Kishi talab qilayotgan narsasi nima ekanligini bilsa sarf qilayotgan narsasi arzimas bo’lib qoladi.


Benimle

Ey Sahobiyya !

Go’zallik, mol, mansab saqlanishi kerak bo’lgan ne’matlardandir.
Go’zallik uni yashirish, sohibidan boshqasiga ko’rsatmaslik bilan saqlanadi.
Mol hamd va faqrlarga yordam qo’lini cho’zishlik bilan saqlanadi.
Mansab esa insonlarga xizmat qilishlik bilan saqlanadi

Saqlagingi Alloh senga rizq qilib bergan ne’matlar sendan zoye bo’lib ketmasin!


Benimle

Qalbi kir kimsalar yasharlar g’amda,
Quyoshdan dog’ İzlab, ko’zlarin yopar.
Qalbi sof kimsalar tun cho’kkan damda
Oyning dog’idan ham fazilat topar.

Xayrulla Hamidov


Benimle

Kimki Absheronni* sevsa uning shamollarini ham yaxshi ko’rsin

Mutolaa davomida shu jumla meni e’tiborimni tortdi. Bu faqatgina Absheronga tegishli emas. Hamma muhabbatlarga mos tushadigan umumiy qoidadir. Chunki inson bir narsani haqiqatda yaxshi ko’radigan bo’lsa uni kamchiliklari, unga yetib borish yo’lidagi qiyinchiliklari bilan sevadi. Muhabbatni haqiqiy yo’ki haqiqiy emasligini shu bilan ham aniqlash mumkin. Bir narsani yaxshi ko’raman deyilsayu u uchun chekilishi kerak bo’lgan zahmatlar og’ir keladigan bo’lsa bu yo’lg’on da’voni iddoa qilishdan ehtiyot bo’lish kerak. Chunki sevgan sevgisiga muvofiq amal qiladi.

Qu’ron yodlashni, ilm o’rganishni sevaman deyilsayu ertalabgacha uxlansa, ustoz tomonidan berilgan vazifalarni to’liq, ustozi aytganidek bajarilmasa yaxshi ko’raman deyishga uyalish kerak bo’ladi…

Chindan ham yaxshi ko’rsang da’voyingga muvofiq amal qil yaxshilab o’qi!

Ilm zahmatdir. Ilmni sevaman desang uni zahmatlari bilan qo’shib sev

* Absheron Ozorbayjonning janubiy hududida joylashgan Kaspiy dengizning g’arbiy sohilidagi
yarimorol nomi

#kendimenot
27.11.24
Benimle

Bandada dinning haqiqati, halovati va quvvatini paydo qiluvchi vositalar ichida eng asosiy vosita solihlarning suhbatidir.

Ashraf Ali Tahanoviy

Benimle

Maqolacha yozgan edim ma’hadni kanalida chiqquncha sizlar ham o’qib ko’ringlar foydali bo’lib qolar.

Tezroq katta bo‘ling va muammolarga real yondoshing.

Nega unday deyotganimga qiziqyapsiz, to‘g‘rimi? Qiziqish yaxshi narsa. Keling, unda bu borada bafurja gaplashamiz.

Tezroq katta bo‘ling dedim, bunda yosh jihatdan katta bo‘lishni nazarda tutmadim, fikriy yuksalishni aytmoqchi bo‘ldim. Albatta, buni sezdingiz. Inson yoshi katta bo‘lgani sari hayotdagi muammolarga real qarashni, arzimagan narsalarga asabiylashmaslikni o‘rganadi. Aslida, bu hammaga kerakli bo‘lgan narsa.

Biz doimo hayotda qochib yuradigan og‘riq tushunchasini hech o‘ylab ko‘rganmisiz? Aslida, biz haqiqatda undan qochishimiz kerakmi yoki yo‘q? Menimcha, yo‘q. Biz undan qochishimiz emas, balki unga real yondosha olishimiz kerak.

Og‘riq ikki turga bo‘linadi: jismoniy va ruhiy. Ikkisining ham o‘ziga yarasha foydalari va hikmatlari bor.

Jismoniy og‘riqlardan boshlasak, agar siz uni sezmasangiz, stolga behosdan oyog‘ingiz urilaverib, natijada oyog‘ingiz momataloq bo‘lib ketay deydi yoki ba’zi kasalliklarning oldini olmay o‘tkazib yuborsangiz, butunlay halokatga yuz tutasiz.

Ruhiy og‘riq ham bundan unchalik katta farq qilmaydi. Xiyonat og‘rig‘ini his qilmasangiz, to‘g‘ri kelgan insonlar bilan do‘stlashib, vaqtingizni bekorga sovurib yuborasiz. Bu og‘riq undan ham muhimroq jihatni bizga o‘rgatadi – Robbimizga yanada yaqinroq bo‘lishni. Chunki insonlar juda zaif. Qanchalik mukammal tarzda ularga yondoshsangiz ham, baribir pand beradi, bu esa ruhiy zo‘riqishga olib boradi. Robbimiz Oliy Zotdir, Unga yuzlansak, faqat va faqat yuksalamiz.

Bularni tafakkur qilar ekanmiz, Robbimiz barcha narsani naqadar hikmat bilan yaratganini anglaymiz. Men ba’zi hikmatlarini aytdim, aslida ularni sanasam, bugun o‘tadiki, lekin postim tugamaydi.

Aqliy mehnat kishilari bularni oldinroq anglashlari, katta yoshni kutmasliklari lozim bo‘ladi. Aks holda, arzimagan narsalar bilan miyalarini band qilib, o‘zlarining asl maqsadlariga e’tibor qaratolmay qoladilar. Olimlar aniqlashicha, mayda narsalarga asabiylashaveradigan kishilarning maqsad yo‘lidagi unumdorligi kam bo‘lar ekan.

Nega aynan katta bo‘lishga cheklab qo‘ydingiz, deb o‘ylayotgandirsiz. To‘g‘ri aytasiz, buni ba’zilar erta anglab yetadi. Lekin kattalarda bu tabiiy jarayon bo‘lib, anglashga urinmasalar ham hayotdagi muammolar ularni shunday bo‘lishga majbur qilib qo‘yadi.

Siz majbur qilinmasdan oldin o‘zingizni majburlang-da, ahamiyatsiz narsalar bilan emas, ahamiyatli narsalar bilan mashg‘ul bo‘ling.

Bir tanishim aytgandi:
“Hatto kimlar bilan umringni oxirigacha hech qanday manfaatlarsiz ham do‘st bo‘la olasan, shularni ham yozib qo‘y, keyin seni miyangni band qilib yurmasin.”

Ustozimiz aytgandilar:
“Alloh maxluqotlarni buyuk intizomda yaratgan. Biz ham Uning borlig‘iga kiramiz, demak intizomsiz hech narsaga erisha olmaymiz.”

Bo‘layotgan ishlarga real qarash va buyuk intizom – muvaffaqiyatning asl kaliti.

Oladigan xulosamiz shuki, hayotda hammada qiyinchiliklar bo‘ladi. Qiyinchiliklarsiz biz rohatning asl ta’mini tushunmaymiz, zotan bu imtihon dunyosi – sinovdan o‘tish uchun qiyinchiliklarga go‘zal sabr qilish va ne’matlarning shukrini ado etishimiz kerak bo‘ladi. Nolib o‘tirish hech qanday natija bermaydi. Tushing!

Alloh taolo Qur’oni karimda bu dunyo sinov dunyosi ekanligi borasida quydagicha marhamat qilgan:

Baqara surasi, 155-oyat:

وَلَنَبْلُوَنَّكُم بِشَىْءٍۢ مِّنَ ٱلْخَوْفِ وَٱلْجُوعِ وَنَقْصٍۢ مِّنَ ٱلْأَمْوَٰلِ وَٱلْأَنفُسِ وَٱلثَّمَرَٰتِ ۗ وَبَشِّرِ ٱلصَّٰبِرِينَ

“Albatta, Biz sizlarni bir oz qo‘rquv, ochlik va molu-jon hamda hosildan kamaytirish bilan sinaymiz. (Ey Muhammad,) sabr qiluvchilarni xushxabar bering!”

Shukr borasida Ibrohim surasi, 7-oyatida shunday marhamat qiladi:

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِى لَشَدِيدٌ

“Robbingiz shunday e’lon qildi: «Agar shukr qilsangiz, albatta, (ne’matimni) sizlarga ziyoda qilaman. Agar kufr qilsangiz, albatta, azobim qattiqdir».”

Allohim barchamizni buyuk ishlarga himmatli va uni bajaruvchilardan qilsin Amiyn

#birfinjon qahva ustida
31.03.25
Toshkent, O’zbekiston.
Benimle

Sevimli postlarimdan

Yengi postlar ham tayyorlashni boshladim inshaAlloh nasib qilsa ulashib boraman

Har bir ketgan vaqting xazinangdan bir parchadir uni nimaga sarf qilayotganingga yaxshilab boq, sendan ketdimi to qiyomatgacha boshqa senga qaytib kelmaydi shuni yodingda tut!


Benimle

Yozning hosiliga qishday sovuq kunlarni o’tqazganingdan keyin, maqsadlaringga qattiq ijtihodlardan so’nggina yetasan.


Benimle