Kun tartibidagi birinchi masala yuzasidan Moliya va moliyaviy texnologiyalar fakulteti dekani N. Raxmonov axborot berdi. Unda magistrlik dissertatsiyalarini Yakuniy davlat attestatsiya komissiyasida himoya qilish jarayonlari, natijalar, mavjud yutuqlar hamda kelgusidagi ustuvor vazifalar haqida batafsil ma’lumot taqdim etildi.

Keyingi masala yuzasidan Biznes va menejment fakulteti dekani o‘rinbosari J. Jo‘rayev ma’ruza qildi. Kengash tomonidan tahsil oluvchilar odob-ahloq qoidalarining yangi tahriri tasdiqlash uchun ko‘rib chiqildi va tegishli qaror qabul qilindi.

Shundan so‘ng Ilmiy-tadqiqot va ilmiy-pedagog kadrlar tayyorlash bo‘limi boshlig‘i A. Mardonov 2026-yil uchun doktorantura (DSc), tayanch doktorantura (PhD) hamda 2026-yil I choragi uchun Akademiyaning mustaqil izlanuvchilik institutiga talabgorlarni qabuli yuzasidan axborot berdi.

Shuningdek, majlisda darslik va o‘quv qo‘llanmani nashrga tavsiya etish, amaliy tadqiqot va innovatsion loyihalar tanlovida ishtirok etish uchun grant loyihasini tavsiya etish kabi masalalar ham muhokama qilinib, tegishli qaror qabul qilindi.

Yakunda Akademiyaning ilmiy-tadqiqot faoliyati, ta’lim sifati va ilmiy kadrlar tayyorlash jarayonini yanada takomillashtirishga qaratilgan qarorlar qabul qilindi va mas’ullarga tegishli vazifalar belgilab berildi.

Кун тартибидаги биринчи масала юзасидан Молия ва молиявий технологиялар факультети декани Н. Рахмонов ахборот берди. Унда магистрлик диссертацияларини Якуний давлат аттестация комиссиясида ҳимоя қилиш жараёнлари, натижалар, мавжуд ютуқлар ҳамда келгусидаги устувор вазифалар ҳақида батафсил маълумот тақдим этилди.

Кейинги масала юзасидан Бизнес ва менежмент факультети декани ўринбосари Ж. Жўраев маъруза қилди. Кенгаш томонидан таҳсил олувчилар одоб-аҳлоқ қоидаларининг янги таҳрири тасдиқлаш учун кўриб чиқилди ва тегишли қарор қабул қилинди.

Шундан сўнг Илмий-тадқиқот ва илмий-педагог кадрлар тайёрлаш бўлими бошлиғи А. Мардонов 2026 йил учун докторантура (DSc), таянч докторантура (PhD) ҳамда 2026 йил I чораги учун Академиянинг мустақил изланувчилик институтига талабгорларни қабули юзасидан ахборот берди.

Шунингдек, мажлисда дарслик ва ўқув қўлланмани нашрга тавсия этиш, амалий тадқиқот ва инновацион лойиҳалар танловида иштирок этиш учун грант лойиҳасини тавсия этиш каби масалалар ҳам муҳокама қилиниб, тегишли қарор қабул қилинди.

Якунда Академиянинг илмий-тадқиқот фаолияти, таълим сифати ва илмий кадрлар тайёрлаш жараёнини янада такомиллаштиришга қаратилган қарорлар қабул қилинди ва масъулларга тегишли вазифалар белгилаб берилди.

Monitoring doirasida izlanuvchilarning tasdiqlangan individual rejalari, dissertatsiya mavzulari bo‘yicha olib borilayotgan tadqiqot ishlari, ilmiy maqolalar tayyorlash va chop etish jarayonlari, respublika hamda xalqaro ilmiy jurnallar va konferensiyalardagi ishtiroki, shuningdek, ilmiy rahbarlar bilan muntazam hamkorlik holati tahlil qilindi.

Shu bilan birga, belgilangan kalendar rejasi asosida bajarilgan ishlar, olingan ilmiy natijalarning dolzarbligi va amaliy ahamiyati o‘rganib chiqildi. Aniqlangan ayrim kamchilik va kechikishlar bo‘yicha tegishli tavsiyalar berilib, ish faoliyatini yanada jadallashtirish, muddatlarga qat’iy rioya etish hamda ilmiy ishlar sifatini oshirish yuzasidan ko‘rsatmalar berildi.

Monitoring natijalari asosida doktorantlar va mustaqil izlanuvchilarga ilmiy-tadqiqot faoliyatini samarali tashkil etish, ilmiy maqolalarni nufuzli nashrlarda chop etish, dissertatsiya ishlarini belgilangan muddatlarda yakuniga yetkazish bo‘yicha amaliy va uslubiy yordam ko‘rsatildi.

Mazkur monitoring jarayoni akademiyada ilmiy muhitni mustahkamlash, izlanuvchilar faoliyati ustidan tizimli nazoratni yo‘lga qo‘yish hamda yuqori malakali ilmiy-pedagog kadrlar tayyorlash samaradorligini oshirishga xizmat qiladi.

Мониторинг доирасида изланувчиларнинг тасдиқланган индивидуал режалари, диссертация мавзулари бўйича олиб борилаётган тадқиқот ишлари, илмий мақолалар тайёрлаш ва чоп этиш жараёнлари, республика ҳамда халқаро илмий журналлар ва конференциялардаги иштироки, шунингдек, илмий раҳбарлар билан мунтазам ҳамкорлик ҳолати таҳлил қилинди.

Шу билан бирга, белгиланган календар режаси асосида бажарилган ишлар, олинган илмий натижаларнинг долзарблиги ва амалий аҳамияти ўрганиб чиқилди. Аниқланган айрим камчилик ва кечикишлар бўйича тегишли тавсиялар берилиб, иш фаолиятини янада жадаллаштириш, муддатларга қатъий риоя этиш ҳамда илмий ишлар сифатини ошириш юзасидан кўрсатмалар берилди.

Мониторинг натижалари асосида докторантлар ва мустақил изланувчиларга илмий-тадқиқот фаолиятини самарали ташкил этиш, илмий мақолаларни нуфузли нашрларда чоп этиш, диссертация ишларини белгиланган муддатларда якунига етказиш бўйича амалий ва услубий ёрдам кўрсатилди.

Mazkur tadbirda Iqtisodiyot va moliya vazirligi Davlat budjeti departamenti bosh mutaxassisi Zoir Xushmurotov ma’ruza qilib, dasturiy budjetlashtirishning nazariy asoslari, uni amaliyotga joriy etishning o‘ziga xos jihatlari hamda milliy budjet tizimidagi roli haqida atroflicha ma’lumot berdi.

Mahorat darsi davomida budjet xarjatlarining samaradorligini oshirish, davlat mablag‘laridan maqsadli foydalanishni ta’minlash, natijaga yo‘naltirilgan budjet tizimini shakllantirish kabi muhim masalalar muhokama qilindi. Shu bilan birga, tinglovchilar tomonidan berilgan savollarga mutaxassis tomonidan batafsil javoblar qaytarildi.

Tadbir professor-o‘qituvchilar va tinglovchilar uchun mamlakatimiz moliya sohasida olib borilayotgan islohotlar, xususan, zamonaviy budjetlashtirish mexanizmlarini chuqur o‘rganish imkonini bergani bilan ahamiyatli bo‘ldi.

Мазкур тадбирда Иқтисодиёт ва молия вазирлиги Давлат бюджети департаменти бош мутахассиси Зоир Хушмуротов маъруза қилиб, дастурий бюджетлаштиришнинг назарий асослари, уни амалиётга жорий этишнинг ўзига хос жиҳатлари ҳамда миллий бюджет тизимидаги роли ҳақида атрофлича маълумот берди.

Маҳорат дарси давомида бюджет харжатларининг самарадорлигини ошириш, давлат маблағларидан мақсадли фойдаланишни таъминлаш, натижага йўналтирилган бюджет тизимини шакллантириш каби муҳим масалалар муҳокама қилинди. Шу билан бирга, тингловчилар томонидан берилган саволларга мутахассис томонидан батафсил жавоблар қайтарилди.

Тадбир профессор-ўқитувчилар ва тингловчилар учун мамлакатимиз молия соҳасида олиб борилаётган ислоҳотлар, хусусан, замонавий бюджетлаштириш механизмларини чуқур ўрганиш имконини бергани билан аҳамиятли бўлди.

Tadbir doirasida “SEG ENERA” MCHJning biznesni avtomatlashtirish dasturi rahbari Viktor Grishin ma’ruza taqdimotini o‘tkazdi. U o‘z chiqishida zamonaviy IT-loyihalarni boshqarishda “AGILE” metodologiyasining ahamiyati, uning asosiy prinsiplari va amaliy qo‘llanilishi haqida batafsil ma’lumot berdi.

Ma’ruzachi mobil ilova ishlab chiqish misolida loyihani bosqichma-bosqich rejalashtirish, resurslarni optimal taqsimlash, vaqt va xarajatlarni samarali boshqarish hamda moliyaviy tahlil o‘tkazish mexanizmlariga alohida to‘xtaldi. Shuningdek, “AGILE” yondashuvining an’anaviy rejalashtirish usullaridan farqli jihatlari raqamlar va amaliy keyslar orqali yoritib berildi.

Mahorat darsida Akademiya professor-o‘qituvchilari, tinglovchilar va talabalar faol ishtirok etib, ma’ruzachiga o‘zlarini qiziqtirgan savollarni yo‘lladilar hamda amaliy muhokamalar olib bordilar.

Тадбир доирасида “SEG ENERA” МЧЖнинг бизнесни автоматлаштириш дастури раҳбари Виктор Гришин маъруза тақдимотини ўтказди. У ўз чиқишида замонавий IT-лойиҳаларни бошқаришда “AGILE” методологиясининг аҳамияти, унинг асосий принциплари ва амалий қўлланилиши ҳақида батафсил маълумот берди.

Маърузачи мобил илова ишлаб чиқиш мисолида лойиҳани босқичма-босқич режалаштириш, ресурсларни оптимал тақсимлаш, вақт ва харажатларни самарали бошқариш ҳамда молиявий таҳлил ўтказиш механизмларига алоҳида тўхталди. Шунингдек, “AGILE” ёндашувининг анъанавий режалаштириш усулларидан фарқли жиҳатлари рақамлар ва амалий кейслар орқали ёритиб берилди.

Маҳорат дарсида Академия профессор-ўқитувчилари, тингловчилар ва талабалар фаол иштирок этиб, маърузачига ўзларини қизиқтирган саволларни йўлладилар ҳамда амалий муҳокамалар олиб бордилар.