Tadbirda "Rogers Communications" kompaniyasining Ichki hisobotlar bo‘yicha direktori, xalqaro CFA instituti a’zosi, 25 yildan ortiq tajribaga ega mutaxassis Bahodir Ataxo‘jayev ma’ruza taqdimoti bilan ishtirok etdi.

Ma’ruzada moliyaviy rejalashtirish va tahlilning an’anaviy usullari, Microsoft Excel va ERP tizimlari (SAP, Oracle) asosidagi jarayonlar, qo‘lda bajariladigan operatsiyalarning xavflari hamda statik hisobotlarning cheklovlari batafsil yoritildi. Shuningdek, sun’iy intellektga asoslangan zamonaviy yondashuvlar — mashinali o‘rganish, prognozli tahlil, NLP texnologiyalari hamda ularning MR&T samaradorligini oshirishdagi afzalliklari haqida so‘z yuritildi.

Bahodir Ataxo‘jayev o‘z ma’ruzasida sun’iy intellekt asosidagi moliyaviy rejalashtirish modelining korxonalarda tezkor qaror qabul qilish, real vaqt rejimida tahlil yuritish, ma’lumotlar bilan ishlashdagi xatoliklarni kamaytirish va strategik boshqaruvni kuchaytirishdagi o‘rni bo‘yicha amaliy misollarni taqdim etdi. Xususan, elektron tijorat sohasidagi talablarga mos dinamik prognozlash, ombor zaxiralarini optimallashtirish, operatsion samaradorlikni oshirish bo‘yicha ilg‘or yechimlar ko‘rsatib berildi.

Tadbir yakunida ishtirokchilar bilan ochiq muloqot o‘tkazilib, MR&T sohasida gibrid — an’anaviy va AI texnologiyalarini uyg‘unlashtirgan yondashuvlarning istiqbollari muhokama qilindi.

Тадбирда "Rogers Communications" компаниясининг Ички ҳисоботлар бўйича директори, халқаро CFA институти аъзоси, 25 йилдан ортиқ тажрибага эга мутахассис Баҳодир Атахўжаев маъруза тақдимоти билан иштирок этди.

Маърузада молиявий режалаштириш ва таҳлилнинг анъанавий усуллари, Microsoft Excel ва ERP тизимлари (SAP, Oracle) асосидаги жараёнлар, қўлда бажариладиган операцияларнинг хавфлари ҳамда статик ҳисоботларнинг чекловлари батафсил ёритилди. Шунингдек, сунъий интеллектга асосланган замонавий ёндашувлар — машинали ўрганиш, прогнозли таҳлил, NLP технологиялари ҳамда уларнинг MR&T самарадорлигини оширишдаги афзалликлари ҳақида сўз юритилди.

Баҳодир Атахўжаев ўз маърузасида сунъий интеллект асосидаги молиявий режалаштириш моделининг корхоналарда тезкор қарор қабул қилиш, реал вақт режимида таҳлил юритиш, маълумотлар билан ишлашдаги хатоликларни камайтириш ва стратегик бошқарувни кучайтиришдаги ўрни бўйича амалий мисолларни тақдим этди. Хусусан, электрон тижорат соҳасидаги талабларга мос динамик прогнозлаш, омбор захираларини оптималлаштириш, операцион самарадорликни ошириш бўйича илғор ечимлар кўрсатиб берилди.

Тадбир якунида иштирокчилар билан очиқ мулоқот ўтказилиб, MR&T соҳасида гибрид — анъанавий ва AI технологияларини уйғунлаштирган ёндашувларнинг истиқболлари муҳокама қилинди.

Tadbirda «O‘zbekneftgaz» AJ Korporativ munosabatlar departamenti boshlig‘i Muratjan Omarov ma’ruza bilan ishtirok etdi. U korporativ qimmatli qog‘ozlar bozorining zamonaviy rivojlanish tendensiyalari, aksiyadorlik jamiyatlarida ochiqlik va shaffoflik tamoyillarining ahamiyati, korporativ boshqaruv tizimida kuzatuv kengashi, aksiyadorlar, investorlarning o‘rni kabi masalalar yuzasidan batafsil ma’lumot berdi.

Mahorat darsi davomida bozorning asosiy ishtirokchilari, ularning funksiyalari, korporativ qimmatli qog‘ozlar emissiyasi jarayonidagi talablar, investorlar huquqlarini himoya qilish mexanizmlari hamda jahon amaliyotidagi ilg‘or yondashuvlar muhokama qilindi.

Tadbir yakunida ishtirokchilar o‘zlarini qiziqtirgan savollar bilan murojaat qildilar va sohaga doir amaliy jihatlar bo‘yicha mutaxassisdan to‘liq javob oldilar.

Тадбирда «Ўзбекнефтгаз» АЖ Корпоратив муносабатлар департаменти бошлиғи Муратжан Омаров маъруза билан иштирок этди. У корпоратив қимматли қоғозлар бозорининг замонавий ривожланиш тенденциялари, акциядорлик жамиятларида очиқлик ва шаффофлик тамойилларининг аҳамияти, корпоратив бошқарув тизимида кузатув кенгаши, акциядорлар, инвесторларнинг ўрни каби масалалар юзасидан батафсил маълумот берди.

Маҳорат дарси давомида бозорнинг асосий иштирокчилари, уларнинг функциялари, корпоратив қимматли қоғозлар эмиссияси жараёнидаги талаблар, инвесторлар ҳуқуқларини ҳимоя қилиш механизмлари ҳамда жаҳон амалиётидаги илғор ёндашувлар муҳокама қилинди.

Тадбир якунида иштирокчилар ўзларини қизиқтирган саволлар билан мурожаат қилдилар ва соҳага доир амалий жиҳатлар бўйича мутахассисдан тўлиқ жавоб олдилар.

Bank-moliya akademiyasi prorektori Mashhurbek Jalolov ushbu konferensiya doirasida bir qator xalqaro tashkilotlar, universitetlar rahbarlari va soha ekspertlari bilan uchrashuvlar o‘tkazdi. Muloqotlarda Akademiyaning xalqaro hamkorlik strategiyasi, ilmiy izlanishlarni kuchaytirish, yosh olimlar salohiyatini oshirish hamda xalqaro tarmoqlarda faol ishtirok etish masalalari muhokama qilindi.

Ta’kidlanganidek, bugungi kunda boshqaruv ta’limi global miqyosda tubdan o‘zgarish arafasida turibdi. Raqamli texnologiyalar, sun’iy intellekt, masofaviy o‘qitish va barqarorlik tamoyillarining ta’lim tizimiga jadal kirib kelayotgani yuqori malakali kadrlarga bo‘lgan talabni keskin oshirmoqda.

Shu nuqtai nazardan, AMBA & BGAning ushbu anjumani Osiyo-Tinch okeani mintaqasida boshqaruv ta’limi bo‘yicha eng yirik fikr almashuv maydoni bo‘lib, undagi muloqotlar O‘zbekiston uchun ham yangi imkoniyatlar eshigini ochadi.

Akademiyaning ushbu konferensiyadagi ishtiroki mamlakatimizda moliya va bank sohasi bo‘yicha zamonaviy ta’lim standartlarini joriy etish, o‘quv dasturlarini xalqaro mezonlar asosida yangilash hamda yosh mutaxassislar uchun kengroq ilmiy-amaliy imkoniyatlar yaratishga xizmat qiladi.

Банк-молия академияси проректори Машҳурбек Жалолов ушбу конференция доирасида бир қатор халқаро ташкилотлар, университетлар раҳбарлари ва соҳа экспертлари билан учрашувлар ўтказди. Мулоқотларда Академиянинг халқаро ҳамкорлик стратегияси, илмий изланишларни кучайтириш, ёш олимлар салоҳиятини ошириш ҳамда халқаро тармоқларда фаол иштирок этиш масалалари муҳокама қилинди.

Таъкидланганидек, бугунги кунда бошқарув таълими глобал миқёсда тубдан ўзгариш арафасида турибди. Рақамли технологиялар, сунъий интеллект, масофавий ўқитиш ва барқарорлик тамойилларининг таълим тизимига жадал кириб келаётгани юқори малакали кадрларга бўлган талабни кескин оширмоқда.

Шу нуқтаи назардан, AMBA & BGAнинг ушбу анжумани Осиё-Тинч океани минтақасида бошқарув таълими бўйича энг йирик фикр алмашув майдони бўлиб, ундаги мулоқотлар Ўзбекистон учун ҳам янги имкониятлар эшигини очади.

Академиянинг ушбу конференциядаги иштироки мамлакатимизда молия ва банк соҳаси бўйича замонавий таълим стандартларини жорий этиш, ўқув дастурларини халқаро мезонлар асосида янгилаш ҳамда ёш мутахассислар учун кенгроқ илмий-амалий имкониятлар яратишга хизмат қилади.