🇺🇿 🇯🇵 Yaponiyalik hamkorlar bilan uchrashuv va ochiq ma’ruza sessiyasi o‘tkazildi

Bank-moliya akademiyasida Yaponiya Moliya vazirligi huzuridagi Iqtisodiy siyosat tadqiqotlari instituti vakillari bilan uchrashuv hamda ilmiy-amaliy seminar tashkil etildi. Tadbir iqtisodiy siyosat, makroiqtisodiy boshqaruv va korporativ boshqaruv yo‘nalishlarida Yaponiya tajribasini muhokama qilish hamda ikki tomonlama akademik hamkorlikni rivojlantirishga qaratildi.

Dastlab Bank-moliya akademiyasi rahbariyati va yaponiyalik ekspertlar o‘rtasida uchrashuv bo‘lib o‘tdi. Unda ilmiy-tadqiqot hamkorligini kengaytirish, tajriba almashish va qo‘shma ta’lim hamda ilmiy loyihalarni amalga oshirish masalalari muhokama qilindi. Shuningdek, davlat xaridlari va sanoat kooperatsiyasi bo‘yicha qo‘shma seminarlar o‘tkazish, professor-o‘qituvchilar uchun mazkur yo'nalishlarda onlayn Training of Trainers (ToT) dasturlarini yo‘lga qo‘yish hamda Yaponiyada tashkil etilgan seminarlarda qatnashgan Akademiya bitiruvchilari bilan hamkorlikni rivojlantirish, kelgusida shunday bitiruvchilar uchrashuvini tashkil etish istiqbollari ko‘rib chiqildi.

Shundan so‘ng Akademiyada ilmiy seminar o‘tkazildi. Unda Yaponiya Moliya vazirligi huzuridagi Iqtisodiy siyosat tadqiqotlari instituti vitse-prezidenti, BMAning faxriy prorektori Dr. Junji Ueda “Yaponiya iqtisodiyotining rivojlanishi: makroiqtisodiy siyosat” mavzusida taqdimot o‘tkazdi. Professor Junichi Suzuki esa “Yaponiyada korporativ boshqaruv islohoti: barqaror va samarali moliyaviy tizim sari” mavzusida ma’ruza qilib, shaffof boshqaruv, mustaqil direktorlar instituti va samarali nazorat mexanizmlarining ahamiyatini ta’kidladi. Seminar davomida tinglovchilar va professor-o‘qituvchilar bilan faol akademik muloqot olib borildi.

Mazkur tadbir xalqaro akademik hamkorlikni mustahkamlash, moliya va iqtisodiyot sohasida ilg‘or tajriba almashish hamda yuqori malakali mutaxassislar tayyorlashga xizmat qiladi.

🇺🇿 🇯🇵 Япониялик ҳамкорлар билан учрашув ва очиқ маъруза сессияси ўтказилди

Банк-молия академиясида Япония Молия вазирлиги ҳузуридаги Иқтисодий сиёсат тадқиқотлари институти вакиллари билан учрашув ҳамда илмий-амалий семинар ташкил этилди. Тадбир иқтисодий сиёсат, макроиқтисодий бошқарув ва корпоратив бошқарув йўналишларида Япония тажрибасини муҳокама қилиш ҳамда икки томонлама академик ҳамкорликни ривожлантиришга қаратилди.

Дастлаб Банк-молия академияси раҳбарияти ва япониялик экспертлар ўртасида учрашув бўлиб ўтди. Унда илмий-тадқиқот ҳамкорлигини кенгайтириш, тажриба алмашиш ва қўшма таълим ҳамда илмий лойиҳаларни амалга ошириш масалалари муҳокама қилинди. Шунингдек, давлат харидлари ва саноат кооперацияси бўйича қўшма семинарлар ўтказиш, профессор-ўқитувчилар учун мазкур йўналишларда онлайн Training of Trainers (ТоТ) дастурларини йўлга қўйиш ҳамда Японияда ташкил этилган семинарларда қатнашган Академия битирувчилари билан ҳамкорликни ривожлантириш, келгусида шундай битирувчилар учрашувини ташкил этиш истиқболлари кўриб чиқилди.

Шундан сўнг Академияда илмий семинар ўтказилди. Унда Япония Молия вазирлиги ҳузуридаги Иқтисодий сиёсат тадқиқотлари институти витсе-президенти, БМАнинг фахрий проректори Др. Жунжи Уэда “Япония иқтисодиётининг ривожланиши: макроиқтисодий сиёсат” мавзусида тақдимот ўтказди. Профессор Жуничи Сузуки эса “Японияда корпоратив бошқарув ислоҳоти: барқарор ва самарали молиявий тизим сари” мавзусида маъруза қилиб, шаффоф бошқарув, мустақил директорлар институти ва самарали назорат механизмларининг аҳамиятини таъкидлади. Семинар давомида тингловчилар ва профессор-ўқитувчилар билан фаол академик мулоқот олиб борилди.

Мазкур тадбир халқаро академик ҳамкорликни мустаҳкамлаш, молия ва иқтисодиёт соҳасида илғор тажриба алмашиш ҳамда юқори малакали мутахассислар тайёрлашга хизмат қилади.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Akademiyada umumxalq xayriya hashari o‘tkazildi
Navro'z bayrami arafasida, 14 mart kuni Bank-moliya akademiyasida umumxalq xayriya hashari o‘tkazildi.

Unda Akademiya rahbariyati, professor-o‘qituvchilar hamda xodimlar faol ishtirok etib, ular tomonidan tozalash, ko‘kalamzorlashtirish ishlari amalga oshirildi. Jarayonda nafaqat ta’lim muassasasi hududi obodonlashtirildi, balki yurt ravnaqi yo‘lida yagona maqsad atrofida birlashish ramzi namoyon bo‘ldi. Bu xayrli ishlar nafaqat ko‘zga ko‘rinar tozalik, balki birdamlik va mehr-oqibat timsoli sifatida barcha ishtirokchilar qalbiga quvonch ulashdi.

✍️ Академияда умумхалқ хайрия ҳашари ўтказилди

Навруз байрами арафасида, 14 март куни Банк-молия академиясида умумхалқ хайрия ҳашари ўтказилди.

Унда Академия раҳбарияти, профессор-ўқитувчилар ҳамда ходимлар фаол иштирок этиб, улар томонидан тозалаш, кўкаламзорлаштириш ишлари амалга оширилди. Жараёнда нафақат таълим муассасаси ҳудуди ободонлаштирилди, балки юрт равнақи йўлида ягона мақсад атрофида бирлашиш рамзи намоён бўлди. Бу хайрли ишлар нафақат кўзга кўринар тозалик, балки бирдамлик ва меҳр-оқибат тимсоли сифатида барча иштирокчилар қалбига қувонч улашди.

Telegram | Facebook | Instagram | Youtube | Linked in

🤝 O‘zbekiston Respublikasi Markaziy banki hamda Bank-moliya akademiyasi o‘rtasida muhim uchrashuv bo‘lib o‘tdi.

Mazkur uchrashuv davomida moliya sohasida zamonaviy yondashuvlarni rivojlantirish, xususan, FinTech yo‘nalishida yuqori malakali kadrlarni tayyorlash va qayta tayyorlash masalalari atroflicha muhokama qilindi.

Tomonlar tomonidan kelgusida o‘zaro hamkorlikni mustahkamlash, ilg‘or xalqaro tajribalarni joriy etish hamda raqamli moliya ekotizimi uchun zarur mutaxassislarni yetishtirish bo‘yicha dastur belgilab olindi.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🌸 Bank-moliya akademiyasida Navro‘z shukuhi

Bugun, 26-mart kuni O‘zbekiston Respublikasi Bank-moliya akademiyasida yangilanish va ezgulik timsoli bo‘lgan Navro‘z umumxalq bayrami yuqori kayfiyatda o‘tkazildi.

Bayram munosabati bilan Akademiya binosi milliy an’analar ruhida bezatilib, samimiy va ko‘tarinki muhit yaratildi. Tadbir davomida xodimlar va professor-o‘qituvchilar beqasam, adras va atlasdan tikilgan milliy liboslarda ishtirok etib, bayramga alohida joziba bag‘ishlashdi.

Ishtirokchilarga hududlarga xos milliy taomlar, jumladan osh va bahoriy ne’matlar tortiq etildi. Шунингдек, sog‘lom turmush tarzini targ‘ib etish maqsadida shaxmat va stol tennisi bo‘yicha musobaqalar tashkil etilib, g‘oliblar taqdirlandi.

Tadbir yakunida jamoat ishlarida faol bo‘lgan hamda milliy qadriyatlarni targ‘ib etishda ibrat ko‘rsatgan xodimlar "Faxriy yorliq" va esdalik sovg‘alari bilan rag‘batlantirildi.

Navro‘z bayrami Akademiya jamoasining ahilligi, o‘zaro hurmat va milliy qadriyatlarga sodiqligini yana bir bor namoyon etdi.

🎉 Barcha yurtdoshlarimizni Navro‘zi olam bilan muborakbod etamiz!

Telegram | Facebook | Instagram | Youtube | Linked in