🇺🇿 🇮🇩 Global ta’lim sari muhim qadam

✍️ Respublika Bank-moliya akademiyasi hamda Indoneziya universiteti o‘rtasida yo‘lga qo‘yilayotgan magistratura dasturlari mamlakatimizda amalga oshirilayotgan ta’lim islohotlarining mantiqiy davomi va sifat jihatidan yangi bosqichi sifatida namoyon bo‘lmoqda.

📍Mazkur tashabbus inson kapitali salohiyatini yuksaltirish, xalqaro standartlar asosida mutaxassislar tayyorlash hamda milliy ta’lim tizimini global bilimlar makoniga integratsiya qilishga qaratilgan izchil davlat siyosatining amaliy ifodasidir.

Shu munosabat bilan Respublika Bank-moliya akademiyasida mazkur dasturlar doirasida "Ochiq eshiklar kuni" tashkil etildi.

✅ Tadbir davomida ishtirokchilar uchun dastur imkoniyatlari, ta’lim jarayoni, qabul talablari hamda xalqaro hamkorlik istiqbollari haqida batafsil ma’lumotlar taqdim etildi.

Ishtirokchilar xorijiy hamkor universitet vakillari bilan muloqot qilish, o‘zlarini qiziqtirgan savollarga javob olish imkoniga ega bo‘ldilar.

Bank-moliya akademiyasi va QS TOP-200 talikka kiruvchi Universitas Indonesia hamkorligida nufuzli magistratura dasturlari yo‘lga qo‘yilmoqda!

✅ Yo‘nalishlar: Bank ishi va moliya (MSc in Banking & Finance), Strategik menejment (MSc in Strategic Management).

👉 Afzalliklari: Ikki diplom (BFA + Universitas Indonesia), xalqaro standartlarga mos ta’lim, xorijiy professorlar va akademik mobillik, keng karera imkoniyatlari.

🇺🇿 🇮🇩 Глобал таълим сари муҳим қадам

✍️Банк-молия академияси ҳамда Индонезия университети ўртасида йўлга қўйилаётган магистратура дастурлари мамлакатимизда амалга оширилаётган таълим ислоҳотларининг мантиқий давоми ва сифат жиҳатидан янги босқичи сифатида намоён бўлмоқда.

📍Мазкур ташаббус инсон капитали салоҳиятини юксалтириш, халқаро стандартлар асосида мутахассислар тайёрлаш ҳамда миллий таълим тизимини глобал билимлар маконига интеграция қилишга қаратилган изчил давлат сиёсатининг амалий ифодасидир.

Шу муносабат билан Республика Банк-молия академиясида мазкур дастурлар доирасида Очиқ эшиклар куни ташкил этилди.

✅ Тадбир давомида иштирокчилар учун дастур имкониятлари, таълим жараёни, қабул талаблари ҳамда халқаро ҳамкорлик истиқболлари ҳақида батафсил маълумотлар тақдим этилди.

Иштирокчилар хорижий ҳамкор университет вакиллари билан мулоқот қилиш, ўзларини қизиқтирган саволларга жавоб олиш имконига эга бўлдилар.

Банк-молия академияси ва QS ТОП-200 таликка кирувчи Universitas Indonesia ҳамкорлигида нуфузли магистратура дастурлари йўлга қўйилмоқда!

✅ Йўналишлар: Банк иши ва молия (MSc in Banking & Finance), Стратегик менежмент (MSc in Strategic Management).

👉 Афзалликлари: Икки диплом (BFA + Universitas Indonesia), халқаро стандартларга мос таълим, хорижий профессорлар ва академик мобиллик, кенг карера имкониятлари.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

#BFA_BMA_30_yoshda

✍️ Sun'iy intellekt, Fintex va barqaror moliya masalalari muhokama qilindi

🔰O‘zbekistonda moliya-bank tizimini yangi bosqichga olib chiqishga qaratilgan islohotlar izchil davom etayotgan bir paytda, Respublika Bank-moliya akademiyasining 30 yilligi doirasida o‘tkazilgan “Fintex va sun’iy intellekt davrida barqaror moliya” mavzusidagi xalqaro konferensiya muhim siyosiy-iqtisodiy ahamiyat kasb etdi.

Xalqaro konferensiyani Respublika Bank-moliya akademiyasi rektori Elmurod Hoshimov kirish so‘zi bilan ochib,ta’lim tizimini modernizatsiya qilish, ilmiy tadqiqotlarni real sektor ehtiyojlari bilan uyg‘unlashtirish va xalqaro hamkorlikni kengaytirish bugungi kunning ustuvor vazifasi ekanini alohida ta’kidladi.

📍Konferensiyada xorijiy va mahalliy ekspertlar, nufuzli olimlar va xalqaro tashkilotlar vakillari ishtirok etib, global iqtisodiy jarayonlar sharoitida moliya tizimini transformatsiya qilish, raqamli iqtisodiyotni rivojlantirish va barqaror o‘sishni ta’minlash masalalari yuzasidan atroflicha fikr almashdilar. Xususan, Indoneziya, Rossiya, Koreya, Malayziya, Turkiya kabi davlatlardan tashrif buyurgan ekspertlar tomonidan ilgari surilgan yondashuvlar zamonaviy moliyaviy siyosatni shakllantirishda muhim ahamiyatga ega ekani qayd etildi.
Muloqotlar davomida raqamli moliya xizmatlarining aholi farovonligiga ta’siri, fintex orqali moliyaviy inklyuzivlikni kengaytirish, ta’lim va ilm-fan integratsiyasi, innovatsion boshqaruv va zamonaviy marketing strategiyalari, shuningdek xalqaro moliya bozorlaridagi tendensiyalar va islom moliyasining o‘rni kabi masalalar dolzarb siyosiy-iqtisodiy masala sifatida baholandi.

👉Konferensiya doirasida imzolangan xalqaro memorandumlar va ilgari surilgan tashabbuslar O‘zbekistonning global moliyaviy makondagi o‘rnini mustahkamlash, raqamli bank xizmatlarini kengaytirish va fintex ekotizimini rivojlantirishga xizmat qiladi. Bu esa, o‘z navbatida, mamlakat iqtisodiyotining ochiqligi, raqobatbardoshligi va barqarorligini ta’minlashga qaratilgan strategik qadam sifatida namoyon bo‘lmoqda.

✍️ Сунъий интеллект, Финтех ва барқарор молия масалалари муҳокама қилинди

🔰Ўзбекистонда молия-банк тизимини янги босқичга олиб чиқишга қаратилган ислоҳотлар изчил давом этаётган бир пайтда, Банк-молия академиясининг 30 йиллиги доирасида ўтказилган “Финтех ва сунъий интеллект даврида барқарор молия” мавзусидаги халқаро конференция муҳим сиёсий-иқтисодий аҳамият касб этди.

Халқаро конференцияни Репсблика Банк-молия академияси ректори Элмурод Ҳошимов кириш сўзи билан очиб,таълим тизимини модернизация қилиш, илмий тадқиқотларни реал сектор эҳтиёжлари билан уйғунлаштириш ва халқаро ҳамкорликни кенгайтириш бугунги куннинг устувор вазифаси эканини алоҳида таъкидлади.

📍Конференцияда хорижий ва маҳаллий экспертлар, нуфузли олимлар ва халқаро ташкилотлар вакиллари иштирок этиб, глобал иқтисодий жараёнлар шароитида молия тизимини трансформация қилиш, рақамли иқтисодиётни ривожлантириш ва барқарор ўсишни таъминлаш масалалари юзасидан атрофлича фикр алмашдилар. Хусусан, Индонезия, Россия, Корея, Малайзия, Туркия каби давлатлардан ташриф буюрган экспертлар томонидан илгари сурилган ёндашувлар замонавий молиявий сиёсатни шакллантиришда муҳим аҳамиятга эга экани қайд этилди.

Мулоқотлар давомида рақамли молия хизматларининг аҳоли фаровонлигига таъсири, финтех орқали молиявий инклюзивликни кенгайтириш, таълим ва илм-фан интеграцияси, инновацион бошқарув ва замонавий маркетинг стратегиялари, шунингдек халқаро молия бозорларидаги тенденциялар ва ислом молиясининг ўрни каби масалалар долзарб сиёсий-иқтисодий масала сифатида баҳоланди.

👉Конференция доирасида имзоланган халқаро меморандумлар ва илгари сурилган ташаббуслар Ўзбекистоннинг глобал молиявий макондаги ўрнини мустаҳкамлаш, рақамли банк хизматларини кенгайтириш ва финтех экотизимини ривожлантиришга хизмат қилади. Бу эса, ўз навбатида, мамлакат иқтисодиётининг очиқлиги, рақобатбардошлигини таъминлашга қаратилган стратегик қадам сифатида намоён бўлмоқда.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in