Muloqot davomida ishtirokchilar ta’lim sohasida yangi hamkorlik yo‘nalishlarini muhokama qildilar. Xususan, tomonlar “Islom moliyasi” va “Sugʻurta” magistratura mutaxassisliklari boʻyicha qoʻshma ta’lim (double degree) dasturi asosida mutaxassislar tayyorlash istiqbollarini atroflicha muhokama qildilar.

Ta’kidlandiki, mazkur qo‘shma dastur ikki tomonlama tajriba almashinuvi va zamonaviy bilimlarni uygʻunlashtirish orqali xalqaro standartlarga mos yuqori malakali mutaxassislarni tayyorlashga xizmat qiladi.

Shuningdek, muzokaralar chog‘ida tomonlar birgalikda qoʻshma ilmiy-tadqiqot loyihalarini amalga oshirish, seminar va konferensiyalar tashkil etish, malaka oshirish dasturlarini kengaytirish masalalari bo‘yicha aniq takliflar va yechimlarni ilgari surdilar.

Мулоқот давомида иштирокчилар таълим соҳасида янги ҳамкорлик йўналишларини муҳокама қилдилар. Хусусан, томонлар “Ислом молияси” ва “Суғурта” магистратура мутахассисликлари бўйича қўшма таълим (double degree) дастури асосида мутахассислар тайёрлаш истиқболларини атрофлича муҳокама қилдилар.

Таъкидландики, мазкур қўшма дастур икки томонлама тажриба алмашинуви ва замонавий билимларни уйғунлаштириш орқали халқаро стандартларга мос юқори малакали мутахассисларни тайёрлашга хизмат қилади.

Шунингдек, музокаралар чоғида томонлар биргаликда қўшма илмий-тадқиқот лойиҳаларини амалга ошириш, семинар ва конференциялар ташкил этиш, малака ошириш дастурларини кенгайтириш масалалари бўйича аниқ таклифлар ва ечимларни илгари сурдилар.

Muloqotda Executive Masters dasturini yo‘lga qo‘yish imkoniyatlari, zamonaviy ta’lim tizimidagi ilg‘or yondashuvlar, innovatsion metodologiyalar va kelgusi ta’lim strategiyalari muhokama qilindi.

Tomonlar mazkur dasturni tashkil etish orqali rahbar kadrlar tayyorlashning yangi bosqichiga qadam qo‘yish, xalqaro standartlar asosida yuqori malakali mutaxassislar yetishtirish imkoniyatlari ochilishini ta’kidladilar.

Uchrashuv yakunida Bank-moliya akademiyasi va Change School o‘rtasidagi hamkorlik aloqalarini yanada mustahkamlash bo‘yicha kelishuvga erishildi.

Мулоқотда Executive Masters дастурини йўлга қўйиш имкониятлари, замонавий таълим тизимидаги илғор ёндашувлар, инновацион методологиялар ва келгуси таълим стратегиялари муҳокама қилинди.

Томонлар мазкур дастурни ташкил этиш орқали раҳбар кадрлар тайёрлашнинг янги босқичига қадам қўйиш, халқаро стандартлар асосида юқори малакали мутахассислар етиштириш имкониятлари очилишини таъкидладилар.

Учрашув якунида Банк-молиya академияси ва Change School ўртасидаги ҳамкорлик алоқаларини янада мустаҳкамлаш бўйича келишувга эришилди.

Mazkur dastur Bank-moliya akademiyasi va Yaponiya Moliya vazirligi huzuridagi Iqtisodiy siyosat tadqiqotlari instituti o‘rtasidagi hamkorlik doirasida tashkil etilgan bo‘lib, iqtidorli va tashabbuskor tinglovchilar uchun xalqaro tajriba orttirish, moliya-iqtisod sohasida ilg‘or bilim va ko‘nikmalarga ega bo‘lish imkoniyatini yaratadi.

Dastur doirasida ishtirokchilar iqtisodiy siyosat yuritishning zamonaviy yo‘nalishlari, davlat moliyasini samarali boshqarish usullari va xalqaro moliyaviy amaliyotning ilg‘or tajribalari bilan tanishadilar. Shuningdek, kurs jarayonida Yaponiyaning moliya tizimida qo‘llanilayotgan innovatsion yondashuvlarni o‘rganish hamda ularni milliy amaliyotga tatbiq etish masalalariga alohida e’tibor qaratilmoqda.

Мазкур дастур Банк-молия академияси ва Япония Молия вазирлиги ҳузуридаги Иқтисодий сиёсат тадқиқотлари институти ўртасидаги ҳамкорлик доирасида ташкил этилган бўлиб, иқтидорли ва ташаббускор тингловчилар учун халқаро тажриба орттириш, молия-иқтисод соҳасида илғор билим ва кўникмаларга эга бўлиш имкониятини яратади.

Дастур доирасида иштирокчилар иқтисодий сиёсат юритишнинг замонавий йўналишлари, давлат молиясини самарали бошқариш усуллари ва халқаро молиявий амалиётнинг илғор тажрибалари билан танишадилар. Шунингдек, курс жараёнида Япониянинг молия тизимида қўлланилаётган инновацион ёндашувларни ўрганиш ҳамда уларни миллий амалиётга татбиқ этиш масалаларига алоҳида эътибор қаратилмоқда.

Shu maqsadda Bank-moliya akademiyasi professor-o‘qituvchilari Rossiya Federatsiyasining nufuzli ta’lim maskani — “Oliy iqtisodiyot maktabi” Milliy tadqiqot universiteti bilan hamkorlikda tashkil etilgan malaka oshirish kurslarida ishtirok etmoqda.

Bu kurslar nafaqat bilim va ko‘nikmalarni oshirish, balki zamonaviy pedagogik tajribalar bilan tanishish, xalqaro amaliyotda sinovdan o‘tgan ta’lim usullarini chuqur o‘rganish imkoniyatini ham taqdim etmoqda. Akademiya ustozlari moliya va iqtisod sohasidagi dolzarb masalalar, innovatsion ta’lim texnologiyalari hamda ilmiy tadqiqotlarni tashkil etishning ilg‘or yo‘nalishlarini o‘rganmoqdalar.

Akademiyaning mazkur tashabbusi — ustozlar malakasini yuksaltirish orqali talabalar uchun yanada samarali va zamonaviy ta’lim muhitini yaratishga qaratilgan izchil harakatlarning bir bo‘g‘inidir.

Шу мақсадда Банк-молия академияси профессор-ўқитувчилари Россия Федерациясининг нуфузли таълим маскани — “Олий иқтисодиёт мактаби” Миллий тадқиқот университети билан ҳамкорликда ташкил этилган малака ошириш курсларида иштирок этмоқда.

Бу курслар нафақат билим ва кўникмаларни ошириш, балки замонавий педагогик тажрибалар билан танишиш, халқаро амалиётда синовдан ўтган таълим усулларини чуқур ўрганиш имкониятини ҳам тақдим этмоқда. Академия устозлари молия ва иқтисод соҳасидаги долзарб масалалар, инновацион таълим технологиялари ҳамда илмий тадқиқотларни ташкил этишнинг илғор йўналишларини ўрганмоқдалар.

Академиянинг мазкур ташаббуси — устозлар малакасини юксалтириш орқали талабалар учун янада самарали ва замонавий таълим муҳитини яратишга қаратилган изчил ҳаракатларнинг бир бўғинидир.