Moliya kafedrasi tomonidan tashkil etilgan mahorat darsida “Click” AJ direktori o‘rinbosari Rustam Fayziyev ma’ruza bilan ishtirok etdi. U o‘z nutqida yurtimizda fintex ekotizimining shakllanish jarayoni, raqamli to‘lov xizmatlarining rivoji, innovatsion mahsulotlar va ularning iqtisodiy faollikni oshirishdagi o‘rni haqida atroflicha ma’lumot berdi. Shuningdek, u global fintex bozoridagi asosiy yo‘nalishlar, moliyaviy texnologiyalarning barqaror xavfsizlik infratuzilmasi, xalqaro tajriba va ilg‘or yondashuvlarni keng yoritib berdi.

Tadbir davomida ishtirokchilar fintex sohasiga oid dolzarb savollar bo‘yicha mutaxassisdan batafsil javoblar oldilar, raqamli moliya xizmatlarida qo‘llanilayotgan innovatsion texnologiyalar, yangi biznes-modellar va istiqbolli loyihalar bo‘yicha fikr almashdilar.

Молия кафедраси томонидан ташкил этилган маҳорат дарсида “Click” АЖ директори ўринбосари Рустам Файзиев маъруза билан иштирок этди. У ўз нутқида юртимизда финтех экотизимининг шаклланиш жараёни, рақамли тўлов хизматларининг ривожи, инновацион маҳсулотлар ва уларнинг иқтисодий фаолликни оширишдаги ўрни ҳақида атрофлича маълумот берди. Шунингдек, у глобал финтех бозоридаги асосий йўналишлар, молиявий технологияларнинг барқарор хавфсизлик инфратузилмаси, халқаро тажриба ва илғор ёндашувларни кенг ёритиб берди.

Тадбир давомида иштирокчилар финтех соҳасига оид долзарб саволлар бўйича мутахассисдан батафсил жавоблар олдилар, рақамли молия хизматларида қўлланилаётган инновацион технологиялар, янги бизнес-моделлар ва истиқболли лойиҳалар бўйича фикр алмашдилар.

Jarayonda jami 3 ta ixtisoslik bo‘yicha 14 nafar doktorantura va tayanch doktorantura nomzodi, shuningdek 15 nafar mustaqil tadqiqotchilikka nomzod ishtirok etdi.

Komissiya tomonidan nomzodlarning mavzu bo‘yicha chuqur bilimlari, ilmiy izlanishlar olib borish ko‘nikmalari va istiqbolli tadqiqot g‘oyalari baholandi. Jarayon shaffoflik, xolislik va adolat tamoyillariga qat’iy amal qilingan holda tashkil etildi.

Жараёнда жами 3 та ихтисослик бўйича 14 нафар докторантура ва таянч докторантура номзоди, шунингдек 15 нафар мустақил тадқиқотчиликка номзод иштирок этди.

Комиссия томонидан номзодларнинг мавзу бўйича чуқур билимлари, илмий изланишлар олиб бориш кўникмалари ва истиқболли тадқиқот ғоялари баҳоланди. Жараён шаффофлик, холислик ва адолат тамойилларига қатъий амал қилинган ҳолда ташкил этилди.

Tadbirda "Rogers Communications" kompaniyasining Ichki hisobotlar bo‘yicha direktori, xalqaro CFA instituti a’zosi, 25 yildan ortiq tajribaga ega mutaxassis Bahodir Ataxo‘jayev ma’ruza taqdimoti bilan ishtirok etdi.

Ma’ruzada moliyaviy rejalashtirish va tahlilning an’anaviy usullari, Microsoft Excel va ERP tizimlari (SAP, Oracle) asosidagi jarayonlar, qo‘lda bajariladigan operatsiyalarning xavflari hamda statik hisobotlarning cheklovlari batafsil yoritildi. Shuningdek, sun’iy intellektga asoslangan zamonaviy yondashuvlar — mashinali o‘rganish, prognozli tahlil, NLP texnologiyalari hamda ularning MR&T samaradorligini oshirishdagi afzalliklari haqida so‘z yuritildi.

Bahodir Ataxo‘jayev o‘z ma’ruzasida sun’iy intellekt asosidagi moliyaviy rejalashtirish modelining korxonalarda tezkor qaror qabul qilish, real vaqt rejimida tahlil yuritish, ma’lumotlar bilan ishlashdagi xatoliklarni kamaytirish va strategik boshqaruvni kuchaytirishdagi o‘rni bo‘yicha amaliy misollarni taqdim etdi. Xususan, elektron tijorat sohasidagi talablarga mos dinamik prognozlash, ombor zaxiralarini optimallashtirish, operatsion samaradorlikni oshirish bo‘yicha ilg‘or yechimlar ko‘rsatib berildi.

Tadbir yakunida ishtirokchilar bilan ochiq muloqot o‘tkazilib, MR&T sohasida gibrid — an’anaviy va AI texnologiyalarini uyg‘unlashtirgan yondashuvlarning istiqbollari muhokama qilindi.

Тадбирда "Rogers Communications" компаниясининг Ички ҳисоботлар бўйича директори, халқаро CFA институти аъзоси, 25 йилдан ортиқ тажрибага эга мутахассис Баҳодир Атахўжаев маъруза тақдимоти билан иштирок этди.

Маърузада молиявий режалаштириш ва таҳлилнинг анъанавий усуллари, Microsoft Excel ва ERP тизимлари (SAP, Oracle) асосидаги жараёнлар, қўлда бажариладиган операцияларнинг хавфлари ҳамда статик ҳисоботларнинг чекловлари батафсил ёритилди. Шунингдек, сунъий интеллектга асосланган замонавий ёндашувлар — машинали ўрганиш, прогнозли таҳлил, NLP технологиялари ҳамда уларнинг MR&T самарадорлигини оширишдаги афзалликлари ҳақида сўз юритилди.

Баҳодир Атахўжаев ўз маърузасида сунъий интеллект асосидаги молиявий режалаштириш моделининг корхоналарда тезкор қарор қабул қилиш, реал вақт режимида таҳлил юритиш, маълумотлар билан ишлашдаги хатоликларни камайтириш ва стратегик бошқарувни кучайтиришдаги ўрни бўйича амалий мисолларни тақдим этди. Хусусан, электрон тижорат соҳасидаги талабларга мос динамик прогнозлаш, омбор захираларини оптималлаштириш, операцион самарадорликни ошириш бўйича илғор ечимлар кўрсатиб берилди.

Тадбир якунида иштирокчилар билан очиқ мулоқот ўтказилиб, MR&T соҳасида гибрид — анъанавий ва AI технологияларини уйғунлаштирган ёндашувларнинг истиқболлари муҳокама қилинди.