This media is not supported in your browser
VIEW IN TELEGRAM
“Riskka asoslangan audit va risklarni boshqarishni takomillashtirish. Britaniya tajribasi” mavzusida tashkil etilgan mazkur xalqaro o‘quv seminarda bank-moliya tizimida audit jarayonlarini zamonaviy yondashuvlar asosida takomillashtirish, risklarni samarali aniqlash va boshqarish bo‘yicha ilg‘or xalqaro tajriba yuzasidan keng ma’lumot berildi.
Tadbirda Buyuk Britaniyaning Bournemouth University professori, DcS Hurshid Jalilov hamda Bournemouth University professori, DcS Hany Elbardan ma’ruza qildilar. Ma’ruzalar davomida Britaniyada riskka asoslangan auditni joriy etish amaliyoti, risklarni baholash va nazorat qilish mexanizmlari, shuningdek, ushbu tajribani milliy moliya tizimiga tatbiq etish masalalari muhokama qilindi.
Seminar ishtirokchilari xalqaro ekspertlar bilan bevosita muloqot qilish, dolzarb savollar yuzasidan fikr almashish hamda amaliy tavsiyalar olish imkoniyatiga ega bo‘ldilar.
“Рискка асосланган аудит ва рискларни бошқаришни такомиллаштириш. Британия тажрибаси” мавзусида ташкил этилган мазкур халқаро ўқув семинарда банк-молия тизимида аудит жараёнларини замонавий ёндашувлар асосида такомиллаштириш, рискларни самарали аниқлаш ва бошқариш бўйича илғор халқаро тажриба юзасидан кенг маълумот берилди.
Тадбирда Буюк Британиянинг Bournemouth University профессори, DcS Ҳуршид Жалилов ҳамда Bournemouth University профессори, DcS Hany Элбардан маъруза қилдилар. Маърузалар давомида Британияда рискка асосланган аудитни жорий этиш амалиёти, рискларни баҳолаш ва назорат қилиш механизмлари, шунингдек, ушбу тажрибани миллий молия тизимига татбиқ этиш масалалари муҳокама қилинди.
Семинар иштирокчилари халқаро экспертлар билан бевосита мулоқот қилиш, долзарб саволлар юзасидан фикр алмашиш ҳамда амалий тавсиялар олиш имкониятига эга бўлдилар.
🌐 www.bfa.uz |
Please open Telegram to view this post
VIEW IN TELEGRAM
📢 E’LON
2025-yil 24-dekabr kuni Bank-moliya akademiyasida “Jamoaviy investitsiyalash institutlari: qonunchilik muammolari va yangi istiqbollar” mavzusida navbatdagi mahorat darsi tashkil etiladi.
👤 Ma’ruzachi:
Alisher Jumagulov — Toshkent davlat yuridik universiteti dotsenti, yuridik fanlari bo‘yicha falsafa doktori (PhD), Oxford Islom tadqiqotlari markazi tadqiqotchisi.
🕛 Boshlanish vaqti: soat 12:00
Mazkur mahorat darsida jamoaviy investitsiyalash institutlarining huquqiy asoslari, amaldagi qonunchilikdagi dolzarb muammolar hamda ushbu sohaning rivojlanish istiqbollari yuzasidan atroflicha ma’lumotlar beriladi.
👉 Barcha qiziquvchilar ishtirok etishga taklif etiladi.
🌐 www.bfa.uz |🕊 Telegram | 📱 Facebook | 📱 Instagram | 📺 Youtube | Linked in
2025-yil 24-dekabr kuni Bank-moliya akademiyasida “Jamoaviy investitsiyalash institutlari: qonunchilik muammolari va yangi istiqbollar” mavzusida navbatdagi mahorat darsi tashkil etiladi.
👤 Ma’ruzachi:
Alisher Jumagulov — Toshkent davlat yuridik universiteti dotsenti, yuridik fanlari bo‘yicha falsafa doktori (PhD), Oxford Islom tadqiqotlari markazi tadqiqotchisi.
🕛 Boshlanish vaqti: soat 12:00
Mazkur mahorat darsida jamoaviy investitsiyalash institutlarining huquqiy asoslari, amaldagi qonunchilikdagi dolzarb muammolar hamda ushbu sohaning rivojlanish istiqbollari yuzasidan atroflicha ma’lumotlar beriladi.
👉 Barcha qiziquvchilar ishtirok etishga taklif etiladi.
🌐 www.bfa.uz |
Please open Telegram to view this post
VIEW IN TELEGRAM
“Jamoaviy investitsiyalash institutlari: qonunchilik muammolari va yangi istiqbollar” mavzusida tashkil etilgan tadbirda moliya bozorini rivojlantirish, investitsiya muhitini yanada takomillashtirish hamda jamoaviy investitsiyalar institutlarining huquqiy asoslari kabi masalalar chuqur tahlil qilindi.
Mahorat darsi davomida Toshkent davlat yuridik universiteti dotsenti, yuridik fanlari bo‘yicha falsafa doktori (PhD), Oxford Islom tadqiqotlari markazi tadqiqotchisi Alisher Jumagulov mazkur yo‘nalishdagi dolzarb masalalar yuzasidan ma’ruza qildi. Ma’ruzada jamoaviy investitsiyalash institutlarining huquqiy tabiati, ularni tartibga soluvchi milliy qonunchilikdagi mavjud muammolar, shuningdek, xalqaro amaliyotda qo‘llanilayotgan ilg‘or yondashuvlar atroflicha yoritildi.
Shuningdek, tadbirda jamoaviy investitsiyalarni rivojlantirish orqali moliyaviy resurslarni samarali safarbar etish, investorlar huquqlarini ishonchli himoya qilish va moliya bozorida shaffoflikni ta’minlash masalalariga alohida e’tibor qaratildi. Ma’ruzachi tomonidan sohani takomillashtirish bo‘yicha aniq taklif va tavsiyalar bildirilib, istiqboldagi rivojlanish yo‘nalishlari yuzasidan fikrlar ilgari surildi.
Mahorat darsi interaktiv ruhda o‘tib, ishtirokchilar mavzu doirasida o‘zlarini qiziqtirgan savollar bilan faol qatnashdilar. Tadbir yakunida talabalar va mutaxassislar jamoaviy investitsiyalash institutlari bo‘yicha nazariy bilimlarini mustahkamlab, amaliy jihatdan muhim xulosalarga ega bo‘ldilar.
“Жамоавий инвестициялаш институтлари: қонунчилик муаммолари ва янги истиқболлар” мавзусида ташкил этилган тадбирда молия бозорини ривожлантириш, инвестиция муҳитини янада такомиллаштириш ҳамда жамоавий инвестициялар институтларининг ҳуқуқий асослари каби масалалар чуқур таҳлил қилинди.
Маҳорат дарси давомида Тошкент давлат юридик университети доценти, юридик фанлари бўйича фалсафа доктори (PhD), Охфорд Ислом тадқиқотлари маркази тадқиқотчиси Алишер Жумагулов мазкур йўналишдаги долзарб масалалар юзасидан маъруза қилди. Маърузада жамоавий инвестициялаш институтларининг ҳуқуқий табиати, уларни тартибга солувчи миллий қонунчиликдаги мавжуд муаммолар, шунингдек, халқаро амалиётда қўлланилаётган илғор ёндашувлар атрофлича ёритилди.
Шунингдек, тадбирда жамоавий инвестицияларни ривожлантириш орқали молиявий ресурсларни самарали сафарбар этиш, инвесторлар ҳуқуқларини ишончли ҳимоя қилиш ва молия бозорида шаффофликни таъминлаш масалаларига алоҳида эътибор қаратилди. Маърузачи томонидан соҳани такомиллаштириш бўйича аниқ таклиф ва тавсиялар билдирилиб, истиқболдаги ривожланиш йўналишлари юзасидан фикрлар илгари сурилди.
Маҳорат дарси интерактив руҳда ўтиб, иштирокчилар мавзу доирасида ўзларини қизиқтирган саволлар билан фаол қатнашдилар. Тадбир якунида талабалар ва мутахассислар жамоавий инвестициялаш институтлари бўйича назарий билимларини мустаҳкамлаб, амалий жиҳатдан муҳим хулосаларга эга бўлдилар.
🌐 www.bfa.uz |
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Dastlab, Akademiya rektori Elmurod Hoshimov so‘zga chiqib, mamlakatimiz Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasida belgilangan ustuvor vazifalarga alohida to‘xtalib, ushbu strategik yo‘nalishlar Akademiya faoliyati, ta’lim sifati, ilmiy-tadqiqot ishlari hamda kadrlar tayyorlash tizimida izchil aks etishi lozimligini ta’kidladi.
Kun tartibiga muvofiq, dastlab 2025/2026 o‘quv yilida MSc (Master of Science) magistratura mutaxassisliklari bo‘yicha Yakuniy davlat attestatsiyasi (YADAK) himoyalari natijalari muhokama qilindi. Mazkur masala yuzasidan Moliya va moliyaviy texnologiyalar fakulteti dekani N. Raxmonov axborot berdi.
Shundan so‘ng Akademiyaning 2026 moliyaviy yilga mo‘ljallangan daromad va xarajatlar rejasi, jumladan smeta hamda shtatlar jadvali ko‘rib chiqildi. Mazkur masala bo‘yicha Reja-iqtisod bo‘limi boshlig‘i I. Ibragimov taqdimot qildi.
Kengash a’zolari tomonidan “Moliya va bank ishi” elektron ilmiy jurnalini Scopus xalqaro ilmiy-texnik ma’lumotlar bazasiga kiritish bo‘yicha ishlab chiqilgan “yo‘l xaritasi” ham muhokama qilinib, uni tasdiqlash masalasi ko‘rib chiqildi.
Shuningdek, 2026-yil uchun doktorantura (DSc), tayanch doktorantura (PhD) hamda 2026-yil I choragi uchun Akademiya mustaqil izlanuvchilik institutiga qabul qilingan mustaqil izlanuvchilarning yakka tartibdagi ish rejalari va nazariy-metodologik dasturlarini tasdiqlash masalasi ko‘rib chiqildi.
Majlis yakunida kun tartibidagi barcha masalalar yuzasidan tegishli qarorlar qabul qilindi va mas’ul ijrochilarga aniq vazifalar yuklatildi.
Дастлаб, Академия ректори Элмурод Ҳошимов сўзга чиқиб, мамлакатимиз Президенти Шавкат Мирзиёевнинг Олий Мажлис ва Ўзбекистон халқига йўллаган Мурожаатномасида белгиланган устувор вазифаларга алоҳида тўхталиб, ушбу стратегик йўналишлар Академия фаолияти, таълим сифати, илмий-тадқиқот ишлари ҳамда кадрлар тайёрлаш тизимида изчил акс этиши лозимлигини таъкидлади.
Кун тартибига мувофиқ, дастлаб 2025/2026 ўқув йилида MSc (Master of Science) магистратура мутахассисликлари бўйича Якуний давлат аттестацияси (ЯДАК) ҳимоялари натижалари муҳокама қилинди. Мазкур масала юзасидан Молия ва молиявий технологиялар факультети декани Н. Рахмонов ахборот берди.
Шундан сўнг Академиянинг 2026 молиявий йилга мўлжалланган даромад ва харажатлар режаси, жумладан смета ҳамда штатлар жадвали кўриб чиқилди. Мазкур масала бўйича Режа-иқтисод бўлими бошлиғи И. Ибрагимов тақдимот қилди.
Кенгаш аъзолари томонидан “Молия ва банк иши” электрон илмий журналини Scopus халқаро илмий-техник маълумотлар базасига киритиш бўйича ишлаб чиқилган “йўл харитаси” ҳам муҳокама қилиниб, уни тасдиқлаш масаласи кўриб чиқилди.
Шунингдек, 2026 йил учун докторантура (DSc), таянч докторантура (PhD) ҳамда 2026 йил I чораги учун Академия мустақил изланувчилик институтига қабул қилинган мустақил изланувчиларнинг якка тартибдаги иш режалари ва назарий-методологик дастурларини тасдиқлаш масаласи кўриб чиқилди.
Мажлис якунида кун тартибидаги барча масалалар юзасидан тегишли қарорлар қабул қилинди ва масъул ижрочиларга аниқ вазифалар юклатилди.
🌐 www.bfa.uz |
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
📣 E’LON
Ilmiy-tadqiqot faoliyati bilan shug‘ullanayotgan professor-o‘qituvchilar, doktorantlar, mustaqil tadqiqotchilar va yosh olimlar uchun amaliy seminar tashkil etilmoqda.
Seminar davomida ishtirokchilar Scopus xalqaro ma’lumotlar bazasida indekslangan jurnallarda maqola e’lon qilishning barcha bosqichlari — jurnal tanlashdan tortib, maqolani tayyorlash, taqriz jarayonidan o‘tish va nashrdan keyingi strategiyalargacha bo‘lgan masalalar bo‘yicha amaliy va nazariy bilimlarga ega bo‘ladilar.
Seminar interaktiv formatda o‘tib, savol-javoblar va amaliy tavsiyalar bilan boyitiladi.
Ilmiy maqolalaringizni xalqaro darajada chop etishni maqsad qilgan bo‘lsangiz, ushbu seminar aynan siz uchun!
🌐 www.bfa.uz |🕊 Telegram | 📱 Facebook | 📱 Instagram | 📺 Youtube | Linked in
Ilmiy-tadqiqot faoliyati bilan shug‘ullanayotgan professor-o‘qituvchilar, doktorantlar, mustaqil tadqiqotchilar va yosh olimlar uchun amaliy seminar tashkil etilmoqda.
Mavzu: “Scopus” bazasidagi indekslangan jurnallar uchun ilmiy maqolalarni tayyorlash va nashr etish
Sana va vaqt: 2026-yil 9-yanvar, soat 10:00
Seminar davomida ishtirokchilar Scopus xalqaro ma’lumotlar bazasida indekslangan jurnallarda maqola e’lon qilishning barcha bosqichlari — jurnal tanlashdan tortib, maqolani tayyorlash, taqriz jarayonidan o‘tish va nashrdan keyingi strategiyalargacha bo‘lgan masalalar bo‘yicha amaliy va nazariy bilimlarga ega bo‘ladilar.
🎓 Seminar spikerlari:
Hayot Saydaliyev —
KPMG xalqaro audit va moliya tashkiloti menejeri, DSc, dotsent
Abdulla Ibragimov —
BMA “Biznesni boshqarish” kafedrasi dotsenti, DSc
Surayyo Shaamirova —
BMA “Moliya” kafedrasi katta o‘qituvchisi, PhD
Seminar interaktiv formatda o‘tib, savol-javoblar va amaliy tavsiyalar bilan boyitiladi.
Ilmiy maqolalaringizni xalqaro darajada chop etishni maqsad qilgan bo‘lsangiz, ushbu seminar aynan siz uchun!
🌐 www.bfa.uz |
Please open Telegram to view this post
VIEW IN TELEGRAM
Bugun, 7-yanvar kuni bo‘lib o‘tgan onlayn muloqotda Bank-moliya akademiyasi va Indoneziya universiteti (University of Indonesia) o‘rtasida xalqaro akademik hamkorlikni rivojlantirish bo‘yicha o‘zaro kelishuvga erishildi.
Tomonlar o‘rtasida imzolangan Shartnoma (Letter of Intent) ta’lim, ilmiy tadqiqotlar va akademik almashinuv sohalarida uzoq muddatli hamkorlikni yo‘lga qo‘yishni nazarda tutadi. Mazkur hujjatga muvofiq tomonlar iqtisodiyot, moliya, biznes va boshqaruv sohalarida qo‘shma ilmiy tadqiqotlar o‘tkazish, professor-o‘qituvchilar, tadqiqotchilar va talabalar o‘rtasida akademik almashinuv dasturlarini amalga oshirish, birgalikda xalqaro konferensiyalar, seminarlar va ilmiy forumlarni tashkil etish, ilmiy maqolalarni nufuzli xalqaro jurnallarda birgalikda tayyorlash va nashr etish, ta’lim dasturlari va o‘quv-metodik materiallar bo‘yicha tajriba almashish kabi yo‘nalishlarida hamkorlik qiladilar.
Mazkur kelishuv ikki tomonlama manfaatlarga asoslangan bo‘lib, keyinchalik to‘liq formatdagi hamkorlik shartnomasini ishlab chiqish uchun huquqiy va institutsional asos bo‘lib xizmat qiladi.
Muloqot yakunida tomonlar ushbu hamkorlik O‘zbekiston va Indoneziya o‘rtasidagi ta’lim va ilmiy aloqalarni yangi bosqichga olib chiqishi, shuningdek, global akademik makonda raqobatbardosh ilmiy natijalarga erishishga xizmat qilishini ta’kidladilar.
Бугун, 7 январь куни бўлиб ўтган онлайн мулоқотда Банк-молия академияси ва Индонезия университети (University of Indonesia) ўртасида халқаро академик ҳамкорликни ривожлантириш бўйича ўзаро келишувга эришилди.
Томонлар ўртасида имзоланган Шартнома (Letter of Intent) таълим, илмий тадқиқотлар ва академик алмашинув соҳаларида узоқ муддатли ҳамкорликни йўлга қўйишни назарда тутади. Мазкур ҳужжатга мувофиқ томонлар иқтисодиёт, молия, бизнес ва бошқарув соҳаларида қўшма илмий тадқиқотлар ўтказиш, профессор-ўқитувчилар, тадқиқотчилар ва талабалар ўртасида академик алмашинув дастурларини амалга ошириш, биргаликда халқаро конференциялар, семинарлар ва илмий форумларни ташкил этиш, илмий мақолаларни нуфузли халқаро журналларда биргаликда тайёрлаш ва нашр этиш, таълим дастурлари ва ўқув-методик материаллар бўйича тажриба алмашиш каби йўналишларида ҳамкорлик қиладилар.
Мазкур келишув икки томонлама манфаатларга асосланган бўлиб, кейинчалик тўлиқ форматдаги ҳамкорлик шартномасини ишлаб чиқиш учун ҳуқуқий ва институционал асос бўлиб хизмат қилади.
Мулоқот якунида томонлар ушбу ҳамкорлик Ўзбекистон ва Индонезия ўртасидаги таълим ва илмий алоқаларни янги босқичга олиб чиқиши, шунингдек, глобал академик маконда рақобатбардош илмий натижаларга эришишга хизмат қилишини таъкидладилар.
🌐 www.bfa.uz |
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
Bugun, 9-yanvar kuni ilmiy-tadqiqot faoliyati bilan shug‘ullanayotgan professor-o‘qituvchilar, doktorantlar, mustaqil tadqiqotchilar hamda yosh olimlar uchun “Scopus bazasidagi indekslangan jurnallar uchun ilmiy maqolalarni tayyorlash va nashr etish” mavzusida amaliy seminar tashkil etildi.
Mazkur seminar Scopus xalqaro ma’lumotlar bazasida indekslangan nufuzli ilmiy jurnallarda maqola e’lon qilish jarayonining barcha muhim bosqichlarini qamrab oldi. Xususan, ishtirokchilarga jurnal tanlash mezonlari, ilmiy maqolaning to‘g‘ri tuzilmasini shakllantirish, annotatsiya va asosiy bo‘limlarni yozish, ilmiy etika va havolalar bilan ishlash, maqolani onlayn topshirish, taqriz jarayonidan muvaffaqiyatli o‘tish hamda nashrdan keyingi strategiyalar bo‘yicha batafsil tushuntirishlar berildi.
Seminar davomida Scopus tizimining ishlash mexanizmi, indeksatsiya talablari va bibliometrik ko‘rsatkichlarning ahamiyati amaliy misollar orqali yoritildi. Shuningdek, maqola e’lon qilingandan so‘ng, uning ilmiy ko‘rinuvchanligi va iqtiboslar sonini oshirish bo‘yicha samarali tavsiyalar taqdim etildi.
Seminar interaktiv formatda o‘tkazilib, savol-javoblar, real tajribaga asoslangan misollar hamda ilmiy maqola tayyorlash jarayonini yengillashtiruvchi vositalar bo‘yicha amaliy tavsiyalar bilan boyitildi. Ishtirokchilar Scopus bazasida muvaffaqiyatli nashr etish bo‘yicha zarur bilim va ko‘nikmalarga ega bo‘ldilar.
Бугун, 9 январь куни илмий-тадқиқот фаолияти билан шуғулланаётган профессор-ўқитувчилар, докторантлар, мустақил тадқиқотчилар ҳамда ёш олимлар учун “Scopus базасидаги индексланган журналлар учун илмий мақолаларни тайёрлаш ва нашр этиш” мавзусида амалий семинар ташкил этилди.
Мазкур семинар Scopus халқаро маълумотлар базасида индексланган нуфузли илмий журналларда мақола эълон қилиш жараёнининг барча муҳим босқичларини қамраб олди. Хусусан, иштирокчиларга журнал танлаш мезонлари, илмий мақоланинг тўғри тузилмасини шакллантириш, аннотация ва асосий бўлимларни ёзиш, илмий этика ва ҳаволалар билан ишлаш, мақолани онлайн топшириш, тақриз жараёнидан муваффақиятли ўтиш ҳамда нашрдан кейинги стратегиялар бўйича батафсил тушунтиришлар берилди.
Семинар давомида Scopus тизимининг ишлаш механизми, индексация талаблари ва библиометрик кўрсаткичларнинг аҳамияти амалий мисоллар орқали ёритилди. Шунингдек, мақола эълон қилингандан сўнг, унинг илмий кўринувчанлиги ва иқтибослар сонини ошириш бўйича самарали тавсиялар тақдим этилди.
Семинар интерактив форматда ўтказилиб, савол-жавоблар, реал тажрибага асосланган мисоллар ҳамда илмий мақола тайёрлаш жараёнини енгиллаштирувчи воситалар бўйича амалий тавсиялар билан бойитилди. Иштирокчилар Scopus базасида муваффақиятли нашр этиш бўйича зарур билим ва кўникмаларга эга бўлдилар.
🌐 www.bfa.uz |
Please open Telegram to view this post
VIEW IN TELEGRAM
Media is too big
VIEW IN TELEGRAM
Bugun, 13-yanvar kuni O‘zbekiston Respublikasi Bank-moliya akademiyasida 14-yanvar — Vatan himoyachilari kuni munosabati bilan tantanali bayram tadbiri tashkil etildi. Unda professor-o‘qituvchilar, xodimlar, talabalar, shuningdek, Mudofaa vazirligi tizimida ko‘p yillar fidokorona xizmat qilgan faxriylar ishtirok etdi.
Tantanali tadbir O‘zbekiston Respublikasi Davlat madhiyasining orkestr ijrosida yangrashi bilan ochildi.
Shundan so‘ng so‘z Akademiya rektori Elmurod Hoshimovga berildi. U o‘z chiqishida Vatan himoyachilari kunining yuksak ma’naviy-siyosiy ahamiyatiga alohida to‘xtalib, mamlakatimiz milliy armiyasining bugungi salohiyati, uning tinchlik va barqarorlikni ta’minlashdagi o‘rni, shuningdek, yosh avlodni vatanparvarlik, fidoyilik va yuksak fuqarolik mas’uliyati ruhida tarbiyalash masalalariga alohida e’tibor qaratdi.
Tadbir davomida taklif etilgan mehmonlar — O‘zbekiston Respublikasi Mudofaa vazirligi Toshkent shahar Faxriylar kengashi raisi, iste’fodagi polkovnik Gulmurat Xushvakov hamda Faxriylar kengashi raisining o‘rinbosari, iste’fodagi podpolkovnik Ulug‘bek Zufarov o‘z tabrik so‘zlari bilan chiqib, Vatan himoyasi yo‘lida xizmat qilish sharafli va mas’uliyatli burch ekanini alohida ta’kidladilar.
Bayram tadbiri doirasida O‘zbekiston Respublikasi Mudofaa vazirligi orkestr guruhining musiqiy chiqishlari ishtirokchilarga ko‘tarinki kayfiyat bag‘ishladi.
Tadbirning taqdimot qismida faxriy mehmonlarga tabriklar yo‘llanib, esdalik sovg‘alari topshirildi. Yakunda barcha ishtirokchilar ishtirokida esdalik uchun umumiy fotosuratga tushildi.
Бугун, 13 январь куни Ўзбекистон Республикаси Банк-молия академиясида 14 январь — Ватан ҳимоячилари куни муносабати билан тантанали байрам тадбири ташкил этилди. Унда профессор-ўқитувчилар, ходимлар, талабалар, шунингдек, Мудофаа вазирлиги тизимида кўп йиллар фидокорона хизмат қилган фахрийлар иштирок этди.
Тантанали тадбир Ўзбекистон Республикаси Давлат мадҳиясининг оркестр ижросида янграши билан очилди.
Шундан сўнг сўз Академия ректори Элмурод Ҳошимовга берилди. У ўз чиқишида Ватан ҳимоячилари кунининг юксак маънавий-сиёсий аҳамиятига алоҳида тўхталиб, мамлакатимиз миллий армиясининг бугунги салоҳияти, унинг тинчлик ва барқарорликни таъминлашдаги ўрни, шунингдек, ёш авлодни ватанпарварлик, фидойилик ва юксак фуқаролик масъулияти руҳида тарбиялаш масалаларига алоҳида эътибор қаратди.
Тадбир давомида таклиф этилган меҳмонлар — Ўзбекистон Республикаси Мудофаа вазирлиги Тошкент шаҳар Фахрийлар кенгаши раиси, истеъфодаги полковник Гулмурат Хушваков ҳамда Фахрийлар кенгаши раисининг ўринбосари, истеъфодаги подполковник Улуғбек Зуфаров ўз табрик сўзлари билан чиқиб, Ватан ҳимояси йўлида хизмат қилиш шарафли ва масъулиятли бурч эканини алоҳида таъкидладилар.
Байрам тадбири доирасида Ўзбекистон Республикаси Мудофаа вазирлиги оркестр гуруҳининг мусиқий чиқишлари иштирокчиларга кўтаринки кайфият бағишлади.
Тадбирнинг тақдимот қисмида фахрий меҳмонларга табриклар йўлланиб, эсдалик совғалари топширилди. Якунда барча иштирокчилар иштирокида эсдалик учун умумий фотосуратга тушилди.
🌐 www.bfa.uz |
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
📢 Xalqaro qisqa muddatli amaliyot dasturiga taklif etamiz!
QS World University Rankings reytingida Top–200 talikka kiruvchi Universitas Indonesia bazasida tashkil etilayotgan qisqa muddatli xalqaro dasturga tinglovchilarni taklif etamiz.
Mazkur dastur ishtirokchilarga xalqaro akademik muhit bilan tanishish, shuningdek, boy madaniy tajriba orttirish imkoniyatini taqdim etadi.
Mavzu: Indoneziyada innovatsiyalar va raqamli transformatsiya: iqtisodiy, moliyaviy va ijtimoiy istiqbollar
Sanasi: 2026-yil 16–20-fevral
Dastur narxi: $500 (aviabilet narxi kiritilmagan)
Talablar: Ingliz tili sertifikati (kamida B2) yoki og‘zaki imtihon asosida qabul qilinadi.
Hujjatlar qabul qilish muddati 2026-yil 30-yanvargacha.
👉 Ro‘yxatdan o‘tish.
👉 Dastur
Xalqaro ta’lim va madaniy almashinuv imkoniyatini qo‘ldan boy bermang!
🌐 www.bfa.uz |🕊 Telegram | 📱 Facebook | 📱 Instagram | 📺 Youtube | Linked in
QS World University Rankings reytingida Top–200 talikka kiruvchi Universitas Indonesia bazasida tashkil etilayotgan qisqa muddatli xalqaro dasturga tinglovchilarni taklif etamiz.
Mazkur dastur ishtirokchilarga xalqaro akademik muhit bilan tanishish, shuningdek, boy madaniy tajriba orttirish imkoniyatini taqdim etadi.
Mavzu: Indoneziyada innovatsiyalar va raqamli transformatsiya: iqtisodiy, moliyaviy va ijtimoiy istiqbollar
Sanasi: 2026-yil 16–20-fevral
Dastur narxi: $500 (aviabilet narxi kiritilmagan)
👉 Transport va barcha dastur doirasidagi faoliyatlar to‘liq qamrab olingan
👉 Chinese New Year munosabati bilan Jakarta Chinatown hududiga madaniy sayohat rejalashtirilgan
👉 Nonushta ta’minlanadi (Ramazon oyi inobatga olingan holda)
Talablar: Ingliz tili sertifikati (kamida B2) yoki og‘zaki imtihon asosida qabul qilinadi.
Hujjatlar qabul qilish muddati 2026-yil 30-yanvargacha.
Xalqaro ta’lim va madaniy almashinuv imkoniyatini qo‘ldan boy bermang!
🌐 www.bfa.uz |
Please open Telegram to view this post
VIEW IN TELEGRAM
Bank-moliya akademiyasida Rossiya “Oliy iqtisodiyot maktabi” Milliy tadqiqot universiteti Xalqaro hamkorlik bo‘limi analitigi Dilmurod Tillashayxov hamda “Moliya va kredit” qo‘shma ta’lim dasturi tinglovchilari o‘rtasida uchrashuv bo‘lib o‘tdi.
Uchrashuvda qo‘shma ta’lim dasturi asosida o‘quv jarayonlarini tashkil etish, uni amalga oshirish mexanizmlari hamda tegishli o‘quv-uslubiy hujjatlar muhokama qilindi. Shuningdek, o‘quv jarayonining muhim jihatlari, akademik talablar hamda moliya, analitika va strategik boshqaruv sohasida yuqori malakali mutaxassislarni tayyorlashga qaratilgan qo‘shma ta’lim dasturini yanada rivojlantirish masalalari yuzasidan fikr almashildi.
Банк-молия академиясида Россия “Олий иқтисодиёт мактаби” Миллий тадқиқот университети Халқаро ҳамкорлик бўлими аналитиги Дилмурод Тиллашайхов ҳамда “Молия ва кредит” қўшма таълим дастури тингловчилари ўртасида учрашув бўлиб ўтди.
Учрашувда қўшма таълим дастури асосида ўқув жараёнларини ташкил этиш, уни амалга ошириш механизмлари ҳамда тегишли ўқув-услубий ҳужжатлар муҳокама қилинди. Шунингдек, ўқув жараёнининг муҳим жиҳатлари, академик талаблар ҳамда молия, аналитика ва стратегик бошқарув соҳасида юқори малакали мутахассисларни тайёрлашга қаратилган қўшма таълим дастурини янада ривожлантириш масалалари юзасидан фикр алмашилди.
🌐 www.bfa.uz |
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM