir narsa Allohning naqadar buyukligiga dalolat qiladi. Subhanalloh. Allohning har bir qilgan tadbirida oliy balig’ hikmat bor Alhamdulillah, Allohu akbar La havla vala quvvata illa billah

Barchangizga Ramazon oyi muborak bo’lsin. Ramazonni go’zal holda o’tqazish nasib qilsin.

Ustozimiz aytilarki Ramozonda taroveh o’qimaslik ramozon oyidagi eng buyuk mahrumlikdir. Allohim bizni mahrumlardan qilib qo’ymasin.

Bir shayx aytgandilar Qur’on nozil bo’lgan oydaki ya’ni Ramozonda hech bo’lmasa bir marotaba hatm qilmasa, yil bo’yi hatm qilishdan umid qilmay qo’yaversin deb.
Allohim bizlarni doimo Qur’on bilan birga bo’luvchilardan qilsin. Amiyn.

1.05.25
Benimle

Ayol kishi Ramazonda:

🪽Ro'za tutish ajri
🪽Uy ishlarini qilib, eriga hizmat qilish ajri
🪽Ro'zador oilasiga iftorlik qilib berish ajriga ega bo'ladi

Rasululloh alayhissalam aytdilar: "Kim bir ro'zadorga iftor qilib bersa, unga shu ro'zadorning mislidek ajr bo'lib, u ro'zadorning ham ajridan biror narsa noqis qilinmaydi!" (Buxoriy va Muslim rivoyati)

Demak, ayol kishiga har kuniga kamida 2 kun ro'za ajri yozilar ekan!


Benimle

🪽Har qanday odamlar tan oladigan jiddiy ishlarga qiyinchiliksiz, intizomsiz erishib bo’lmaydi.

🪽Harakat bilan natijani orasini yaqin deb o’ylash katta xato.

🪽Muommolar har doim sizni rivojlantiradi.


Benimle

Hikoya qilinishicha, bir yahudiy Nabiy ▫️ ning oldilariga kirib shunday dedi:

— Ey Muhammad, biz shaytonlarning vasvasasisiz, qalblarimiz xotirjam holatda ibodat qilamiz. Sening ashoblaringdan esa eshitdikki, ular vasvasa bilan namoz o‘qishar ekan.

Nabiy ▫️ Abu Bakr ▫️ ga qarab:

— Javob bering, — dedilar.

Abu Bakr ▫️ dedilar:

— Ey yahudiy, ikkita uy bor: biri oltin, kumush, dur, yoqut, nafis matolar bilan to‘la, ikkinchisi esa xaroba — unda zikr qilingan narsalarning hech biri yo‘q. O‘g‘ri nafis matolar bilan to‘ldirilgan uyni qasd qiladimi yoki xarobasini?

Yahudiy:

— Albatta, anashu narsalar bilan to‘ldirilgan uyni qasd qiladi, — dedi.

Abu Bakr Siddiq ▫️ dedilar:

— Qalblarimiz tavhid, ma’rifat, iymon, yaqin, taqvo, ihson va boshqa fazilatli sifatlar bilan to‘lgandir. Sizlarning qalblaringiz esa bu narsalardan xolidir. Shayton qanday qilib uni qasd qilsin?!

Shunda yahudiy iymon keltirdi va musulmon bo‘ldi.

Shundan kelib chiqadiki, shaytonning bizni vasvasa qilishi tabiiy holatdir.

“Tafsiru Ruhul Bayon” 5-juzidan (arabcha)

Buni o‘qir ekanman, Qur’on ustozimning gaplari yodimga tushdi:

“Turli xil vasvasalar bo‘lyaptimi? Chalg‘imang! Bundan mahzun ham bo‘lmang!

Qur’oni Karimda nima deyilgan:

الَّذِي يُوَسْوِسُ فِي صُدُورِ النَّاسِ مِنَ الْجِنَّةِ وَالنَّاسِ

(An-Nas, 5-6) oyatlar

Albatta, shaytonlar va ba’zi insonlar sizni qo‘ygan maqsadingizdan qaytarishga doimo harakat qilishadi. Vaholanki, siz yomon ishlar qilayotganingizda bunday bo‘lmasligi mumkin edi. Chunki ular sizni o‘zi bir holatda, o‘z holicha qolaversin deb, tek qo‘yishardi.

Shunday ekan, vasvasaga tushdingizmi? Allohdan tavfiq so‘rab, qo‘ygan yo‘lingizda mustahkam bo‘lib davom etavering!

Keyin esa vasvasa nima ekanligini ham yaxshi tushunib olish kerak.

“وسواس” so‘zi “yomon narsaga, yomon fikrga pichirlash” degan ma’noni anglatadi.

Shayton sizni sizga yoqqan yo‘llar bilan aldashga harakat qiladi. Qarang:

— “Qur’on o‘qib o‘tiribsan, boshqa fanlaring qolib ketadi”, — deydi.

Boshqa fandan shug‘ullanasiz:

— “Ikki rakat namoz o‘qisang bo‘lmaydimi?” — deydi.

Ikki rakat namozga kirishasiz:

— “Onangga tushib qarashsang bo‘lmaydimi?” — deydi.

Onangizga yordam berasiz:

— “Ertaga o‘qishga borasan, charchab qolishing mumkin, biroz dam olsang bo‘lmaydimi?” — deydi.

Dam olishga yotasiz va qarabsizki, hech narsaga ulgurmay qolasiz.

Buning yechimi:

— Ahamiyat bermaslik,
— Ko‘p duo qilish,
— Zam-zam suvi bo‘lsa, uni ichib yurish degandilar ustoz

Allohim, bizlarni O‘zi to‘g‘ri yo‘lda sobit turuvchilardan qilsin. Amiyn

18.03.24
Benimle

Qalblar kaliti 💞

Mo’min kishiga so’zlarning eng go’zalini so’zlash lozim bo’ladi. Alloh taolo Qur’oni karimda Rosululloh ▫️ ni hatto kofirlarga ham go’zal muomalada bo’lishga buyurgan. Endi Alloh taoloning suyuklilari bo’lmish mo’minlarga qanchalik hushmuomala bo’lishimiz kerak ekan-a!

So’z shunchalik ta’sirga egaki, hattoki dushmanni do’st, do’stni esa dushman qilib qo’yishi ham mumkin.

Fussilat surasi 34-oyatida Alloh taolo quyidagicha marhamat qiladi:

وَلَا تَسْتَوِي ٱلْحَسَنَةُ وَلَا ٱلسَّيِّئَةُ ٱدْفَعْ بِٱلَّتِى هِىَ أَحْسَنُ فَإِذَا ٱلَّذِى بَيْنَكَ وَبَيْنَهُۥ عَدَاوَةٌۭ كَأَنَّهُۥ وَلِىٌّۭ حَمِيمٌۭ

Ma’nosi:

“Yaxshilik bilan yomonlik teng bo‘lmaydi. Yomonlikni eng go‘zal tarzda daf et! Shunda (sen bilan) o‘rtasida adovat bo‘lgan kishi go‘yo yaqin do‘stga aylanib qoladi.”

Yana bir oyati karimada Alloh taolo mo’minlarga xitob qilib shunday deydi:

وَقُل لِّعِبَادِى يَقُولُوا۟ ٱلَّتِى هِىَ أَحْسَنُ إِنَّ ٱلشَّيْطَٰنَ يَنزَغُ بَيْنَهُمْ إِنَّ ٱلشَّيْطَٰنَ كَانَ لِلْإِنسَٰنِ عَدُوًّۭا مُّبِينًۭا

Ma’nosi:

“Bandalarimga ayting: ular (odamlarga) eng go’zal so’zlarni aytsinlar. Albatta, shayton ularning orasini buzib turadi. Albatta, shayton inson uchun ochiq-oydin dushmandir.”
(Isro surasi, 53-oyat)

Ha, bugungi kunda ko’p guvoh bo’layotganimiz ham shu. Bir so’z ortidan oilalar, jamiyatlar buzilib ketyapti. Musulmonlarga esa birlashish yarashadi, ajralish emas!

Shu oyatlarni tafakkur qilar ekanman yaqinlarimizga qanday murojatlar bilan yuzlanishimiz kerak ekanligi o’ylantirib qoldi shu payt Ahmad Shamsiy Poshshoning
عندما يحلو المساء
kitoblaridagi quyidagi satrlar birdan yodimga tushdi…

Qanday go’zal holat: bola onasining qo‘lini o‘pib:
“Robbim, sizni biz uchun asrasin, onajon!” – deb aytishi.

Va yana naqadar go‘zal: ota har doim o‘g‘illariga:
“Allohim sizlardan rozi bo‘lsin va dunyo-yu oxiratda sizlarni baxtli qilsin!” – deb duo qilishi.

Va naqadar chiroyli: ayol erini ishdan kutib olib, tabassum bilan:
“Allohim, sizni bizdan mahrum qilmasin! Uy sizsiz qorong‘udir, siz bizning yoritguvchi chirog‘imizsiz!” – deya aytishi.

Va naqadar yoqimli: ayol erini erta tongda kuzatayotganida:
“Bizni haromdan taomlantirmang, biz bunga toqat qila olmaymiz.” – deb iltijo qilishi.

Va naqadar ziynatlidir: aka singlisiga yuzlanib:
“Siz bizning uyimiz guli va go‘zal iforisiz.” – deb aytishi.

Go‘zal so‘zlar, shunday emasmi? Biz shunday so‘zlarni o‘zimizga aytilishini xohlamaymizmi? Va barchamiz shunday go‘zal so‘zlarni seviklilarimizga aytishni istamaymizmi?

Lekin nega biz ularni eshitmaymiz va aytmaymiz? Nega faqat nodir holatlarda bunday so‘zlarni ishlatamiz?

Buning asosiy sababi – odat.

Bizning tillarimiz qo‘pol so‘zlarga odatlanib qoldi. Inson odatlangan narsasini oson qabul qiladi, odatlanmagan narsalari esa unga og‘ir tuyuladi. Shuning uchun bu go‘zal so‘zlarni aytish bizga juda qiyin bo‘lib qoldi.

Aslida, Islom bizni shunday go‘zal so‘zlar aytishga chaqirmaganmidi? Ammo biz uzoqlashib ketdik va qo’pol so‘zlarga odatlanib qoldik.

Bu holatda davom etmasligimiz kerak, deb o‘ylayman…

Allohim, barchamizni go‘zal va haq so‘zlovchilardan qilsin! Amiyn.


23.03.24
Benimle

Albatta eshitib ko’ring 🌷

To’liq: https://youtu.be/tvb1iNzqaLg?si=QTW8kegaJbcyJwbL

Benimle

Otamning nasihatlaridan

Qizim, dunyoning arzimas matohlari sizni ajablantirmasin. Doimo bu borada nafsingizni va ko‘zingizni to‘q tuting. Dunyo shu qadar arzimaski, sizning nurli qalbingizga kirishga yaramaydi.

Qasos surasi 79-oyatini eslaysizmi? Alloh taolo nima deb marhamat qildi:

وَخَرَجَ عَلَىٰ قَوْمِهِۦ فِى زِينَتِهِۦ ۖ قَالَ ٱلَّذِينَ يُرِيدُونَ ٱلْحَيَوٰةَ ٱلدُّنْيَا يَـٰلَيْتَ لَنَا مِثْلَ مَآ أُوتِىَ قَـٰرُونُ إِنَّهُۥ لَذُو حَظٍّ عَظِيمٍ

U (Qorun) o‘z qavmining oldiga ziynati bilan chiqqanida, dunyo hayotini istaganlar: «Eh, bizga ham Qorunga berilganidek (boylik) berilganda edi! Albatta, u juda katta nasiba sohibidir», — dedilar.

Qarang, oyati karimada “dunyo hayotini istaydiganlar” deb sifat berilyapti. Demak, boylik faqatgina dunyo hayotining ziynatidir. Agar u zarra miqdor qadrli bo‘lganida edi, Alloh taolo kofirlarni uning yaqiniga ham yo‘latmas edi. Xuddi jannatga kira olmaganliklari kabi. Oyati karimaning davomida haqiqiy ilm egalari haqida bunday deyilgan:

وَقَالَ ٱلَّذِينَ أُوتُوا۟ ٱلْعِلْمَ وَيْلَكُمْ ثَوَابُ ٱللَّهِ خَيْرٌۭ لِّمَنْ ءَامَنَ وَعَمِلَ صَـٰلِحًۭا وَلَا يُلَقَّىٰهَآ إِلَّا ٱلصَّـٰبِرُونَ

Ilm ato etilgan kishilar esa (ularga): «Sizlar uchun afsus! Imon keltirib, solih amallar qilgan kishilar uchun Allohning mukofoti yaxshidir. Uni faqat sabr qiluvchilargina topa olurlar», — dedilar.

Ha, haqiqatdan ham shunday va Allohning va’dasi haqdir. Ilm egalari Qorunning – kalitlarini ko‘tarish qudratli jamoaga ham og‘irlik qiladigan – mol-dunyosiga zarra miqdor ham qiymat bermadilar. Siz bu dunyodagi eng zo‘r narsalarni jamlasangiz ham, ular Qorunning mol-dunyosi oldida naqadar oz ekanini ko‘rasiz. Endi shu narsalar sizni chindan ham ajablantira oladimi?

— Yo‘q, albatta, to‘g‘rimi, qizim?!

— Ha, otajon.

— Qorunning mol-mulki bunchalik ko‘pligi haqida biz qayerdan bildik, ona qizim?

— Qasos surasining 76-oyatidan. Alloh taolo unda quyidagicha marhamat qilgan edi:

إِنَّ قَـٰرُونَ كَانَ مِن قَوْمِ مُوسَىٰ فَبَغَىٰ عَلَيْهِمْ ۖ وَءَاتَيْنَـٰهُ مِنَ ٱلْكُنُوزِ مَآ إِنَّ مَفَاتِحَهُۥ لَتَنُوءُ بِٱلْعُصْبَةِ أُو۟لِى ٱلْقُوَّةِ إِذْ قَالَ لَهُۥ قَوْمُهُۥ لَا تَفْرَحْ إِنَّ ٱللَّهَ لَا يُحِبُّ ٱلْفَرِحِينَ

Darhaqiqat, Qorun Muso qavmidan edi. Bas, u (o‘z qavmiga) nisbatan zulm qildi. Biz unga shunday xazinalarni bergan edikki, hatto uning kalitlarini (ko‘tarish) qudratli jamoaga ham og‘irlik qilardi. (O‘shanda) uning qavmi unga dedi: «Xursand bo‘lishing bilan o‘zingni yo‘qotma! Albatta, Alloh maqtanchoq kimsalarni yoqtirmaydi».

— Xuddi shunday. Agar bu haqida gaplashsak, uzoq gaplashamiz, bilasiz-a, qizim?! Ammo xulosamiz shu: hashamatli uylar ham, qimmatbaho mashinalar ham bizni ajablantirmaydi. Qanday uy, qanday mashina bo‘lishidan qat’i nazar, agar unda Allohning roziligini istab yashasak, mazmunli hayot topaveramiz.

Ammo ilmda himmatingizni baland qo‘yavering! Alloh banda qancha harakat va xokisorlik qilsa, unga shuncha cheksiz ilm beraveradi. Siz atrofingizdagilardan emas, olimlarning hayotidan o‘rnak oling, ularga o‘xshashga harakat qiling. Bu dunyodagi eng qimmatli narsa Qur’ondir, chunki uni Alloh taolo xos bandalariga beradi. Fotir surasi 32-oyatda Haq subhanahu va taolo shunday marhamat qiladi:

ثُمَّ أَوْرَثْنَا ٱلْكِتَـٰبَ ٱلَّذِينَ ٱصْطَفَيْنَا مِنْ عِبَادِنَا فَمِنْهُمْ ظَالِمٌۭ لِّنَفْسِهِۦ وَمِنْهُم مُّقْتَصِدٌۭ وَمِنْهُمْ سَابِقٌۭ بِٱلْخَيْرَٰتِ بِإِذْنِ ٱللَّهِ ۚ ذَٰلِكَ هُوَ ٱلْفَضْلُ ٱلْكَبِيرُ

So‘ngra, Biz tanlab olgan bandalarimizga (ushbu) Kitobni meros qildik. Bas, ulardan ba’zilari o‘z nafsiga zulm qiluvchi, ba’zilari o‘rtamiyona yo‘lda bo‘luvchi, yana ba’zilari Allohning izni bilan ezgu ishlarda peshqadam bo‘luvchilardir. Ana o‘sha (peshqadamlik) ulug‘ fazilatdir.

Xo‘sh, bu ulug‘ fazl ekanligini bildik. Endi nima qilishimiz kerak?
Alloh bizga bermagan deb hech nima qilmay o‘tirishimiz kerakmi?

— Yo‘q, albatta!

مَنْ جَدَّ وَجَدَ
Kim tirishqoqlik bilan harakat qilsa, albatta topadi!

🫧Davomi 🫧

27.03.25
Toshkent, Uzbekiston.
Esta qolarli damlar qayd ila saqlab qolinadi… 💞

Benimle