Gaplashish so’zlarning ovozga qorishishi, xolos. Dildan suhbat esa kalimalarning ko’ngilga yetib borishidir.


Benimle

Voiz, xitobing-la ilm nurin soch
Hamda amalga ham topgin bir iloj!
Bechora ignaning holiga tushma -
Kiyimni butlaru, o’zi yalang’och…

Xayrulla Hamidov


Benimle

Banda shu to’rt holatdan birida bo’ladi u uchun beshinchisi bo’lmaydi: ne’mat, balolanish, ma’siyat, toat. Agar ne’matda bo’lsang sening holating taqozo qilgan narsa shukrdir, agar balolanishda bo’lsang sendan kutilgan narsa sabrdir, agarda ma’siyatda bo’lsang senga lozim bo’ladigan narsa istig’fordir, agar sen itoatda bo’lsang Undan senga ko‘rsatilgan fazl va iltifotni anglash kerak bo’ladi…


#tarjima
Benimle

Bandaning hidoyatda bo’lishi va yomonliklardan tiyilishda sobit bo’lishining yagona yo’li Allohdan usha narsalar (hidoyat va yomonlikdan tiyilish ne’mati) zavol topmasligini yolvorib so’lashlik va shukr qilishlik bilangina bo’ladi.

Ibrohim surasi, 7-oyatida Alloh quydagicha marhamat qiladi:

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ

«Va Robbingiz sizga : “Agar shukur qilsangiz, albatta, sizlarga (ne’matni) ziyoda qilurman. Agar noshukrlik qilsangiz, bas, mening azobim, albatta, og‘irdir.”» deb bildirganini eslang.


Benimle

Agar Alloh bandani sevsa, uning basirat ko‘zini nurli qilib qo‘yadi. Basirat ko‘zi esa faqatgina qayg‘u bilan nurlanadi. Banda g‘am-g‘ussali holatda bo‘larkan, barcha narsalarning haqiqati unga ko‘rina boshlaydi: nafsining asl haqiqatini anglaydi, qalbining holatini ko‘radi, birodarlarini va ahlini chin ma’noda taniy boshlaydi. Eng muhimi – dunyoning haqiqatini, uning asl yuzini ko‘radi. Shunda ruhi uyg‘onadi, basirat ko‘zi ochiladi. U oldidan o‘tgan narsalarning go‘zalligini ham, to‘satdan kelgan ne’matlarning qadrini ham tushuna boshlaydi. Ruhi Alloh bilan bog‘lanadi va u har qachongidan ham ko‘ra Allohga yaqinlashadi.

Alloh taolo bandasining har bir zarra qayg‘usi evaziga, uning nafsida basiratini yorituvchi nur paydo qiladi. Shu nur orqali banda narsalarning asl haqiqatini ko‘radi – dunyo qanchalik go‘zal ko‘rinsa ham, uning arzimas ekanligini chuqur anglab yetadi.


#tarjima
Benimle

Choyim lekin u qadar ham shirin emas edi oddiy qora achchiq choy rasmda chiroyli ko’rinib ketgan shekil bir xo’plam ham icha olmadim to’kilib ketdi 😬

Cho’pon qo’ylar sonin bilgani yaxshi,
Minbarda olimlar bo’lgani yaxshi.
Bog’bonga yarashmas xofizlik xullas,
Hamma o’z ishini qilgani yaxshi!

Xayrulla Hamidov


Benimle

Baxtli Tana, Baxtli Miya

“Agar kayfiyatingiz yomon bo‘lsa, sayrga chiqing. Agar kayfiyatingiz hanuz yomon bo‘lsa, yana sayrga chiqing.”
— Gippokrat

Hech kimga sir emas. Barchamiz jismoniy mashqlar bilan shug‘ullanishimiz kerakligini bilamiz. Biz mashqlar vazn nazoratida, mushaklar va suyaklarni mustahkamlashda, kasallik xavfini kamaytirishda, o‘z-o‘ziga ishonchni oshirishda va hayotga bo‘lgan ijobiy munosabatni shakllantirishda foydali ekanini bilamiz. Bu foydalar endi hech kimga yangilik emas.

Ammo ommaviy axborot vositalarida kam muhokama qilinadigan jihat shuki, jismoniy mashq miyani qayta ulab, uni yuqori darajadagi fikrlash uchun qayta tashkil qiladi. Ko‘pchilik jismoniy mashqlarning fikrlash, xulq, qaror qabul qilish va boshqalar bilan qanday aloqasi borligi haqida o‘ylamaydi.

Ilm-fan tanamizga bo‘lgan yondashuvimizda inqilob yasadi — xususan, miyamizga. Bizning miyamiz tirik qolish uchun harakatda bo‘lishga muhtoj. Shu bobda harakatda qolishning sog‘lomlik va baxt uchun asab tizimini qanday saqlab qolishi tushuntiriladi. Jismoniy faollik, xuddi uyqu va ovqatlanish kabi, miyani tozalovchi “Brain Wash” dasturining muhim qismidir, chunki u DNK ifodasini bevosita boshqarib, miyamizdagi qaror qabul qilish markazi — prefrontal korteks bilan bog‘lanishni tiklaydi.

Ming yillar davomida harakat va jismoniy faollik hayotning ajralmas, zaruriy qismlari edi. Odamlar omon qolish uchun harakat qilishga majbur edi — ov qilish, yig‘ish, yurish. Bizning miyamiz rivojlangan sari harakat ichki ehtiyojga aylandi. Biz resurslar va omon qolish imkoniyatlari uchun boshqa odamlar bilan raqobatlasha boshladik.

Ijtimoiy olimlar shunday xulosaga kelishdiki: miya faolligi bilan ijtimoiy aloqalarga kirishish, murakkab jamiyatlar barpo qilish, muloqotda bo‘lish, ijodkorlik bilan fikrlash o‘rtasida bevosita aloqa bor. Antropologlar o‘tkazgan tadqiqotlar shuni ko‘rsatadiki, jismonan faol bo‘lgan hayvonlar — xususan, yirik guruhlarda yashovchi, ko‘p harakat qiladigan hayvonlar — eng rivojlangan miya hajmiga ega bo‘ladi.

Bu hayvonlar BDNF (Brain-Derived Neurotrophic Factor — miya o‘sishini ta’minlovchi oqsil) kabi moddalarni ko‘proq ishlab chiqaradi va ularning sog‘lig‘i sezilarli darajada yaxshilanadi. Tadqiqotlar shuni ko‘rsatadiki, harakat qilish — murakkab va yuqori darajadagi kognitiv qobiliyatlar bilan chambarchas bog‘liq.

Bizning juda murakkab va ayniqsa katta prefrontal korteksimiz — bu bizning aql-zakovatlilik va yuqori samaradorlikka qodir bo‘lishimizni ta’minlaydigan miyaning qismidir — aynan jismoniy harakatlar bilan rivojlangan. Biz bu qobiliyatlarni harakat evaziga qo‘lga kiritganmiz.

Bu esa savol tug‘diradi: Agar endi biz jismoniy faol bo‘lmasak, nima bo‘ladi?
Biz o‘z miyamizning asl funksiyalaridan uzoqlashamiz. Harakatsiz yashash natijasida prefrontal korteks sustlashadi, odamlar o‘zini boshqarolmaydigan, xavotirli va tushkun bo‘lib qoladi aynan zamonaviy jamiyatda keng tarqalgan muammoyimiz manashu jihatga e’tibor bermasligimizdan kelib chiqmoqda

Brain Wash kitobidan

Benimle

Sabr juda nozik, ammo kuchli iroda talab qiladigan amal. Azmu qarorli bo’lish degani. Bo’lib o’tganlarni qabul qilish endi bo’ladiganlarga esa tayyorgarlik ko’rishdir. Shunchaki oh fig’on qilish emas.


Benimle