Tadbir doirasida “SEG ENERA” MCHJning biznesni avtomatlashtirish dasturi rahbari Viktor Grishin ma’ruza taqdimotini o‘tkazdi. U o‘z chiqishida zamonaviy IT-loyihalarni boshqarishda “AGILE” metodologiyasining ahamiyati, uning asosiy prinsiplari va amaliy qo‘llanilishi haqida batafsil ma’lumot berdi.

Ma’ruzachi mobil ilova ishlab chiqish misolida loyihani bosqichma-bosqich rejalashtirish, resurslarni optimal taqsimlash, vaqt va xarajatlarni samarali boshqarish hamda moliyaviy tahlil o‘tkazish mexanizmlariga alohida to‘xtaldi. Shuningdek, “AGILE” yondashuvining an’anaviy rejalashtirish usullaridan farqli jihatlari raqamlar va amaliy keyslar orqali yoritib berildi.

Mahorat darsida Akademiya professor-o‘qituvchilari, tinglovchilar va talabalar faol ishtirok etib, ma’ruzachiga o‘zlarini qiziqtirgan savollarni yo‘lladilar hamda amaliy muhokamalar olib bordilar.

Тадбир доирасида “SEG ENERA” МЧЖнинг бизнесни автоматлаштириш дастури раҳбари Виктор Гришин маъруза тақдимотини ўтказди. У ўз чиқишида замонавий IT-лойиҳаларни бошқаришда “AGILE” методологиясининг аҳамияти, унинг асосий принциплари ва амалий қўлланилиши ҳақида батафсил маълумот берди.

Маърузачи мобил илова ишлаб чиқиш мисолида лойиҳани босқичма-босқич режалаштириш, ресурсларни оптимал тақсимлаш, вақт ва харажатларни самарали бошқариш ҳамда молиявий таҳлил ўтказиш механизмларига алоҳида тўхталди. Шунингдек, “AGILE” ёндашувининг анъанавий режалаштириш усулларидан фарқли жиҳатлари рақамлар ва амалий кейслар орқали ёритиб берилди.

Маҳорат дарсида Академия профессор-ўқитувчилари, тингловчилар ва талабалар фаол иштирок этиб, маърузачига ўзларини қизиқтирган саволларни йўлладилар ҳамда амалий муҳокамалар олиб бордилар.

Muloqot davomida professor-o‘qituvchilar va tinglovchilar uchun qisqa muddatli stajirovkalar, malaka oshirish dasturlari, shuningdek, fakultetlar o‘rtasida almashinuv yo‘nalishlarini samarali yo‘lga qo‘yish masalalari atroflicha muhokama qilindi.

Tadbir yakunida tomonlar o‘zaro hamkorlikni yanada kengaytirish va istiqboldagi qo‘shma loyihalarni yo‘lga qo‘yish maqsadida Anglashuv memorandumi imzolash bo‘yicha kelishuvga erishdilar.

Мулоқот давомида профессор-ўқитувчилар ва тингловчилар учун қисқа муддатли стажировкалар, малака ошириш дастурлари, шунингдек, факультетлар ўртасида алмашинув йўналишларини самарали йўлга қўйиш масалалари атрофлича муҳокама қилинди.

Тадбир якунида томонлар ўзаро ҳамкорликни янада кенгайтириш ва истиқболдаги қўшма лойиҳаларни йўлга қўйиш мақсадида Англашув меморандуми имзолаш бўйича келишувга эришдилар.

Muloqot davomida oliy ta’lim muassasalarining dunyo reytinglaridagi o‘rni, ularni yuqori pog‘onalarga olib chiqish strategiyalari atroflicha muhokama qilindi. Tomonlar shuningdek, qo‘shma ilmiy maqolalar tayyorlash, tadqiqot guruhlari faoliyatini yo‘lga qo‘yish va Scopus platformasida samarali ishlash imkoniyatlarini ham ko‘rib chiqdilar.

Uchrashuvda alohida e’tibor qaratilgan yo‘nalishlardan yana biri — joriy yil 22-yanvarda imzolangan Memorandum doirasidagi ishlar va kelgusi rejalarni belgilash bo‘ldi. Mazkur hamkorlik hujjati ikki ta’lim muassasasi o‘rtasidagi munosabatlarni yangi bosqichga ko‘tarish, qo‘shma loyiha va ilmiy tashabbuslarni kengaytirishga keng yo‘l ochmoqda.

Yakunda tomonlar o‘zaro akademik va ilmiy hamkorlikni kengaytirishga, qo‘shma loyihalarni yanada faol amalga oshirishga tayyor ekanliklarini bildirdilar.

Мулоқот давомида олий таълим муассасаларининг дунё рейтингларидаги ўрни, уларни юқори поғоналарга олиб чиқиш стратегиялари атрофлича муҳокама қилинди. Томонлар шунингдек, қўшма илмий мақолалар тайёрлаш, тадқиқот гуруҳлари фаолиятини йўлга қўйиш ва Scopus платформасида самарали ишлаш имкониятларини ҳам кўриб чиқдилар.

Учрашувда алоҳида эътибор қаратилган йўналишлардан яна бири — жорий йил 22 январда имзоланган Меморандум доирасидаги ишлар ва келгуси режаларни белгилаш бўлди. Мазкур ҳамкорлик ҳужжати икки таълим муассасаси ўртасидаги муносабатларни янги босқичга кўтариш, қўшма лойиҳа ва илмий ташаббусларни кенгайтиришга кенг йўл очмоқда.

Якунда томонлар ўзаро академик ва илмий ҳамкорликни кенгайтиришга, қўшма лойиҳаларни янада фаол амалга оширишга тайёр эканликларини билдирдилар.

Tadbirda Investitsiyalar, sanoat va savdo vazirligi Tashqi savdo departamentining Eksportni rivojlantirish boshqarmasi boshlig‘i Zafar Turdiyev ma’ruza bilan ishtirok etdi.

Ma’ruza davomida ekspert tomonidan eksportni qo‘llab-quvvatlash bo‘yicha amaldagi milliy mexanizmlar, eksportchilar uchun zarur moliyaviy va institutsional ko‘mak choralari, tashqi bozorlarga chiqish jarayonida tadbirkorlar duch keladigan muammolar va ularni bartaraf etish yechimlari, eksport salohiyatini oshirishda davlat idoralari va xususiy sektor o‘rtasidagi hamkorlikning ahamiyati kabi masalalar atroflicha yoritildi.

Tadbir yakunida qatnashchilar tomonidan mavzuga oid qator savollar ko‘tarildi hamda o‘zaro fikr almashinuvi tashkil etildi.

Тадбирда Инвестициялар, саноат ва савдо вазирлиги Ташқи савдо департаментининг Экспортни ривожлантириш бошқармаси бошлиғи Зафар Турдиев маъруза билан иштирок этди.

Маъруза давомида эксперт томонидан экспортни қўллаб-қувватлаш бўйича амалдаги миллий механизмлар, экспортчилар учун зарур молиявий ва институтсионал кўмак чоралари, ташқи бозорларга чиқиш жараёнида тадбиркорлар дуч келадиган муаммолар ва уларни бартараф этиш ечимлари, экспорт салоҳиятини оширишда давлат идоралари ва хусусий сектор ўртасидаги ҳамкорликнинг аҳамияти каби масалалар атрофлича ёритилди.

Тадбир якунида қатнашчилар томонидан мавзуга оид қатор саволлар кўтарилди ҳамда ўзаро фикр алмашинуви ташкил этилди.