Tezroq katta bo‘ling va muammolarga real yondoshing.

Nega unday deyotganimga qiziqyapsiz, to‘g‘rimi? Qiziqish yaxshi narsa. Keling, unda bu borada bafurja gaplashamiz.

Tezroq katta bo‘ling dedim, bunda yosh jihatdan katta bo‘lishni nazarda tutmadim, fikriy yuksalishni aytmoqchi bo‘ldim. Albatta, buni sezdingiz. Inson yoshi katta bo‘lgani sari hayotdagi muammolarga real qarashni, arzimagan narsalarga asabiylashmaslikni o‘rganadi. Aslida, bu hammaga kerakli bo‘lgan narsa.

Biz doimo hayotda qochib yuradigan og‘riq tushunchasini hech o‘ylab ko‘rganmisiz? Aslida, biz haqiqatda undan qochishimiz kerakmi yoki yo‘q? Menimcha, yo‘q. Biz undan qochishimiz emas, balki unga real yondosha olishimiz kerak.

Og‘riq ikki turga bo‘linadi: jismoniy va ruhiy. Ikkisining ham o‘ziga yarasha foydalari va hikmatlari bor.

Jismoniy og‘riqlardan boshlasak, agar siz uni sezmasangiz, stolga behosdan oyog‘ingiz urilaverib, natijada oyog‘ingiz momataloq bo‘lib ketay deydi yoki ba’zi kasalliklarning oldini olmay o‘tkazib yuborsangiz, butunlay halokatga yuz tutasiz.

Ruhiy og‘riq ham bundan unchalik katta farq qilmaydi. Xiyonat og‘rig‘ini his qilmasangiz, to‘g‘ri kelgan insonlar bilan do‘stlashib, vaqtingizni bekorga sovurib yuborasiz. Bu og‘riq undan ham muhimroq jihatni bizga o‘rgatadi – Robbimizga yanada yaqinroq bo‘lishni. Chunki insonlar juda zaif. Qanchalik mukammal tarzda ularga yondoshsangiz ham, baribir pand beradi, bu esa ruhiy zo‘riqishga olib boradi. Robbimiz Oliy Zotdir, Unga yuzlansak, faqat va faqat yuksalamiz.

Bularni tafakkur qilar ekanmiz, Robbimiz barcha narsani naqadar hikmat bilan yaratganini anglaymiz. Men ba’zi hikmatlarini aytdim, aslida ularni sanasam, bugun o‘tadiki, lekin postim tugamaydi.

Aqliy mehnat kishilari bularni oldinroq anglashlari, katta yoshni kutmasliklari lozim bo‘ladi. Aks holda, arzimagan narsalar bilan miyalarini band qilib, o‘zlarining asl maqsadlariga e’tibor qaratolmay qoladilar. Olimlar aniqlashicha, mayda narsalarga asabiylashaveradigan kishilarning maqsad yo‘lidagi unumdorligi kam bo‘lar ekan.

Nega aynan katta bo‘lishga cheklab qo‘ydingiz, deb o‘ylayotgandirsiz. To‘g‘ri aytasiz, buni ba’zilar erta anglab yetadi. Lekin kattalarda bu tabiiy jarayon bo‘lib, anglashga urinmasalar ham hayotdagi muammolar ularni shunday bo‘lishga majbur qilib qo‘yadi.

Siz majbur qilinmasdan oldin o‘zingizni majburlang-da, ahamiyatsiz narsalar bilan emas, ahamiyatli narsalar bilan mashg‘ul bo‘ling.

Bir tanishim aytgandi:
“Hatto kimlar bilan umringni oxirigacha hech qanday manfaatlarsiz ham do‘st bo‘la olasan, shularni ham yozib qo‘y, keyin seni miyangni band qilib yurmasin.”

Ustozimiz aytgandilar:
“Alloh maxluqotlarni buyuk intizomda yaratgan. Biz ham Uning borlig‘iga kiramiz, demak intizomsiz hech narsaga erisha olmaymiz.”

Bo‘layotgan ishlarga real qarash va buyuk intizom – muvaffaqiyatning asl kaliti.

Oladigan xulosamiz shuki, hayotda hammada qiyinchiliklar bo‘ladi. Qiyinchiliklarsiz biz rohatning asl ta’mini tushunmaymiz, zotan bu imtihon dunyosi – sinovdan o‘tish uchun qiyinchiliklarga go‘zal sabr qilish va ne’matlarning shukrini ado etishimiz kerak bo‘ladi. Nolib o‘tirish hech qanday natija bermaydi. Tushing!

Alloh taolo Qur’oni karimda bu dunyo sinov dunyosi ekanligi borasida quydagicha marhamat qilgan:

Baqara surasi, 155-oyat:

وَلَنَبْلُوَنَّكُم بِشَىْءٍۢ مِّنَ ٱلْخَوْفِ وَٱلْجُوعِ وَنَقْصٍۢ مِّنَ ٱلْأَمْوَٰلِ وَٱلْأَنفُسِ وَٱلثَّمَرَٰتِ ۗ وَبَشِّرِ ٱلصَّٰبِرِينَ

“Albatta, Biz sizlarni bir oz qo‘rquv, ochlik va molu-jon hamda hosildan kamaytirish bilan sinaymiz. (Ey Muhammad,) sabr qiluvchilarni xushxabar bering!”

Shukr borasida Ibrohim surasi, 7-oyatida shunday marhamat qiladi:

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِى لَشَدِيدٌ

“Robbingiz shunday e’lon qildi: «Agar shukr qilsangiz, albatta, (ne’matimni) sizlarga ziyoda qilaman. Agar kufr qilsangiz, albatta, azobim qattiqdir».”

Allohim barchamizni buyuk ishlarga himmatli va uni bajaruvchilardan qilsin Amiyn

#birfinjon qahva ustida
31.03.25
Toshkent, O’zbekiston.
Benimle

Qiz bola nega murattab qoriya bo’lishi kerak, nega ilm o’rganishi kerak deydiganlarga ajablanaman, qiz bola qoriya, olima bo’lsa jamiyatga qanday foydalari bolishini hech o’ylab ko’rishmasmikin ?!
Oilasini islomiy ruhda shakillanishiga bolalarni yoshligidan shu muhitda kotta qilishga sabab bo’ladigan ayol kishi emasmi? Ayol kishi qoriya bo’lsa butun kunini yoddan qur’on tilovati bilan o’tiqazadi buning nimasi yomon? Axir bunday honadonda baraka tinchlik sakinat bo’ladi-ku, Ustida Qur’on tilovati qilinib tayyorlangan taomni yeyuvchi insonlardan yomon inson chiqishi mumkinmi aslo chiqmaydi Allohning izni bilan…
Ilm borasida ham hudda shunday ustozlarimiz aytganlaridek haqiqatta ilmli ayol barchani hurmat qiladigan go’zal xulq sohibasi bo’ladi Dinda shariatda barcha musulmon bilishi kerak narsalardan habardor bo’ladi halol haromni aralashtirmaydi barcha xususda insonlarni haqqidan Allohni haqqidan qo’rqadi va yaqinlarini ham shu narsaga undaydi… buning ham hech qanday yomon joyi yo’qku!!!

Bularni fazilatini agar bittalab sanaydigan bo’lsak vaqt ham yetmaydi… Bularni nega aytapman, dinga g’arazli kimsalar ayollarimizni o’zlarining yolg’on da’volari bilan ilm olishdan to’sishmasin!!! Unitmaylikki Xoliqiga vafosi bo’lmagan kimsaning hech qachon maxluqotga safosi bo’lmaydi

Bintu Islomiddin

المرء بأصغريه ثم بأكبريه ثم بخصلتيه ثم
بأنوريه

Insonning insonligi u ikki kichik narsa bilan, so’ng u ikki katta narsa bilan, so’ng u ikki hislat bilan, so’ng u ikki nur bilan bo’ladi

Ikki kichik narsadan murod qalb bilan til
Ikki katta narsa aql va amal
Ikki hislat esa xilqati va xulqi
Ikki nur esa tavhidi va ma’rifati ekan


Benimle

Ustozim har doim menga nima o’rgansangiz ham o’zingizga qiziqarli qilib olib o’rganing shunda har u ishga kirishganingizda muhabbatingiz oshib boraveradi keyin esa u ishdan sizni zerikish qo’rqitolmaydi. Oshiq odam zerikish hissini tuymaydi deydilar…

#ustozimdan
Benimle

Dangasalik, uzoq hayol surish, ko’p serial ko’rish bir narsaga erishdim deb cheklanib qolish ilmdan mahrum bo’lishning eng katta sabablaridandir. Tolibi ilmning hozirgi paytdagi eng asosiy vazifasi ilm talab qilish. Tolibi ilmmi tolibi ilmligini qilsin.

Biz paytda ba’zi talabalar bo’lar edi hali u o’rtog’i bilan hali bu o’rtog’i bilan aylangani borib kelib yurar edi, ular hozir ham shu ahvol u yer bu yerga borish bilan ovoralar lekin usha paytda jiddi-jahd qilgan ilm uchun o’yin - kulgudan, ortoqlari bilan chaqchalashishdan voz kechgan talabalar mana hozir murattab qorialar, ustozalar bo’lishdi

Har bir holatning, har bir vaziyatning qilinishi kerak bo’lgan vazifasi bor agar hozir qilmasangiz ertaga afsus nadomat chekishning foydasi yo’q…

#ustozimdan (Ma’haddagi qur’on ustozamizdan)


Benimle

Ma’hadda o’zimizni bayramni tugatib madrasadegi bayrammiyam tugatib vanihoyat uyga qaytvommiz 🙃