✍️ Rektor va yoshlar uchrashuvi: magistraturaning kechki ta’lim tinglovchilari bilan ochiq muloqot o‘tkazildi

Akademiyada yoshlar bilan ishlash, ta’lim sifatini oshirish hamda tinglovchilarning fikr va takliflarini bevosita eshitishga qaratilgan navbatdagi tadbir — rektor va yoshlar uchrashuvi tashkil etildi.

Mazkur uchrashuvda Akademiya magistraturasining kechki ta’lim shaklida tahsil olayotgan tinglovchilar ishtirok etdilar. Uchrashuv ochiq muloqot ruhida o‘tib, unda tinglovchilar o‘zlarini qiziqtirgan masalalar yuzasidan savollar berish, ta’lim jarayoni bilan bog‘liq taklif va tashabbuslarni bildirish imkoniyatiga ega bo‘ldilar.

Tadbir davomida rektor tinglovchilarga Akademiyada amalga oshirilayotgan islohotlar, xalqaro hamkorlik, ta’lim jarayonini tashkil etishdagi zamonaviy yondashuvlar, magistratura yo‘nalishlaridagi yangi imkoniyatlar hamda ilmiy-tadqiqot faoliyatini qo‘llab-quvvatlash bo‘yicha olib borilayotgan ishlar haqida atroflicha ma’lumot berdi.

Shuningdek, tinglovchilar tomonidan o‘quv jarayonini tashkil etish, dars jadvallari va o‘qituvchi-professorlar bilan ishlash tizimi, mustaqil ta’lim va elektron resurslardan foydalanish, amaliyot o‘tash jarayonlari, ilmiy rahbarlik va dissertatsiya ishlari bilan bog‘liq masalalar bo‘yicha qator savollar hamda takliflar bildirildi.

Uchrashuvda ko‘tarilgan har bir masala yuzasidan tinglovchilarga batafsil va asosli javoblar taqdim etildi. Shu bilan birga, kelib tushgan takliflar tahlil qilinib, ularning amaliyotga joriy etilishi bo‘yicha tegishli vazifalar belgilandi.

✍️ Ректор ва ёшлар учрашуви: магистратуранинг кечки таълим тингловчилари билан очиқ мулоқот ўтказилди

Академияда ёшлар билан ишлаш, таълим сифатини ошириш ҳамда тингловчиларнинг фикр ва таклифларини бевосита эшитишга қаратилган навбатдаги тадбир — ректор ва ёшлар учрашуви ташкил этилди.

Мазкур учрашувда Академия магистратурасининг кечки таълим шаклида таҳсил олаётган тингловчилар иштирок этдилар. Учрашув очиқ мулоқот руҳида ўтиб, унда тингловчилар ўзларини қизиқтирган масалалар юзасидан саволлар бериш, таълим жараёни билан боғлиқ таклиф ва ташаббусларни билдириш имкониятига эга бўлдилар.

Тадбир давомида ректор тингловчиларга Академияда амалга оширилаётган ислоҳотлар, халқаро ҳамкорлик, таълим жараёнини ташкил этишдаги замонавий ёндашувлар, магистратура йўналишларидаги янги имкониятлар ҳамда илмий-тадқиқот фаолиятини қўллаб-қувватлаш бўйича олиб борилаётган ишлар ҳақида атрофлича маълумот берди.

Шунингдек, тингловчилар томонидан ўқув жараёнини ташкил этиш, дарс жадваллари ва ўқитувчи-профессорлар билан ишлаш тизими, мустақил таълим ва электрон ресурслардан фойдаланиш, амалиёт ўташ жараёнлари, илмий раҳбарлик ва диссертация ишлари билан боғлиқ масалалар бўйича қатор саволлар ҳамда таклифлар билдирилди.

Учрашувда кўтарилган ҳар бир масала юзасидан тингловчиларга батафсил ва асосли жавоблар тақдим этилди. Шу билан бирга, келиб тушган таклифлар таҳлил қилиниб, уларнинг амалиётга жорий этилиши бўйича тегишли вазифалар белгиланди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasi ekspertlari xalqaro muloqot maydonida

Bank-moliya akademiyasi vakillari Respublika Ta’limni rivojlantirish ilmiy-metodik markazi tomonidan tashkil etilgan “Dalillar asosidagi ta’limni o‘zgartirish: baholashdagi tendentsiyalar, muammolar va innovatsion yechimlar” mavzusidagi xalqaro forumda ishtirok etdilar.

Mazkur forumda respublikaning maktabgacha ta’lim, umumta’lim va oliy ta’lim tizimlari mutaxassislari, shuningdek, xalqaro ekspertlar qatnashdi.

Tadbir baholash tizimini transformatsiya qilish, kasb-hunar va oliy ta’limdagi dolzarb tendensiyalar hamda muammolarni muhokama etish, innovatsion yondashuvlarni joriy qilish va dalillarga asoslangan boshqaruv qarorlarini qabul qilish masalalariga bag‘ishlandi.

Forum doirasida Bank-moliya akademiyasi dotsenti Yarkulova Ma’rifatxon Abdulaxad qizi “Oliy ta’limda sun’iy intellektdan foydalanishning baholash va akademik halollikka ta’siri” mavzusida ma’ruza bilan chiqish qildi.

Taqdimotda sun’iy intellekt texnologiyalarining baholash jarayonlariga ta’siri, akademik halollik bilan bog‘liq xavf va imkoniyatlar, shuningdek, ularni tartibga solish bo‘yicha zamonaviy yondashuvlar atroflicha yoritildi.

Mazkur xalqaro forum professional muloqot va ilg‘or tajribalar almashinuvi uchun samarali maydon bo‘lib, ta’lim sifatini ta’minlash, ichki sifat nazorati tizimlarini takomillashtirish hamda amaliy yechimlarni ishlab chiqishda muhim ahamiyat kasb etdi.

✍️ Банк-молия академияси экспертлари халқаро мулоқот майдонида

Банк-молия академияси вакиллари Республика Таълимни ривожлантириш илмий-методик маркази томонидан ташкил этилган “Далиллар асосидаги таълимни ўзгартириш: баҳолашдаги тендентсиялар, муаммолар ва инновацион ечимлар” мавзусидаги халқаро форумда иштирок этдилар.

Мазкур форумда республиканинг мактабгача таълим, умумтаълим ва олий таълим тизимлари мутахассислари, шунингдек, халқаро экспертлар қатнашди.

Тадбир баҳолаш тизимини трансформация қилиш, касб-ҳунар ва олий таълимдаги долзарб тенденциялар ҳамда муаммоларни муҳокама этиш, инновацион ёндашувларни жорий қилиш ва далилларга асосланган бошқарув қарорларини қабул қилиш масалаларига бағишланди.

Форум доирасида Банк-молия академияси доценти Яркулова Маърифатхон Абдулахад қизи “Олий таълимда сунъий интеллектдан фойдаланишнинг баҳолаш ва академик ҳалолликка таъсири” мавзусида маъруза билан чиқиш қилди.

Тақдимотда сунъий интеллект технологияларининг баҳолаш жараёнларига таъсири, академик ҳалоллик билан боғлиқ хавф ва имкониятлар, шунингдек, уларни тартибга солиш бўйича замонавий ёндашувлар атрофлича ёритилди.

Мазкур халқаро форум профессионал мулоқот ва илғор тажрибалар алмашинуви учун самарали майдон бўлиб, таълим сифатини таъминлаш, ички сифат назорати тизимларини такомиллаштириш ҳамда амалий ечимларни ишлаб чиқишда муҳим аҳамият касб этди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Akademiyada “Biznesda unit economy va uning qaror qabul qilishdagi roli hamda samaradorlikka ta’siri” mavzusida mahorat darsi bo‘lib o‘tdi

Mazkur mahorat darsi davomida unit economy tushunchasining biznes tahlilidagi o‘rni, mahsulot yoki xizmatning bir birlik (unit) bo‘yicha daromadliligini aniqlash masalalari, shuningdek, CAC, LTV kabi asosiy ko‘rsatkichlarning amaliy ahamiyati batafsil yoritildi. Ishtirokchilarga ushbu ko‘rsatkichlardan foydalangan holda biznesda strategik qarorlar qabul qilish mexanizmlari tushuntirib berildi.

Shuningdek, mashg‘ulot davomida samaradorlikni oshirish, xarajatlarni optimallashtirish hamda mavjud risklarni kamaytirish bo‘yicha amaliy tavsiyalar taqdim etildi. Mahorat darsi interaktiv shaklda o‘tkazilib, tinglovchilar real biznes misollari asosida muhokamalarda faol ishtirok etdilar.

Tadbir ishtirokchilarga biznesni rentabellik nuqtayi nazaridan baholash, boshqaruv qarorlarini ma’lumotlar asosida qabul qilish hamda zamonaviy biznes tahlili bo‘yicha amaliy bilim va ko‘nikmalarini mustahkamlash imkonini berdi.

✍️ Академияда “Бизнесда unit economy ва унинг қарор қабул қилишдаги роли ҳамда самарадорликка таъсири” мавзусида маҳорат дарси бўлиб ўтди

Мазкур маҳорат дарси давомида unit economy тушунчасининг бизнес таҳлилидаги ўрни, маҳсулот ёки хизматнинг бир бирлик (унит) бўйича даромадлилигини аниқлаш масалалари, шунингдек, CАC, LTV каби асосий кўрсаткичларнинг амалий аҳамияти батафсил ёритилди. Иштирокчиларга ушбу кўрсаткичлардан фойдаланган ҳолда бизнесда стратегик қарорлар қабул қилиш механизмлари тушунтириб берилди.

Шунингдек, машғулот давомида самарадорликни ошириш, харажатларни оптималлаштириш ҳамда мавжуд рискларни камайтириш бўйича амалий тавсиялар тақдим этилди. Маҳорат дарси интерактив шаклда ўтказилиб, тингловчилар реал бизнес мисоллари асосида муҳокамаларда фаол иштирок этдилар.

Тадбир иштирокчиларга бизнесни рентабеллик нуқтаи назаридан баҳолаш, бошқарув қарорларини маълумотлар асосида қабул қилиш ҳамда замонавий бизнес таҳлили бўйича амалий билим ва кўникмаларини мустаҳкамлаш имконини берди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasida yakuniy nazorat jarayonlari boshlandi

Bank-moliya akademiyasida 2025/2026-o‘quv yili yakuni munosabati bilan tinglovchilarning bilim va malakalarini baholashga qaratilgan yakuniy nazorat imtihonlari bo‘lib o‘tmoqda.

Yakuniy nazorat jarayonlari belgilangan jadval asosida, amaldagi o‘quv-me’yoriy hujjatlar talablariga muvofiq tashkil etilib, unda tinglovchilarning fanlar bo‘yicha nazariy bilimlari hamda amaliy ko‘nikmalari baholanmoqda. Imtihonlar ochiqlik, shaffoflik va xolislik tamoyillari asosida o‘tkazilmoqda.

Akademiya rahbariyati tomonidan yakuniy nazorat jarayonlarining sifatli va tizimli o‘tishini ta’minlash, shuningdek, tinglovchilar uchun zarur shart-sharoitlarni yaratishga alohida e’tibor qaratilmoqda.

Yakuniy nazorat natijalari o‘quv jarayonining samaradorligini baholash va kelgusidagi ta’lim jarayonini takomillashtirishda muhim ahamiyat kasb etadi.

✍️ Банк-молия академиясида якуний назорат жараёнлари бошланди

Банк-молия академиясида 2025/2026-ўқув йили якуни муносабати билан тингловчиларнинг билим ва малакаларини баҳолашга қаратилган якуний назорат имтиҳонлари бўлиб ўтмоқда.

Якуний назорат жараёнлари белгиланган жадвал асосида, амалдаги ўқув-меъёрий ҳужжатлар талабларига мувофиқ ташкил этилиб, унда тингловчиларнинг фанлар бўйича назарий билимлари ҳамда амалий кўникмалари баҳоланмоқда. Имтиҳонлар очиқлик, шаффофлик ва холислик тамойиллари асосида ўтказилмоқда.

Академия раҳбарияти томонидан якуний назорат жараёнларининг сифатли ва тизимли ўтишини таъминлаш, шунингдек, тингловчилар учун зарур шарт-шароитларни яратишга алоҳида эътибор қаратилмоқда.

Якуний назорат натижалари ўқув жараёнининг самарадорлигини баҳолаш ва келгусидаги таълим жараёнини такомиллаштиришда муҳим аҳамият касб этади.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in