✍️ Bank-moliya akademiyasining 30 yilligi tadbirlari doirasida xalqaro ilmiy konferensiya tashkil etildi

Bank-moliya akademiyasida xalqaro ilmiy-amaliy konferensiya o‘z ishini boshladi. Ushbu nufuzli tadbir “Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusiga bag‘ishlandi.

Yubiley sanasi arafasida tashkil etilgan mazkur konferensiya Bank-moliya akademiyasining o‘tgan 30 yil davomida moliya-bank sohasi uchun malakali kadrlar tayyorlash, ilmiy tadqiqotlarni rivojlantirish va xalqaro akademik hamkorlikni mustahkamlashdagi o‘rnini yana bir bor namoyon etdi.

Konferensiyada jahon iqtisodiyotidagi geoiqtisodiy o‘zgarishlar, global savdo qarama-qarshiliklari, barqaror va inklyuziv moliyaviy tizimlarni shakllantirish, korporativ boshqaruv va ESG mexanizmlarining ahamiyati, fintex rivoji hamda kapital bozorlarini kengaytirish masalalari muhokama qilindi.

Tadbirni Bank-moliya akademiyasi rektori, iqtisod fanlari doktori doktor Xoshimov kirish so‘zi bilan ochib berdi. Shuningdek, Koreya Respublikasi va boshqa xorijiy davlatlardan tashrif buyurgan taniqli olimlar va ekspertlar, jumladan, Koreya Respublikasining sobiq Bosh vaziri o‘rinbosari va iqtisod hamda moliya vaziri doktor Oxsok Xyun, Handong Global University professori doktor Bomxa Ji, Sogang University professori doktor Yonsog Park, shuningdek, Akademiya professor-o‘qituvchilari ma’ruzalar bilan qatnashdi.

Tadbir yakunida ishtirokchilar tomonidan zamonaviy moliyaviy tizimlarni rivojlantirishga qaratilgan ilmiy xulosalar va amaliy tavsiyalar ishlab chiqildi.

✍️ Банк-молия академиясининг 30 йиллиги тадбирлари доирасида халқаро илмий конференция ташкил этилди

Банк-молия академиясида халқаро илмий-амалий конференция ўз ишини бошлади. Ушбу нуфузли тадбир “Барқарор молиявий тизимларни шакллантириш: глобал савдо урушларидан барқарор ва инклюзив молияга қадар” мавзусига бағишланди.

Юбилей санаси арафасида ташкил этилган мазкур конференция Банк-молия академиясининг ўтган 30 йил давомида молия-банк соҳаси учун малакали кадрлар тайёрлаш, илмий тадқиқотларни ривожлантириш ва халқаро академик ҳамкорликни мустаҳкамлашдаги ўрнини яна бир бор намоён этди.

Конференцияда жаҳон иқтисодиётидаги геоиқтисодий ўзгаришлар, глобал савдо қарама-қаршиликлари, барқарор ва инклюзив молиявий тизимларни шакллантириш, корпоратив бошқарув ва ESG механизмларининг аҳамияти, финтех ривожи ҳамда капитал бозорларини кенгайтириш масалалари муҳокама қилинди.

Тадбирни Банк-молия академияси ректори, иқтисод фанлари доктори доктор Хошимов кириш сўзи билан очиб берди. Шунингдек, Корея Республикаси ва бошқа хорижий давлатлардан ташриф буюрган таниқли олимлар ва экспертлар, жумладан, Корея Республикасининг собиқ Бош вазири ўринбосари ва иқтисод ҳамда молия вазири доктор Охсок Хюн, Handong Global University профессори доктор Бомха Жи, Sogang University профессори доктор Ёнсог Парк, шунингдек, Академия профессор-ўқитувчилари маърузалар билан қатнашди.

Тадбир якунида иштирокчилар томонидан замонавий молиявий тизимларни ривожлантиришга қаратилган илмий хулосалар ва амалий тавсиялар ишлаб чиқилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Xorijiy olimlar va yoshlar muloqoti

“Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusidagi xalqaro konferensiya doirasida mamlakatimizga tashrif buyurgan nufuzli xorijiy olimlar Bank-moliya akademiyasi tinglovchilari bilan uchrashuv o‘tkazdi.

Mazkur uchrashuv ilm-fan va amaliyot uyg‘unligini mustahkamlash, yoshlarning global moliyaviy jarayonlar haqidagi bilim va ko‘nikmalarini yanada kengaytirish maqsadida tashkil etildi. Suhbat davomida xorijiy olimlar jahon moliya tizimidagi bugungi tendensiyalar, global savdo urushlarining iqtisodiy barqarorlikka ta’siri, shuningdek, inklyuziv va barqaror moliyaviy mexanizmlarni rivojlantirish masalalari yuzasidan atroflicha fikr-mulohazalar bildirdi.

Tinglovchilar esa Koreyada tashkil etilgan xalqaro keys chempionati doirasida orttirgan tajribalari, amaliy loyihalar ustida ishlash jarayonida duch kelgan muammolar va ularning yechimlari haqida so‘z yuritib, mutaxassislardan qimmatli tavsiyalar oldilar. Savol-javoblar ruhida kechgan muloqot yoshlarning kasbiy dunyoqarashini kengaytirib, ularni zamonaviy moliya sohasi talablari asosida mustaqil fikrlashga undadi.

Uchrashuv yakunida bunday ilmiy-amaliy muloqotlar kelgusida ham davom ettirilishi, xalqaro tajriba almashinuvi orqali raqobatbardosh va yetuk mutaxassislarni tayyorlashga xizmat qilishi alohida ta’kidlandi.

✍️ Хорижий олимлар ва ёшлар мулоқоти

“Барқарор молиявий тизимларни шакллантириш: глобал савдо урушларидан барқарор ва инклюзив молияга қадар” мавзусидаги халқаро конференция доирасида мамлакатимизга ташриф буюрган нуфузли хорижий олимлар Банк-молия академияси тингловчилари билан учрашув ўтказди.

Мазкур учрашув илм-фан ва амалиёт уйғунлигини мустаҳкамлаш, ёшларнинг глобал молиявий жараёнлар ҳақидаги билим ва кўникмаларини янада кенгайтириш мақсадида ташкил этилди. Суҳбат давомида хорижий олимлар жаҳон молия тизимидаги бугунги тенденциялар, глобал савдо урушларининг иқтисодий барқарорликка таъсири, шунингдек, инклюзив ва барқарор молиявий механизмларни ривожлантириш масалалари юзасидан атрофлича фикр-мулоҳазалар билдирди.

Тингловчилар эса Кореяда ташкил этилган халқаро кейс чемпионати доирасида орттирган тажрибалари, амалий лойиҳалар устида ишлаш жараёнида дуч келган муаммолар ва уларнинг ечимлари ҳақида сўз юритиб, мутахассислардан қимматли тавсиялар олдилар. Савол-жавоблар руҳида кечган мулоқот ёшларнинг касбий дунёқарашини кенгайтириб, уларни замонавий молия соҳаси талаблари асосида мустақил фикрлашга ундади.

Учрашув якунида бундай илмий-амалий мулоқотлар келгусида ҳам давом эттирилиши, халқаро тажриба алмашинуви орқали рақобатбардош ва етук мутахассисларни тайёрлашга хизмат қилиши алоҳида таъкидланди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in