Bank-moliya akademiyasi jamoasi O‘zbekiston terma jamoasini qo‘llab-quvvatlamoqda

⚽️ Bugun mamlakatimiz sport tarixida yana bir unutilmas sahifa yozilmoqda. Jahon chempionati doirasida bo‘lib o‘tayotgan O‘zbekiston — Kolumbiya uchrashuvi nafaqat futbol muxlislari, balki butun xalqimizning diqqat markazida turibdi.

⚽️ Toshkent shahrining Mirzo Ulug‘bek tumanida joylashgan Central Park hududida tashkil etilgan ommaviy tomosha maydonida minglab yurtdoshlarimiz qatorida O‘zbekiston Respublikasi Bank-moliya akademiyasi xodimlari ham milliy terma jamoamizni faol qo‘llab-quvvatlamoqda.

⚽️ Uchrashuvning birinchi bo‘limida Kolumbiya terma jamoasi hisobda oldinga chiqqaniga qaramay, ikkinchi taymda milliy jamoamiz futbolchisi Abbosbek Fayzullayev tomonidan kiritilgan gol butun mamlakat bo‘ylab muxlislarga yanada katta ishonch va ruhiy ko‘tarinkilik bag‘ishladi. U raqib jarima maydonchasidagi vaziyatdan unumli foydalanib, boshi bilan aniq zarba yo‘lladi va hisobni tenglashtirdi.

⚽️Mazkur gol stadion va ommaviy tomosha maydonlarida yig‘ilgan minglab muxlislarning olqishiga sazovor bo‘ldi.

⚽️ Davlatimiz bayroqlarini baland ko‘targan, milliy ramzlarimiz aks etgan liboslardagi akademiya jamoasi vakillari har bir xavfli vaziyatni hayajon bilan kuzatib, har bir muvaffaqiyatli harakatni olqishlar bilan qarshi olmoqda.

⚽️ Muxlislarning samimiy olqishlari, qo‘llab-quvvatlov shiorlari va ezgu tilaklari O‘zbekiston milliy terma jamoasi uchun qo‘shimcha kuch va ishonch manbai bo‘lib xizmat qilishi, shubhasiz.

🇺🇿 Olg‘a, O‘zbekiston! Biz sen bilan birgamiz!

Банк-молия академияси жамоаси Ўзбекистон терма жамоасини қўллаб-қувватламоқда

⚽️ Бугун мамлакатимиз спорт тарихида яна бир унутилмас саҳифа ёзилмоқда. Жаҳон чемпионати доирасида бўлиб ўтаётган Ўзбекистон — Колумбия учрашуви нафақат футбол мухлислари, балки бутун халқимизнинг диққат марказида турибди.

⚽️ Тошкент шаҳрининг Мирзо Улуғбек туманида жойлашган "Central Park" ҳудудида ташкил этилган оммавий томоша майдонида минглаб юртдошларимиз қаторида Ўзбекистон Республикаси Банк-молия академияси ходимлари ҳам миллий терма жамоамизни фаол қўллаб-қувватламоқда.

⚽️ Учрашувнинг биринчи бўлимида Колумбия терма жамоаси ҳисобда олдинга чиққанига қарамай, иккинчи таймда миллий жамоамиз футболчиси Abbosbek Fayzullayev томонидан киритилган гол бутун мамлакат бўйлаб мухлисларга янада катта ишонч ва руҳий кўтаринкилик бағишлади. У рақиб жарима майдончасидаги вазиятдан унумли фойдаланиб, боши билан аниқ зарба йўллади ва ҳисобни тенглаштирди. Мазкур гол стадион ва оммавий томоша майдонларида йиғилган минглаб мухлисларнинг олқишига сазовор бўлди.

⚽️ Давлатимиз байроқларини баланд кўтарган, миллий рамзларимиз акс этган либослардаги академия жамоаси вакиллари ҳар бир хавфли вазиятни ҳаяжон билан кузатиб, ҳар бир муваффақиятли ҳаракатни олқишлар билан қарши олмоқда.

⚽️ Мухлисларнинг самимий олқишлари, қўллаб-қувватлов шиорлари ва эзгу тилаклари Ўзбекистон миллий терма жамоаси учун қўшимча куч ва ишонч манбаи бўлиб хизмат қилиши, шубҳасиз.

🇺🇿 Олға, Ўзбекистон! Биз сен билан биргамиз!

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

⚽️🇺🇿Uchrashuv yakunlandi: O‘zbekiston — Kolumbiya — 1:3

O‘zbekiston milliy terma jamoasi Jahon chempionatidagi ilk uchrashuvini guruhdagi kuchli raqiblardan biri — Kolumbiya terma jamoasiga qarshi o‘tkazdi. Uchrashuvning 40-daqiqasida Daniel Munyos hisobni ochdi. Ikkinchi bo‘lim boshida esa Abbosbek Fayzullayev O‘zbekiston futboli tarixiga oltin harflar bilan bitiladigan natijani qayd etdi.

U Jahon chempionatlaridagi mamlakatimizning ilk goliga mualliflik qilib, hisobni tenglashtirdi — 1:1. Keyinchalik, 65-daqiqada Luis Diasning Kolumbiyani yana oldinga olib chiqdi. Uchrashuvning kompensatsiya qilingan daqiqalarida esa Xamilton Kampas yakuniy hisobni o‘rnatdi — 1:3.

Bugun maydonda natijadan ham muhimroq jihat namoyon bo‘ldi — bu xalqimizning birdamligi, milliy g‘ururi va yurt sha’nini munosib himoya qilishga bo‘lgan qat’iyatdir. O‘zbekiston terma jamoasi ilk bor dunyoning eng nufuzli futbol musobaqasida ishtirok etib, jasorat, iroda va yengilmas ruh namunasini ko‘rsatdi.
Har bir sinov — bu kelajakdagi ulkan g‘alabalar uchun tajriba maktabidir.

Eng muhimi, futbolchilarimiz so‘nggi daqiqagacha kurashdi va millionlab yurtdoshlarimizga unutilmas tarixiy lahzani — O‘zbekistonning Jahon chempionatlaridagi ilk golini tuhfa etdi. Oldinda guruh bosqichining yana ikki muhim va mas’uliyatli uchrashuvi turibdi. Demak, imkoniyatlar saqlanib qolmoqda, kurash esa davom etadi.

Bugun har qachongidan ham jamoamizni qo‘llab-quvvatlash, ularga ishonch bildirish va birlashish vaqti. Chunki bu jamoa nafaqat futbolchilar, balki butun xalqimizning orzu-umidlari, qat’iyati va yangi O‘zbekistonning yuksak maqsadlarini ifoda etmoqda.

Biz jamoamizga ishonamiz. Eng katta g‘alabalar hali oldinda.

⚽️🇺🇿Учрашув якунланди: Ўзбекистон — Колумбия — 1:3

Ўзбекистон миллий терма жамоаси Жаҳон чемпионатидаги илк учрашувини гуруҳдаги кучли рақиблардан бири — Колумбия терма жамоасига қарши ўтказди.
Учрашувнинг 40-дақиқасида Даниел Мунёс ҳисобни очди. Иккинчи бўлим бошида эса Аббосбек Файзуллаев Ўзбекистон футболи тарихига олтин ҳарфлар билан битиладиган натижани қайд этди.

У Жаҳон чемпионатларидаги мамлакатимизнинг илк голига муаллифлик қилиб, ҳисобни тенглаштирди — 1:1. Кейинчалик, 65-дақиқада Луис Диаснинг Колумбияни яна олдинга олиб чиқди. Учрашувнинг компенсация қилинган дақиқаларида эса Хамилтон Кампас якуний ҳисобни ўрнатди — 1:3.

Бугун майдонда натижадан ҳам муҳимроқ жиҳат намоён бўлди — бу халқимизнинг бирдамлиги, миллий ғурури ва юрт шаънини муносиб ҳимоя қилишга бўлган қатъиятдир. Ўзбекистон терма жамоаси илк бор дунёнинг энг нуфузли футбол мусобақасида иштирок этиб, жасорат, ирода ва енгилмас руҳ намунасини кўрсатди.
Ҳар бир синов — бу келажакдаги улкан ғалабалар учун тажриба мактабидир.

Энг муҳими, футболчиларимиз сўнгги дақиқагача курашди ва миллионлаб юртдошларимизга унутилмас тарихий лаҳзани — Ўзбекистоннинг Жаҳон чемпионатларидаги илк голини туҳфа этди. Олдинда гуруҳ босқичининг яна икки муҳим ва масъулиятли учрашуви турибди. Демак, имкониятлар сақланиб қолмоқда, кураш эса давом этади.

Бугун ҳар қачонгидан ҳам жамоамизни қўллаб-қувватлаш, уларга ишонч билдириш ва бирлашиш вақти. Чунки бу жамоа нафақат футболчилар, балки бутун халқимизнинг орзу-умидлари, қатъияти ва янги Ўзбекистоннинг юксак мақсадларини ифода этмоқда.

Биз жамоамизга ишонамиз. Энг катта ғалабалар ҳали олдинда.

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in