Mahorat darsida davlat xaridlari tizimini modernizatsiya qilish, ekologik barqarorlikni ta’minlash hamda “yashil iqtisodiyot”ga o‘tishni jadallashtirishga qaratilgan ilmiy-amaliy yondashuvlar muhokama qilindi.

Toshkent shahar G‘aznachilik xizmati boshqarmasining “Yuridik majburiyatlarni ro‘yxatga olish bo‘limi” boshlig‘i Oybek Fayzimatov davlat xaridlarida huquqiy majburiyatlarni ro‘yxatga olish mexanizmlari, shaffoflik va hisobdorlikni ta’minlash masalalariga to‘xtalib, yashil xaridlar budjet mablag‘laridan samarali foydalanishning muhim instrumenti ekanini ta’kidladi.

Shuningdek, Iqtisodiyot va moliya vazirligi huzuridagi O‘quv markazi katta o‘qituvchilari Sanjar Boltayev va Bahodir Muhammad tomonidan xalqaro tajriba asosida ekologik standartlarni tender jarayonlariga integratsiya qilish, barqaror rivojlanishni davlat xaridlari orqali qo‘llab-quvvatlash masalalari yoritildi.

Mutaxassislar fikricha, yashil davlat xaridlari atrof-muhitga ta’sirni kamaytirish, milliy ishlab chiqaruvchilarni ekologik texnologiyalarga o‘tishga rag‘batlantirish va davlat xarajatlari samaradorligini oshirishga xizmat qiladi.

Tadbir davomida amaliy keyslar muhokama qilinib, normativ-huquqiy bazani takomillashtirish, kadrlar salohiyatini oshirish va axborot tizimlarini modernizatsiya qilish bo‘yicha takliflar ishlab chiqildi. Yakunda bildirilgan fikr va tavsiyalar sohani yanada takomillashtirish hamda “yashil iqtisodiyot” tamoyillarini keng joriy etishga xizmat qilishi qayd etildi.

Маҳорат дарсида давлат харидлари тизимини модернизация қилиш, экологик барқарорликни таъминлаш ҳамда “яшил иқтисодиёт”га ўтишни жадаллаштиришга қаратилган илмий-амалий ёндашувлар муҳокама қилинди.

Тошкент шаҳар Ғазначилик хизмати бошқармасининг “Юридик мажбуриятларни рўйхатга олиш бўлими” бошлиғи Ойбек Файзиматов давлат харидларида ҳуқуқий мажбуриятларни рўйхатга олиш механизмлари, шаффофлик ва ҳисобдорликни таъминлаш масалаларига тўхталиб, яшил харидлар бюджет маблағларидан самарали фойдаланишнинг муҳим инструменти эканини таъкидлади.

Шунингдек, Иқтисодиёт ва молия вазирлиги ҳузуридаги Ўқув маркази катта ўқитувчилари Санжар Болтаев ва Баҳодир Муҳаммад томонидан халқаро тажриба асосида экологик стандартларни тендер жараёнларига интеграция қилиш, барқарор ривожланишни давлат харидлари орқали қўллаб-қувватлаш масалалари ёритилди.

Мутахассислар фикрича, яшил давлат харидлари атроф-муҳитга таъсирни камайтириш, миллий ишлаб чиқарувчиларни экологик технологияларга ўтишга рағбатлантириш ва давлат харажатлари самарадорлигини оширишга хизмат қилади.

Тадбир давомида амалий кейслар муҳокама қилиниб, норматив-ҳуқуқий базани такомиллаштириш, кадрлар салоҳиятини ошириш ва ахборот тизимларини модернизация қилиш бўйича таклифлар ишлаб чиқилди. Якунда билдирилган фикр ва тавсиялар соҳани янада такомиллаштириш ҳамда “яшил иқтисодиёт” тамойилларини кенг жорий этишга хизмат қилиши қайд этилди.

Seminar Markaziy Osiyoda oliy ta’lim tizimini transformatsiya qilish, akademik yetakchilikni kuchaytirish hamda ta’limning xalqaro integratsiyasini jadallashtirish masalalariga bag‘ishlandi. Tadbir davomida yetakchi ekspertlar va amaliyotchilar strategik boshqaruv, xalqaro hamkorlikning samarali modellari, shuningdek, oliy ta’lim muassasalarida olib borilayotgan tizimli islohotlar yuzasidan fikr almashdilar.

Ushbu nufuzli platformada Bank-moliya akademiyasi ilmiy ishlar va xalqaro hamkorlik bo‘yicha prorektori Mashhurbek Jalalov spiker sifatida ishtirok etdi. U “Internationalisation: Uzbekistan Perspective” mavzusidagi panel sessiyada ma’ruza qilib, O‘zbekistonda oliy ta’lim tizimini xalqaro maydonga integratsiya qilish borasida amalga oshirilayotgan institutsional islohotlar, hamkorlik geografiyasining kengayishi va istiqboldagi ustuvor yo‘nalishlarni atroflicha yoritib berdi.

Seminar yakunida eng faol ishtirokchilar saralab olinib, uch nafar delegat taqdirlandi va ularga esdalik sovg‘alari topshirildi.

Семинар Марказий Осиёда олий таълим тизимини трансформация қилиш, академик етакчиликни кучайтириш ҳамда таълимнинг халқаро интеграциясини жадаллаштириш масалаларига бағишланди. Тадбир давомида етакчи экспертлар ва амалиётчилар стратегик бошқарув, халқаро ҳамкорликнинг самарали моделлари, шунингдек, олий таълим муассасаларида амалга оширилаётган тизимли ислоҳотлар юзасидан фикр алмашдилар.

Ушбу нуфузли платформада Банк-молия академияси Илмий ишлар ва халқаро ҳамкорлик бўйича проректори Машҳурбек Жалолов спикер сифатида иштирок этди. У “Internationalisation: Uzbekistan Perspective” мавзусидаги панел сессияда маъруза қилиб, Ўзбекистонда олий таълим тизимини халқаро майдонга интеграция қилиш борасида амалга оширилаётган институционал ислоҳотлар, ҳамкорлик географиясининг кенгайиши ва истиқболдаги устувор йўналишларни атрофлича ёритиб берди.

Семинар якунида энг фаол иштирокчилар саралаб олиниб, уч нафар делегат тақдирланди ва уларга эсдалик совғалари топширилди.