✍ Hamkorlik istiqbollari muhokama qilindi

Bugun, 17-sentyabr kuni O‘zbekiston Respublikasi Bank-moliya akademiyasida London shahrida joylashgan Change School ta’lim muassasasining Rivojlanish bo‘yicha direktori Nil Marshall bilan uchrashuv o‘tkazildi.

Muloqotda Executive Masters dasturini yo‘lga qo‘yish imkoniyatlari, zamonaviy ta’lim tizimidagi ilg‘or yondashuvlar, innovatsion metodologiyalar va kelgusi ta’lim strategiyalari muhokama qilindi.

Tomonlar mazkur dasturni tashkil etish orqali rahbar kadrlar tayyorlashning yangi bosqichiga qadam qo‘yish, xalqaro standartlar asosida yuqori malakali mutaxassislar yetishtirish imkoniyatlari ochilishini ta’kidladilar.

Uchrashuv yakunida Bank-moliya akademiyasi va Change School o‘rtasidagi hamkorlik aloqalarini yanada mustahkamlash bo‘yicha kelishuvga erishildi.

✍ Ҳамкорлик истиқболлари муҳокама қилинди

Бугун, 17 сентябрь куни Ўзбекистон Республикаси Банк-молиya академиясида Лондон шаҳрида жойлашган Change School таълим муассасасининг Ривожланиш бўйича директори Нил Маршалл билан учрашув ўтказилди.

Мулоқотда Executive Masters дастурини йўлга қўйиш имкониятлари, замонавий таълим тизимидаги илғор ёндашувлар, инновацион методологиялар ва келгуси таълим стратегиялари муҳокама қилинди.

Томонлар мазкур дастурни ташкил этиш орқали раҳбар кадрлар тайёрлашнинг янги босқичига қадам қўйиш, халқаро стандартлар асосида юқори малакали мутахассислар етиштириш имкониятлари очилишини таъкидладилар.

Учрашув якунида Банк-молиya академияси ва Change School ўртасидаги ҳамкорлик алоқаларини янада мустаҳкамлаш бўйича келишувга эришилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿 🇯🇵 Vakillarimiz Yaponiyada malaka oshirmoqda

Bank-moliya akademiyasi tinglovchilaridan iborat delegatsiya Yaponiya Moliya vazirligi huzuridagi Iqtisodiy siyosat tadqiqotlari instituti tomonidan tashkil etilgan malaka oshirish kurslarida ishtirok etishni boshladi.

Mazkur dastur Bank-moliya akademiyasi va Yaponiya Moliya vazirligi huzuridagi Iqtisodiy siyosat tadqiqotlari instituti o‘rtasidagi hamkorlik doirasida tashkil etilgan bo‘lib, iqtidorli va tashabbuskor tinglovchilar uchun xalqaro tajriba orttirish, moliya-iqtisod sohasida ilg‘or bilim va ko‘nikmalarga ega bo‘lish imkoniyatini yaratadi.

Dastur doirasida ishtirokchilar iqtisodiy siyosat yuritishning zamonaviy yo‘nalishlari, davlat moliyasini samarali boshqarish usullari va xalqaro moliyaviy amaliyotning ilg‘or tajribalari bilan tanishadilar. Shuningdek, kurs jarayonida Yaponiyaning moliya tizimida qo‘llanilayotgan innovatsion yondashuvlarni o‘rganish hamda ularni milliy amaliyotga tatbiq etish masalalariga alohida e’tibor qaratilmoqda.

🇺🇿 🇯🇵 Вакилларимиз Японияда малака оширмоқда

Банк-молия академияси тингловчилари Япония Молия вазирлиги ҳузуридаги Иқтисодий сиёсат тадқиқотлари институти томонидан ташкил этилган малака ошириш курсларида иштирок этишни бошлади.

Мазкур дастур Банк-молия академияси ва Япония Молия вазирлиги ҳузуридаги Иқтисодий сиёсат тадқиқотлари институти ўртасидаги ҳамкорлик доирасида ташкил этилган бўлиб, иқтидорли ва ташаббускор тингловчилар учун халқаро тажриба орттириш, молия-иқтисод соҳасида илғор билим ва кўникмаларга эга бўлиш имкониятини яратади.

Дастур доирасида иштирокчилар иқтисодий сиёсат юритишнинг замонавий йўналишлари, давлат молиясини самарали бошқариш усуллари ва халқаро молиявий амалиётнинг илғор тажрибалари билан танишадилар. Шунингдек, курс жараёнида Япониянинг молия тизимида қўлланилаётган инновацион ёндашувларни ўрганиш ҳамда уларни миллий амалиётга татбиқ этиш масалаларига алоҳида эътибор қаратилмоқда.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿 🇷🇺 Bank-moliya akademiyasi ustozlari xalqaro malaka oshirish dasturida ishtirok etmoqda

Istiqbolga yo‘nalgan ta’lim tizimini yaratish, professor-o‘qituvchilarning bilim va tajribalarini zamon talabiga mos ravishda yangilash — bugungi kunda oliy ta’lim sohasining eng muhim vazifalaridan biriga aylandi.

Shu maqsadda Bank-moliya akademiyasi professor-o‘qituvchilari Rossiya Federatsiyasining nufuzli ta’lim maskani — “Oliy iqtisodiyot maktabi” Milliy tadqiqot universiteti bilan hamkorlikda tashkil etilgan malaka oshirish kurslarida ishtirok etmoqda.

Bu kurslar nafaqat bilim va ko‘nikmalarni oshirish, balki zamonaviy pedagogik tajribalar bilan tanishish, xalqaro amaliyotda sinovdan o‘tgan ta’lim usullarini chuqur o‘rganish imkoniyatini ham taqdim etmoqda. Akademiya ustozlari moliya va iqtisod sohasidagi dolzarb masalalar, innovatsion ta’lim texnologiyalari hamda ilmiy tadqiqotlarni tashkil etishning ilg‘or yo‘nalishlarini o‘rganmoqdalar.

Akademiyaning mazkur tashabbusi — ustozlar malakasini yuksaltirish orqali talabalar uchun yanada samarali va zamonaviy ta’lim muhitini yaratishga qaratilgan izchil harakatlarning bir bo‘g‘inidir.

🇺🇿 🇷🇺 Банк-молия академияси устозлари халқаро малака ошириш дастурида иштирок этмоқда

Истиқболга йўналган таълим тизимини яратиш, профессор-ўқитувчиларнинг билим ва тажрибаларини замон талабига мос равишда янгилаш — бугунги кунда олий таълим соҳасининг энг муҳим вазифаларидан бирига айланди.

Шу мақсадда Банк-молия академияси профессор-ўқитувчилари Россия Федерациясининг нуфузли таълим маскани — “Олий иқтисодиёт мактаби” Миллий тадқиқот университети билан ҳамкорликда ташкил этилган малака ошириш курсларида иштирок этмоқда.

Бу курслар нафақат билим ва кўникмаларни ошириш, балки замонавий педагогик тажрибалар билан танишиш, халқаро амалиётда синовдан ўтган таълим усулларини чуқур ўрганиш имкониятини ҳам тақдим этмоқда. Академия устозлари молия ва иқтисод соҳасидаги долзарб масалалар, инновацион таълим технологиялари ҳамда илмий тадқиқотларни ташкил этишнинг илғор йўналишларини ўрганмоқдалар.

Академиянинг мазкур ташаббуси — устозлар малакасини юксалтириш орқали талабалар учун янада самарали ва замонавий таълим муҳитини яратишга қаратилган изчил ҳаракатларнинг бир бўғинидир.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasi va ASAS o‘rtasida memorandum imzolandi

Bugungi kunda Jahon moliya bozorida islomiy bank ishi va moliya sektori tobora kengayib, yangi imkoniyatlar eshigini ochmoqda. O‘zbekiston ham bu jarayondan chetda qolmay, milliy moliya tizimida islomiy moliya vositalarini joriy etish va rivojlantirishga alohida e’tibor qaratmoqda.

Shu maqsadda, Bank-moliya akademiyasi rahbariyati Malayziya islom moliyasi bo‘yicha shariat maslahatchilari assotsiatsiyasi (ASAS) vakillari bilan uchrashuv o‘tkazdi. Muzokaralar yakunida ikki tomon o‘zaro anglashuv memorandumini imzoladi.

Memorandumga ko‘ra, tomonlar kelgusida qator yo‘nalishlarda hamkorlik qiladi. Jumladan, islom moliyasi sohasida kadrlar tayyorlash va sertifikatlash, o‘quv dasturlari va professor-o‘qituvchilar almashinuvi, ilmiy tadqiqotlar, qo‘shma nashrlar va xalqaro konferensiyalar o‘tkazish, qo‘shma loyihalar va maslahat xizmatlari tashkil etish borasida faoliyat olib boradilar.

✍️ Банк-молия академияси ва ASAS ўртасида меморандум имзоланди

Бугунги кунда Жаҳон молия бозорида исломий банк иши ва молия сектори тобора кенгайиб, янги имкониятлар эшигини очмоқда. Ўзбекистон ҳам бу жараёндан четда қолмай, миллий молия тизимида исломий молия воситаларини жорий этиш ва ривожлантиришга алоҳида эътибор қаратмоқда.

Шу мақсадда, Банк-молия академияси раҳбарияти Малайзия ислом молияси бўйича шариат маслаҳатчилари ассоциацияси (ASAS) вакиллари билан учрашув ўтказди. Музокаралар якунида икки томон ўзаро англашув меморандумини имзолади.

Меморандумга кўра, томонлар келгусида қатор йўналишларда ҳамкорлик қилади. Жумладан, ислом молияси соҳасида кадрлар тайёрлаш ва сертификатлаш, ўқув дастурлари ва профессор-ўқитувчилар алмашинуви, илмий тадқиқотлар, қўшма нашрлар ва халқаро конференциялар ўтказиш, қўшма лойиҳалар ва маслаҳат хизматлари ташкил этиш борасида фаолият олиб борадилар.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ BMA va Pearson: hamkorlik yo‘nalishlari muhokama qilindi

Bugun, 23-sentyabr kuni Bank-moliya akademiyasida dunyodagi eng yirik o‘quv-uslubiy kompaniyalardan biri — Pearson International Higher Education vakillari bilan uchrashuv bo‘lib o‘tdi.

Muloqot chog‘ida Akademiyadagi o‘quv kurslari, ayniqsa, ingliz tilida olib boriladigan fanlar va ularning tarkibi, hozirda qo‘llanilayotgan kitoblar va o‘quv-uslubiy resurslar, raqamli o‘quv platformalaridan foydalanish amaliyoti, tinglovchilar va professor-o‘qituvchilar duch kelayotgan qiyinchiliklar va ularni bartaraf etish imkoniyatlari haqidagi masalalar muhokama qilindi.

Pearson vakillari o‘z navbatida kompaniyaning xalqaro tajribasi, raqamli resurslari, nufuzli mualliflar asarlaridan tashkil topgan kurs materiallari haqida ma’lumot berdilar hamda Bank-moliya akademiyasi bilan o‘zaro hamkorlik istiqbollari bo‘yicha o‘z takliflarini bildirdilar.

O‘z navbatida Bank-moliya akademiyasi vakillari hamkorlikda ta’lim jarayoni samaradorligini oshirish, xalqaro standartlarga mos kurs materiallari va raqamli yechimlarni tatbiq etish imkoniyatlari bo‘yicha o‘z mulohazalarini bayon qildilar.

Uchrashuv yakunida hamkorlikning ilk qadami sifatida Akademiya pedagog jamoasi va tinglovchilarining Pearson International Higher Education platformasidagi resurslardan bir semestr davomida foydlanish borasida kelishuvga erishildi.

✍️ БМА ва Pearson: ҳамкорлик йўналишлари муҳокама қилинди

Бугун, 23 сентябрь куни Банк-молия академиясида дунёдаги энг йирик ўқув-услубий компаниялардан бири — Pearson International Higher Education вакиллари билан учрашув бўлиб ўтди.

Мулоқот чоғида Академиядаги ўқув курслари, айниқса, инглиз тилида олиб бориладиган фанлар ва уларнинг таркиби, ҳозирда қўлланилаётган китоблар ва ўқув-услубий ресурслар, рақамли ўқув платформаларидан фойдаланиш амалиёти, тингловчилар ва профессор-ўқитувчилар дуч келаётган қийинчиликлар ва уларни бартараф этиш имкониятлари ҳақидаги масалалар муҳокама қилинди.

Pearson вакиллари ўз навбатида компаниянинг халқаро тажрибаси, рақамли ресурслари, нуфузли муаллифлар асарларидан ташкил топган курс материаллари ҳақида маълумот бердилар ҳамда Банк-молия академияси билан ўзаро ҳамкорлик истиқболлари бўйича ўз таклифларини билдирдилар.

Ўз навбатида Банк-молия академияси вакиллари ҳамкорликда таълим жараёни самарадорлигини ошириш, халқаро стандартларга мос курс материаллари ва рақамли ечимларни татбиқ этиш имкониятлари бўйича ўз мулоҳазаларини баён қилдилар.

Учрашув якунида ҳамкорликнинг илк қадами сифатида Академия педагог жамоаси ва тингловчиларининг Pearson International Higher Education платформасидаги ресурслардан бир семестр давомида фойдланиш борасида келишувга эришилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in